Home ព័ត៌មានអន្តរជាតិ កូរ៉េ​ខាងត្បូ...

កូរ៉េ​ខាងត្បូង​មាន​ការ​វីរុស​ប្រចាំថ្ងៃ​ខ្ពស់​បំផុត​និង​ផ្ទុះ​កូវី​ដ​១៩​នៅក្នុង​គុក​

​ប្រែ​សម្រួលៈ​វាសនា​/​សេ​អ៊ូ​ល​៖​កូរ៉េខាងត្បូង​នៅ​ថ្ងៃអាទិត្យ​នេះ​បាន​រាយការណ៍​ការ​ឆ្លងកូវី​ដ​១៩​ថ្មី​ចំនួន​១.០៩៧​នាក់ រួម​ទាំង​ការផ្ទុះ​ជំងឺ​នេះ​នៅក្នុង​គុក​មួយ​នៅ​ក្រុង​សេ​អ៊ូ​ល ដែល​បាន​ចម្លង​មនុស្ស​១៨៥​នាក់​។​

​ដោយ​ការឆ្លង​ប្រចាំ​ថ្ងៃ​មាន​ចំនួន​ជាង​១​ពាន់​នាក់​ដល់​ថ្ងៃទី​៥​ជាប់​គ្នា អ្នកជំនាញការ​វេជ្ជសាស្ត្រ​ខ្លះ​បាន​រិះគន់​រដ្ឋាភិបាល​ថា​យឺតយ៉ាវ​នៅក្នុង​ការដាក់ចេញ​វិធានការ​គម្លាត​សង្គម​តឹងរឹង​ឡើង​។​

​សូមបញ្ជាក់​ថា ការ​តាម​រក​ប្រភព​និង​ការធ្វើតេ​ស្តិ៍​រក​វីរុសដ៏​ហ្មត់ចត់​នៅ​គ្រា​ដំបូងៗ​នៃ​ការផ្ទុះ​ជំងឺ​កូវី​ដ​១៩​នៅ​ប្រទេស​នេះ នាំអោយ​មាន​ការកោតសរសើ​រន​អំពី​វិធានការ​របស់​រដ្ឋាភិបាល​កូរ៉េ​ខាង​​ត្បូង តែ​ការផ្ទុះ​ជំងឺ​ដ៏​អា​​ក្រក់​ជាថ្មី​នេះ បង្កឡើង​ដោយ​ការឆ្លង​ជា​ចង្កោម​តូចៗ កំពុង​បង្ក​ការព្រួយបារម្ភ​ខ្លាំង នៅពេល​គ្រែពេទ្យ​សំរាប់​ទទួល​អ្នកជំងឺ​កូវី​ដ​១៩​ជិត​អស់​។​

​ចំនួន​ឆ្លង​ប្រចាំ​ថ្ងៃ​ខ្ពស់​បំផុត​ពី​មុន​នៅ​កូរ៉េ​ខាងត្បូង គឺ​១.០៧៦​នាក់​កាលពី​ថ្ងៃ​ពុធ ក្នុង​ចំនួន​នេះ ១.០៧២​នាក់​ឆ្លង​ក្នុងស្រុក និង​នាំចូល​មកពី​ក្រៅ​តែ​២៥​នាក់​។​

​គុក​មួយ​នៅ​ក្រុង​សេ​អ៊ូ​ល​ភាគ​អាគ្នេយ៍ បាន​រក​ឃើញ​អ្នក​កើតកូ​វីដ​១៩​លើ​អ្នក​ទោស​ដល់​ទៅ​១៨៤​នាក់ និង​បុគ្គលិក​ម្នាក់​។​ទោះជា​យ៉ាងណា អតីត​ប្រធានាធិបតី លី ម្យុង​បាក់ដែល​កំពុង​ជាប់​ក្នុង​ពន្ធ​​នាគារ​នេះដែរ​ត្រូវបាន​ធ្វើតេស្តិ៍​អវិជ្ជ​មាន​កូវី​ដ​១៩​។​

​ក្នុងពេល​ជាមួយគ្នា ទីភ្នាក់ងារ​សារព័ត៌មាន​យ៉ុន​ហាប់​បាន​និយាយ​ថា​មនុ​ស្ស​៦១​នាក់​បាន​ឆ្លង​វីរុស​កូរ៉ូណា​នៅផ្ទះ​ថែទាំ​មនុស្ស​ចាស់​មួយ​នៅ​ក្រុង ចេ​អុន​ជូ​៕

ទីតាំងផ្សាយពាណិជ្ជកម្ម

- Advertisment -

Most Popular