Home ព័ត៌មានសំខាន់ៗ កូ​វីដ​-១៩៖ ថ...

កូ​វីដ​-១៩៖ ថ្ងៃនេះ​មាន​ករណី​វិជ្ជមាន​ថ្មី​ម្នាក់ និង មិនមាន​អ្នកជា​សះស្បើយ​

​ដោយៈ​វិវឌ្ឍន៍​/​ភ្នំពេញៈ គិត​ត្រឹម​ម៉ោង​៧​ព្រឹក​ថ្ងៃទី​២១ ខែធ្នូ នេះ ទាក់ទិន​នឹង​ជម្ងឺ​កូ​វីដ​-១៩​នៅ​កម្ពុជា គឺមាន​ករណី​វិជ្ជមាន​ថ្មី​ម្នាក់ ដែលជា​អ្នកដំណើរ​ចូលមក​កម្ពុជា មិន​ពាក់ព័ន្ធ​នឹង​ព្រឹត្តិការណ៍​២៨​វិច្ឆិកា​ទេ និង​មិនមាន​ករណី​ជាសះស្បើយ​ឡើយ​។ នេះ ដោយយោង​តាម​សេចក្តីជូនដំណឹង​របស់​ក្រសួងសុខាភិបាល ដែល​បានចេញ​ផ្សាយ​នៅ​ព្រឹក​នេះ​។​

​ករណី​វិជ្ជមាន​ម្នាក់​នោះ​គឺជា ស្ត្រីជន​ជាតិខ្មែរ​អាមេរិក​កាំ​ង អាយុ ៨៥​ឆ្នាំ មាន​អាសយដ្ឋាន​ស្នាក់នៅ​សណ្ឋាគារ​មួយ​ក្នុង​រាជធានី​ភ្នំពេញ បានធ្វើ​ដំណើរ​មកពី​ស​ហ​រដ្ឋ​អាមេរិក បន្ត​ជើងហោះហើរ​នៅ​ប្រទេស​ចិន (​តៃវ៉ាន់ ) មកដល់​កម្ពុជា​នៅ​ថ្ងៃទី​២០ ខែធ្នូ ឆ្នាំ ២០២០ ដែល​លទ្ធផល​ធ្វើតេស្ត​វត្ថុ​សំណាក​របស់​ស្ត្រី​ខាងលើ ផ្តល់​ដោយ​វិទ្យាស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ វិជ្ជមាន​វីរុស​កូ​វីដ​-១៩ ហើយ​បច្ចុប្បន្ន​អ្នកជំងឺ​ត្រូវបាន​ដាក់​ឲ្យ​សម្រាក​ព្យាបាល​នៅ​មជ្ឈមណ្ឌល​ជាតិ​ប្រយុទ្ធ​នឹង ជំងឺរបេង និង​ហង់​សិន រាជធានី​ភ្នំពេញ​។

សូម​កត់សម្គាល់ថា​៖ អ្នកដំណើរ​តាម​យន្តហោះ​ជាមួយ​អ្នកជំងឺ​ខាងលើ សរុប​មាន​ចំនួន ៤៤​នាក់ ដែល​នៅ ។ រីឯ អ្នកដំណើរ​ចំនួន ៤៣​នាក់ ដែលមាន​លទ្ធផល​តេស្ត​អវិជ្ជមាន​វីរុស​ក្នុង​ចំនួន​នេះ មាន​ស្ត្រី​ខាងលើនេះ​ផងដែរ​កូ​វីដ​-១៩ នោះ ត្រូវបាន​ដាក់​ឲ្យ​ធ្វើ​ច​ត្តា​ឡី​ស័ក​ចំនួន​១៤​ថ្ងៃ នៅ​សណ្ឋាគារ​មួយ​ក្នុង រាជធានី​ភ្នំពេញ ចំនួន ៣៦​នាក់​
និង​នៅ​វិទ្យាល័យ​បុរី ១០០​ខ្នង រាជធានី​ភ្នំពេញ ចំនួន​០៧​នាក់​៕​

ទីតាំងផ្សាយពាណិជ្ជកម្ម

- Advertisment -

Most Popular