Home ព័ត៌មានជាតិ សន្តិសុខ ចាប់ខ្លួន​ប្អ...

ចាប់ខ្លួន​ប្អូន ដែល​បាញ់​បង​បង្កើត ឱ្យ​រងរបួស​បាន​ហើយ នៅ​ខេត្តស្វាយរៀង​

ដោយៈ ស​រិ​ទ្ធ / ស្វាយរៀងៈ បុរស​ម្នាក់ ដែល​បាញ់​បងប្រុស​បង្កើត បណ្តាលឱ្យ​រងរបួស នៅ​ក្រុង​តាខ្មៅ ត្រូវបាន​កម្លាំង​នគរបាល ព្រហ្មទណ្ឌ​កម្រិតធ្ងន់ ខេត្តកណ្តាល សហការ​ស្រាវជ្រាវ ឃាត់​បាន នៅ​ខេត្តស្វាយរៀង កាលពី​ល្ងាច ថ្ងៃទី​១៩ ខែធ្នូ ឆ្នាំ​២០២០​។​

​សមត្ថកិច្ច បាន​ឲ្យ​ដឹងថា នៅ​ព្រឹក​ថ្ងៃទី​២០ ខែធ្នូ ឆ្នាំ​២០២០​នេះ លោក​ឧ​ត្ត​ម​សេនីយ៍​ត្រី កុយ សុភាព បាន​ដឹកនាំ​កម្លាំង ការិយាល័យ ព្រហ្មទណ្ឌ​កម្រិតធ្ងន់ និង​កម្លាំង​អធិការដ្ឋាន​គរ​បាល ស្រុក​កំពង់រោទិ៍ សហការ​ជាមួយ សមត្ថកិច្ច​នគរបាល ខេត្តកណ្តាល បាន​ស្រាវជ្រាវ ឃាត់ខ្លួន​បុរស​ម្នាក់ ឈ្មោះ ឆាយ សា​លាភ អាយុ​៣៦​ឆ្នាំ មុខរបរ លក់​ផលិតផល តាម​អន​ឡាញ មាន​លំនៅ នៅ​ភូមិ​ព្រែក​ខ្សេវ សង្កាត់​រកា​ខ្ពស់ ក្រុង​តាខ្មៅ ខេត្តកណ្តាល ដែល​បាន​ប្រព្រឹត្ត​អំពើ ប៉ុនប៉ង​ឃាតកម្ម លើ​បងប្រុស​បង្កើត ឈ្មោះ ឆាយ សៀម​ម៉ី អាយុ​៤៣​ឆ្នាំ កាលពី​ថ្ងៃទី​១៩ ខែធ្នូ កន្លងទៅ នៅ​ភូមិ​ព្រែក​ខ្សេវ សង្កាត់​រកា​ខ្ពស់ ក្រុង​តាខ្មៅ ខេត្តកណ្តាល ។​

​សមត្ថកិច្ច បានបញ្ជាក់​ថាៈ បន្ទាប់ពី​ធ្វើ​សកម្មភាព​រួច ជនសង្ស័យ បាន​លាក់ខ្លួន នៅផ្ទះ​របស់​ឈ្មោះ ម៉ា ឈិ​ត ហៅ យុ ភេទ​ប្រុស នៅ​ភូមិ​ត្រពាំង​ត្រាច ឃុំ​ស្វាយ​តា​យាន ស្រុក​កំពង់រោទិ៍ ខេត្តស្វាយរៀង ។ ក្នុងពេល​ឃាត់ខ្លួន សមត្ថកិច្ច បាន​ដកហូត ម៉ូតូ​មួយគ្រឿង ម៉ាក ស៊ី​រូស ពណ៌​ខ្មៅ​តែម​ក្រហម ពាក់​ស្លាក​លេខ វៀតណាម 84-G1 019.40 និង​ទូរស័ព្ទ​មួយគ្រឿង ម៉ាក​ហ័​រ​វ៉េ​យ ពណ៌​ខ្មៅ ៕/V​

ចាប់ខ្លួន​ប្អូន ដែល​បាញ់​បង​បង្កើត ឱ្យ​រងរបួស​បាន​ហើយ នៅ​ខេត្តស្វាយរៀង​

ទីតាំងផ្សាយពាណិជ្ជកម្ម

- Advertisment -

Most Popular