Home ព័ត៌មានសំខាន់ៗ ភ្លៀង​ខុសរដូវ...

ភ្លៀង​ខុសរដូវ​រំខាន​ដល់​គម្រោង​អ៊ុត​កៅស៊ូ​ផ្លូវ​៣៤​ខ្សែ​នៅ​ក្រុងព្រះសីហនុ​

​ដោយៈ​ប​.​ខុន​/​ភ្នំពេញៈ​ ធាតុអាកាស​មិន​អំណោ​យ​ផល​ធ្វើឱ្យ​ការងារ​អ៊ុត​កៅស៊ូ​បេ​ទី​មី​ន័​រលើ​ផ្លូវ ៣៤​ខ្សែ​នៅ​ខេត្ត​ព្រះសីហនុ​រអាក់រអួល​ដោយ​គិត​មកដល់​ត្រឹម​ថ្ងៃទី​១៩​ខែធ្នូ​ទើប អនុវត្តបាន​១៣,៤៦ ភាគរយ​នៃ​គម្រោង​។​

​លោក​គួច ចំរើន​អភិបាលខេត្ត​ព្រះសីហនុ បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃ ទី​២០​ខែធ្នូ​ឆ្នាំ​២០២០​បន្ទាប់ពី​ត្រឡប់​មកពី​ពិនិត្យមើល​សកម្មភាព​អ៊ុត​កៅស៊ូ​បេ​ទី​មី​ន័​រ​ក្នុង​ក្រុងព្រះសីហនុ​ថា​គិត​មកដល់​ត្រឹម​ថ្ងៃទី​១៩ ខែធ្នូ​ការ​អ៊ុត​កៅស៊ូ​លើផ្លូវ​៣៤​ខ្សែ​ទើប​អនុវត្តបាន ១៣,៤៦ ភាគរយ​នៃ​ចំនួន​១.២៧៩.៥៩២.៥០ ម៉ែត្រក្រឡា​។​

​ការ​អ៊ុត​កៅ​សូ​បេ​ទី​មី​ន័​រ​បានចាប់ផ្តើម​ជា​ផ្លូវការ កាលពី​ថ្ងៃទី​២​ខែធ្នូ​ឆ្នាំ​២០២០ បន្ទាប់ពី​ភ្លៀង​រដូវវស្សា​បានបញ្ចប់ តែ​នៅក្នុង​ខែធ្នូ​នេះ​ភ្លៀង​នៅតែមាន​បន្ត​ធ្លាក់​ធ្វើឱ្យ​រំខាន​ដល់​ការ​អ៊ុត​ផ្លូវ​នៅ​ថ្ងៃ​ខ្លះ​។​

​តាម​ការគ្រោង​ផ្លូវ​ទាំង​៣៤​ខ្សែ​ដែល បាន​ចាក់​បេតុង​រួច នៅ​ក្រុងព្រះសីហនុ ត្រូវ​អ៊ុត​កៅស៊ូ​បេ​ទី​មី​ន័​រ​បន្ថែម​ពីលើ​កម្រាស់​០.០៧ ម៉ែត្រ​មាន​ប្រវែង​ជាង​៨០​គី ឡូ​ម៉ែត្រ​ដែលមាន​ផ្ទៃ​សរុប ១.២៧៩.៥៩២.៥០​ម៉ែត្រក្រឡា​និង​ដើម្បី​ឱ្យបាន​ហើយ នៅ​ថ្ងៃទី​១៥ ខែមីនា​ឆ្នាំ​២០២១ ក្នុង​មួយថ្ងៃ​ត្រូវ​អ៊ុត​ឱ្យបាន​រួច​ចំនួន ១២.៣៣៨.១៥ ម៉ែត្រក្រឡា​។​

​ក្រុមហ៊ុន​ទទួលបាន​គម្រោង​អ៊ុត​កៅស៊ូ​បេ​ទី​មី​ន័​រលើ​ផ្លូវ​ទាំង​៣៤​ខ្សែ​នៅ​ក្រុង ព្រះ សីហនុ​មាន​ចំនួន​៣ គឺ​ក្រុមហ៊ុន​CCES Engineering Services Co., LTD ទទួល បាន​ផ្លូវ ចំនួន ០៥​ខ្សែ , ក្រុមហ៊ុន​TCM Engineering Co., LTD ទទួល​ចំនួន​១២​ខ្សែ​, ក្រុម ហ៊ុន LS Construction (Lee Service Cambodia) PTC., LTD ផ្លូវ​ចំនួន​១៧​ខ្សែ​៕​

ទីតាំងផ្សាយពាណិជ្ជកម្ម

- Advertisment -

Most Popular