Home ព័ត៌មានសំខាន់ៗ សម្ដេច​តេ​ជោ ...

សម្ដេច​តេ​ជោ ហ៊ុន សែន អំពាវនាវ​ឲ្យ​ពលរដ្ឋ កុំ​ជ្រួលច្របល់ រត់ចេញ ពី​ប្រទេស​ថៃ ខណៈ​ខេត្ដ​មួយ​របស់​ថៃ ផ្ទុះ​ការឆ្លង​កូ​វីដ​-១៩ ក្នុង​សហគមន៍​

ដោយៈ តារា​រិ​ទ្ធ / ភ្នំពេញៈ សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា នៅ​ល្ងាច​ថ្ងៃទី ២០ ខែធ្នូ​នេះ តាមរយៈ​ខ្សែអាត់​សំឡេង មាន​រយៈពេល ២១ នាទី និង ៣៥ វិនាទី បាន​អំពាវនាវ​ឲ្យ​បងប្អូន ប្រជាពលរដ្ឋ​ខ្មែរ ដែល កំពុងតែ​រស់នៅ និង​ធ្វើការ នៅ​ប្រទេស​ថៃ សូម​ទុក​ចិ​ត្ដ​ចំពោះ រាជរដ្ឋាភិបាល​ថៃ ក្នុងការ​គ្រប់គ្រង​ជំងឺ​កូ​វីដ ១៩ ហើយ​មិនត្រូវ រត់​ចេញពី​ប្រទេស​ថៃ ក្នុងពេលដែល​ថៃ កំពុង​ជួប​ការលំបាក នាពេលនេះ​ទេ ដែល​មួយ​គឺជា​ការការពារ​ខ្លួន ពី​ការឆ្លង​ជំងឺ និង មួយទៀត ចៀសវាង​ការបាត់បង់​ការងារ និង​មួយទៀត ចៀសវាង​នាំចូល​ជំងឺ មក​កម្ពុជា ក្នុងករណី ដែល​អាចមាន ។ ជាមួយនេះ សម្ដេច​តេ​ជោ ហ៊ុន សែន ក៏បាន​អំពាវនាវ​ដល់ ឪពុកម្ដាយ និង​ក្រុមគ្រួសារ ដែលមាន​សាច់ញាតិ ធ្វើការ​នៅ​ប្រទេស​ថៃ សូមជួយ លើក​ទឹក​ចិ​ត្ដ​ឲ្យ​ពួកគាត់ បន្ដ​នៅ​ប្រទេស​ថៃ មួយរយៈ​សិន ។​

​ទន្ទឹមនឹងនេះ សម្ដេច​តេ​ជោ ក៏​ស្នើ​ដល់​ពលរដ្ឋ​កម្ពុជា ដែល​បម្រុង​ចូលទៅ​ក្នុងប្រទេស​ថៃ សូម​ផ្អាក​ជា​បណ្ដោះអាសន្ន​សិន ដើម្បី​កុំ ឲ្យ​ប្រឈម និង​ការឆ្លង​ជំងឺ​កូ​វីដ ១៩ ។ ជាមួយគ្នានេះ សម្ដេច​តេ​ជោ ហ៊ុន សែន កំពុង​តែង​ពិភាក្សា ជាមួយ​រដ្ឋមន្ដ្រី ក្រសួងសុខាភិបាល និង​ក្រសួងការពារជាតិ ដើម្បី​រៀបចំ​ការធ្វើ​ច​ត្ដា​ឡី​ស័ក នៅ​ព្រំដែន​ផ្ទាល់ និង​បំ​ព្រួញ​មាត់​ច្រក់ព្រំដែន មក​នៅត្រឹមតែ បី​ច្រក ដើម្បី​ងាយស្រួល ក្នុងការ​គ្រប់គ្រង ការចេញចូល​របស់​ព​លករ​ខ្មែរ និង​បញ្ចេញ​រថយន្ដ​កងទ័ព ចំនួន ៧០ គ្រឿង ដើម្បី​ត្រៀម​ដឹក​ពលករ​ពី​ព្រំដែន ទៅកាន់​ស្រុកកំណើត ករណី​មណ្ឌល​ច​ត្តា​ឡី​ស័ក នៅតាម​ព្រំដែន មាន​ចំនួន​ច្រើន ដោយ សម្តេច បញ្ជាក់ថាៈ ” យើង​មិនអាច​ឲ្យ​ពលករ​ចំណាកស្រុក ធ្វើដំណើរ​តាម​រថយន្ត​តាក់ស៊ី​បានទេ ព្រោះ​វា​ជា​ហានិភ័យ ក្នុងការ​ចម្លង ចូលទៅក្នុង​សហគមន៍ “ ។​

​កាលពី​យប់​ថ្ងៃ​សៅរ៍ ទី​១៩ ខែធ្នូ ថៃ​បានប្រកាស ពី​ការរកឃើញ​ករណី​ឆ្លង​កូ​ច​វីដ ១៩ ( COVID-19 ) ដល់​ទៅ​ជាង ៥០០ ករណី ក្នុងចំណោម​ពលករ​ចំណាកស្រុក នៅឯ​ខេត្ត​សាមុត​សា​ខន (Samut Sakhon) ភាគ​និរតី​ទីក្រុង​បាងកក ខណៈ​វា​ជា​ចំនួន ករណី​ឆ្លង ដ៏​ច្រើន​បំផុត ដែល​ត្រូវបាន​រាយការណ៍ ក្នុង​រយៈពេល​ត្រឹម ១​ថ្ងៃ ។ ខេត្ត​សាមុត​សា​ខន មាន​ព្រំដែន ជាប់​ខេត្តកោះកុង ពោធិសាត់ និង ប៉ែ​លិ​ន ៕/V

សម្ដេច​តេ​ជោ ហ៊ុន សែន អំពាវនាវ​ឲ្យ​ពលរដ្ឋ កុំ​ជ្រួលច្របល់ រត់ចេញ ពី​ប្រទេស​ថៃ ខណៈ​ខេត្ដ​មួយ​របស់​ថៃ ផ្ទុះ​ការឆ្លង​កូ​វីដ​-១៩ ក្នុង​សហគមន៍​

ទីតាំងផ្សាយពាណិជ្ជកម្ម

- Advertisment -



Most Popular