Home ព័ត៌មានអន្តរជាតិ សមាជិក​សភា​អា...

សមាជិក​សភា​អាម៉េរិក​សម្រេច​កិច្ចព្រមព្រៀង​លើ​កញ្ចប់​ថវិកា​សង្គ្រោះ​ចំនួន ៩០០ ពាន់​លាន​ដុល្លារ​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ សមាជិក​សភា​អាម៉េរិក​បាន​ឈាន​ដល់​កិច្ចព្រមព្រៀង​មួយ​កាលពី​ថ្ងៃអាទិត្យ​ទី​២០​ធ្នូ​លើ​កញ្ចប់​ថវិកា​សង្គ្រោះ​កូវី​ដ​១៩ ជិត ៩០០​ពាន់​លាន​ដុល្លារ​សម្រាប់​ជន​​ជាតិ​អាម៉េរិក​រាប់លាន​នាក់ ខណៈ​ដែល​ប្រទេស​នេះ​កំពុង​ព្យាយាម​ទប់ទល់​នឹង​ការ​ផ្ទុះឡើង​នូវ​វីរុស​កូរ៉ូណាដ៏​ធំ​បំផុត​របស់​ពិភពលោក​។​

​កញ្ចប់​ថវិកា​នេះ​ត្រូវ​គេ​រំពឹងថា​នឹង​រួមបញ្ចូល​ជំនួយ​សម្រាប់​ការ​ចែកចាយ​វ៉ាក់សាំង​និង​ភស្តុភារ អត្ថប្រយោជន៍​បន្ថែម​សម្រាប់​អ្នកគ្មានការងារ​ធ្វើ​ចំនួន ៣០០ ដុល្លារ​ក្នុង​មួយ​សប្តាហ៍​និង​ការចែក​​មូលប្បទានប័ត្រ​សំរាប់​ជំរុញ​សេដ្ឋកិច្ច​ជុំ​ថ្មី​ក្នុង​មួយ​មូលប្បទានប័ត្រ​៦០០​ដុល្លារ ។​

​មេដឹកនាំ​ព្រឹទ្ធសភា​មកពី​គណបក្ស​សាធារណរដ្ឋ​លោក​មី​ត ម៉ា​កខូន​នែ​ល បាន​និយាយ​នៅក្នុង​សេចក្តីថ្លែងការណ៍​មួយ​ថា “​យើង​បាន​ព្រមព្រៀង​លើ​កញ្ចប់​ថវិកា​ជិត ៩០០ ពាន់​លាន​ដុល្លារ​។​វា​ត្រូវ​បាន​​រៀបចំ​ឡើង​ជាមួយ​គោលនយោបាយ​គោលដៅ​ដើម្បី​ជួយ​ប្រជាជន​អាម៉េរិក ដែល​បាន​រង់ចាំ​ជា​យូរ​មក​ហើយ​”​។​

​ប្រធានសភា​ប្រជាធិបតេយ្យ​លោកស្រី ណាន់​ស៊ី ប៉េ​ឡូ​ស៊ី និង​មេដឹកនាំ​សំឡេង​ភាគតិច​ព្រឹទ្ធ​សភា​លោក ឆាក់ ស៊ូមឺ បានបញ្ជាក់​ថា​ការព្រមព្រៀង​ត្រូវ​បាន​សម្រេច​ជាមួយ​បក្ស​សាធារណរដ្ឋ​និង​សេត​វិមាន​​លើ​កិច្ចព្រមព្រៀង​មួយ ដែល​ផ្តល់​ថវិកា​ចាំបាច់​បន្ទាន់​ដើម្បី​ជួយសង្គ្រោះ​អាយុជីវិត​និង​ជីវភាព​របស់​ប្រជាជន​អាម៉េរិក ខណៈ​វីរុស​កូរ៉ូណា​បង្កើនល្បឿន​ឆ្លង​។​

​សភា​បាន​ធ្វើការ​ក្រោម​ឱសានវាទ​មួយ​នៅ​ពាក់កណ្តាល​អធ្រាត្រ​ថ្ងៃ​អាទិត្យ​ដោយ​ត្រូវ​ព្រមព្រៀង​គ្នា​ទាំង​លើ​ជំនួយ​ដល់​ក្រុមគ្រួសារ​និង​ក្រុមហ៊ុន​អាម៉េរិក ដែល​កំពុង​មាន​បញ្ហា​និង​លើ​ថវិកា​សហព័ន្ធ​ឆ្នាំ ២០២១ ដើម្បី​បញ្ចៀស​ការបិទ​រដ្ឋាភិបាល​។​

​អនុប្រធាន​សភា​មកពី​បក្ស​ប្រជាធិបតេយ្យ​លោក ស្តេនី ហូ​យើ បាន​និយាយថា លោក​រំពឹង​កិច្ចព្រមព្រៀង​នេះ​នឹង​ត្រូវ​អនុម័ត​នៅ​ថ្ងៃ​ចន្ទ​ហើយ​បន្ទាប់មក​នឹង​បញ្ជូន​ទៅ​ព្រឹទ្ធសភា​៕

​សមាជិក​សភា​អាម៉េរិក​ព្រមព្រៀង​លើ​កញ្ចប់​ថវិកា​សង្គ្រោះ​កូវី​ដ​១៩ ជិត ៩០០ ពាន់​លាន​ដុល្លារ​

ទីតាំងផ្សាយពាណិជ្ជកម្ម

- Advertisment -

Most Popular