​ត្រសក់​, តាសក់​ , ក្អែក​ , ផ្អរ​ , សាប់​

ដោយៈ ដកស្រង់​ពី​វចនានុក្រម សម្ដេច​សង្ឃរាជ ជួន ណាត​

​ត្រសក់​
នាមសព្ទ​
( ម​. ព​. តាសក់ ) ។​
ឈ្មោះ​ត្រី​ស្រកា​មួយ​ប្រភេទ​
​ត្រី​ត្រសក់ ។​

​តាសក់​
នាមសព្ទ​
​ឈ្មោះ​វល្លិ​ដំណាំ​មាន​ផ្លែ​ជា​អាហារ​; តាសក់​មាន​ច្រើន​ប្រភេទ​គឺ តាសក់ស្រូវ​, តាសក់ផ្អរ ។ ល ។​

​ក្អែក​
នាមសព្ទ​
​ឈ្មោះ​បក្សី​មួយ​ប្រភេទ សម្បុរ​ខ្មៅ​សុទ្ធ​, ដំណើរ​លោតៗ ច្រើន​បរិភោគ​អសុភ​ជា​អាហារ ។ ឈ្មោះ​ត្រី​មួយ​ប្រភេទ មាន​ស្រកាសម្បុរ​ខ្មៅ​ប្រផេះ​, រង្វះមាត់​តូច​​ត្រី​ក្អែក ។​
​ឈ្មោះ​តាសក់ ​ពុល​មួយ​ប្រភេទ ផ្លែ​រាង​មូល​ទុំ ​ឡើង​ពណ៌​ក្រហម​
​តាសក់​ក្អែក ។​

​ផ្អរ​
នាមសព្ទ​
​ឈ្មោះ​តាសក់​មួយ​ប្រភេទ​ដើម​វារ​ផ្ទាល់​នឹង​ដី ផ្លែ​ប្រើ​ជា​អាហារ​បាន​ច្រើនបែប​
​ញាំ​តាសក់ផ្អរ​, អន្លក់​តាសក់ផ្អរ ។ តាសក់ផ្អរ​កញ្ជ្រៀប តាសក់ផ្អរ​ផ្លែ​តូចៗ ។​

សាប់​
កិរិយាសព្ទ​
​កាប់​ចិញ្ច្រាំ​ស្រាលៗ​ញាប់ៗ​ឲ្យ​ដាច់​ជា​ចំណិត​តូចៗ ស្ដើងៗ​
​សាប់ផ្លែល្ហុង​, សាប់ទំពាំង​, សាប់តាសក់ ។​
​អុំទូក​ញាប់ៗ​
​សាប់​ច្រវា​ព្រម​គ្នា ។​
​ព​. ប្រ​. ស្ដីបន្ទោស​ញាប់​មាត់​
​សាប់​ព្រឹក សាប់​ល្ងាច ព្រឹក​បន្ទោស​ល្ងាច​បន្ទោស​យ៉ាង​ញាប់​មាត់ ។​
​សូត្រ​សេចក្ដី​ឬ​សូត្រធម៌​យ៉ាង​ញាប់​ស្អេក​
​សាប់​តែមួយ​សន្ទុះ​ចប់​ភ្លាម ( ព​. សា​. ) ។​

ទីតាំងផ្សាយពាណិជ្ជកម្ម

- Advertisment -

Most Popular