ស្ពាន ១៣ មករា ខេត្តបាត់ដំបង ត្រៀម​ដាក់​សម្ពោធ​ឲ្យ​ពលរដ្ឋ ធ្វើដំណើរ​ឆ្លងកាត់​

ដោយៈ ភ្នំ​ខៀវ / បាត់ដំបងៈ ស្ពានថ្ម​ថ្មី ១៣ មករា ដែល​កសាង​ទន្ទឹមគ្នា ជាមួយ​ស្ពាន​បុរាណ អាយុ​ជាង ១០០ ឆ្នាំ ក្នុង​ក្រុង​បាត់ដំបង កំពុង​ត្រៀម​ដាក់​សម្ពោធ​ឲ្យ​ពលរដ្ឋ ធ្វើដំណើរ​ឆ្លងកាត់​។​

​សមិទ្ធផល​ស្ពានថ្ម​ថ្មី ដែល​ត​ភ្ជាប់​ដងស្ទឹង​សង្កែ រវាង​ត្រើយ​ខាងកើត និង​ខាងលិច កសាង​ទន្ទឹមគ្នា​ជាមួយ ស្ពាន​បុរាណ អាយុកាល ១០៣ ឆ្នាំ ដែល​ចាប់ផ្តើម​ដំណើរការ សាងសង់​តាំងពីដើម ខែមករា ឆ្នាំ​២០២០ មកទល់​ពេល​បច្ចុប្បន្ននេះ បានបញ្ចប់​គម្រោង ស្ទើរតែ​ទាំងស្រុង​ហើយ នៅ​សេសសល់​ផ្នែក​តូចៗ មួយចំនួន​ប៉ុណ្ណោះ ដូចជា​ការកែលម្អ ត្រង់​ក្បាលស្ពាន ត្រើយ​ខាងកើត និង​ខាងលិច​ខ្លះៗ ដោយ​ចំពោះមុខ​នេះ ក្រុម​ជាង​កំពុង​ព​ន្លឿ​ន ការរៀបចំ​ខឿន​ផ្លូវ ដាំ​ស្មៅ ដាំ​ផ្កា ក្នុង​សួន​កំណាត់​ផ្លូវភ្លោះ និង​បំពាក់​អំពូល​ភ្លើង ជាដើម មុននឹង​បើកសម្ពោធ​ដាក់​ឲ្យ ប្រជាពលរដ្ឋ​ប្រើប្រាស់ ឆ្លងកាត់​ទៅមក​។​

​ស្ពានថ្ម ទើប​សាងសង់​ថ្មី​នេះ ត្រូវបាន​សម្តេច​ក្រឡាហោម ស ខេង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងមហាផ្ទៃ ដាក់ឈ្មោះថា “​ស្ពាន ១៣ មករា​” ឲ្យ​ស្របទៅតាម​អត្ថន័យ ជា​ថ្ងៃ​រំដោះ​ទីក្រុង​បាត់ដំបង ពី​របប​ប្រល័យពូជសាសន៍ ប៉ុល ពត ឆ្នាំ​១៩៧៩ ។​

​ស្ពាន ១៣ មករា​នេះ នៅ​ពីក្រោយ​ថ្ងៃ ដាក់​ឲ្យ​ដំណើរ​ជា​ស្ថាពរ ហើយ​មិន​ត្រឹមតែ បានផ្តល់​ជា​ប្រយោជន៍ សម្រាប់​បងប្អូន ប្រជាពលរដ្ឋ បាន​ឆ្លងកាត់​ទៅមក ដឹកជញ្ជូន​កសិផល ទំនិញ​ផ្សេងៗ និង​បញ្ចៀស​ចរាចរណ៍ កកស្ទះ នៅ​ថ្ងៃ​បុណ្យទាន​ម្តងៗ នោះទេ ក្រៅពីនេះ ស្ពាន​ដ៏​ស្រស់ស្អាត​ថ្មី​នេះ ក៏បានផ្តល់​ជា​សារៈប្រយោជន៍ យ៉ាងសំខាន់​ផងដែរ ក្នុងការ​ទាក់ទាញ​ភ្ញៀវ​ជាតិ អន្តរជាតិ ឲ្យ​ផ្តោត​ការចាប់អារម្មណ៍ ឡើង​លេង គយគន់​ទឹកស្ទឹង​សង្កែ ថតរូប​អនុស្សាវរីយ៍ និង​ជា​ផ្នែក​មួយ ពង្រីក​សក្តានុពល ទេសចរណ៍ ចម្រុះ​ជាតិ​សាសន៍ ឲ្យ​ចូលមក​ទស្សនា ក្នុង​ទឹកដី​ចំណាស់ ខេត្តបាត់ដំបង កាន់តែច្រើន​ទ្វេ​ឡើង​។​

​លោក ងួន រតនៈ អភិបាលខេត្ត​បាត់ដំបង បានបញ្ជាក់​ប្រាប់ ជុំវិញ​សមិទ្ធផល​ខាងលើនេះ​ថាៈ សម្រាប់​ពេលវេលា ដាក់​សម្ភោ​ធ​ស្ពាន ១៣ មករា នៅ​ចំណុច​ទល់មុខ សាលាខេត្ត ក្នុងភូមិ​កម្មករ សង្កាត់​ស្វាយប៉ោ ក្រុង​បាត់ដំបង រដ្ឋបាលខេត្ត មិនទាន់បាន​សុំ​គោលការណ៍ ទៅ​ថ្នាក់លើ​នោះទេ ដោយសារ​មាន​ការងារ​កែលម្អ នៅ​សេសសល់ មួយចំនួន​តូច​ទៀត រង់ចាំ​ការរៀបចំ​កែលម្អ ត្រង់​ផ្នែក​ក្បាលស្ពាន ត្រើយ​ខាងលិច និង​ត្រើយ​ខាងកើត​សិន ទើប​សម្រេច​។​

​ស្ពានថ្ម​ថ្មី​នេះដែរ មាន​ទីតាំង​ឋិត​នៅ​ប៉ែក​ខាងត្បូង នៃ​ស្ពាន​បុរាណ មាន​ចន្លោះ​ពីគ្នា ចំនួន ៦ ម៉ែត្រ ប្រវែង​បណ្តោយ ចំនួន ១០០ ម៉ែត្រ ទទឹង ៨ ម៉ែត្រ ប្រើប្រាស់​ថវិកា​ចំនួន ជាង​កន្លះ​លាន​ដុល្លារ​អាមេរិក របស់​សប្បុរសជន​ខ្មែរ នៅ​ប្រទេស​ស្វី​ស មាន​ស្រុកកំណើត នៅក្នុង​ស្រុក​បាណន់ តាមរយៈ​ការ​កៀរគរ​ពី សម្តេច​ក្រឡាហោម ស ខេង​៕/V

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ចំណងដៃ​ថ្មី​ស្ពានថ្ម ១៣ មករា ឋិត​នៅមុខ​សាលាខេត្ត​បាត់ដំបង ( រូប​:​ភ្នំ​ខៀវ )​

ទីតាំងផ្សាយពាណិជ្ជកម្ម

- Advertisment -

Most Popular