Home ព័ត៌មានជាតិ សង្គម រថយន្ត​កងទ័ព ...

រថយន្ត​កងទ័ព ដែល​ទទួលបញ្ជា​អោយ​ត្រៀម​ដឹក​ពលករ​ខ្មែរ វិល​ពី​ថៃ បាន​ទៅដល់​គោលដៅ​

ដោយៈ ភ្នំ​ស្វាយ/ឧ​ត្ត​រ​មាន​ជ័​យៈ បន្ទាប់ពី​ទទួល​បទបញ្ជា​បន្ទាន់ ពីស​ម្តេច​តេ​ជោ ហ៊ុន សែន នាយ​ឧ​ត្ត​ម​សេនីយ៍​ផ្កាយ​មាស​៥ ផុត​លេខ នាយករដ្ឋមន្ត្រី​នៃ​កម្ពុជា កងពលតូច​ដឹកជញ្ជូន លេខ​៩៩ ដែល​ចេញពី​បន្ទាយ កាលពី​យប់​ថ្ងៃទី​២០ ធ្នូ នោះ មកទល់​ព្រឹក ថ្ងៃទី​២១ ខែធ្នូ ឆ្នាំ​២០២០ បាន​ទៅដល់​គោលដៅ ព្រំដែន​ពីរ​ច្រក គឺ​នៅ​ច្រកព្រំដែន​អន្តរជាតិ អូរ​ស្មាច់ ខេត្ត​ឧ​ត្ត​រ​មានជ័យ (​ខាង​ថៃ​គឺ​ឆ​ង​ចម​) មាន​ចំនួន ៣០ គ្រឿង និង​នៅ​ច្រក​អន្តរជាតិ​ដូង ខេត្តបាត់ដំបង (​ខាង​ថៃ​បាន​ឡែ​ម​) ចំនួន​១៥​គ្រឿង ដើម្បី​ត្រៀម​ដឹក​បងប្អូន​ពលករ​ខ្មែរ ដែល​ធ្វើការ​នៅ​ប្រទេស​ថៃ ដែល​អាច​សម្រុក ធ្វើ​មាតុភូមិនិវត្តន៍ ឆ្លងកាត់​ព្រំដែន​មក​កម្ពុជា វិញ​។ នេះ​បើ​យោងតាម​មន្ត្រី និង​អ្នកឆ្លើយឆ្លង​ព័​ត័​មាន កាសែត​រស្មី​កម្ពុជា បានអោយដឹង នៅ​ព្រឹក​ថ្ងៃទី​២១ ខែធ្នូ នេះ ។​

​ការបញ្ជូន​រថយន្ត​កងទ័ព ទៅ​ត្រៀម​ដឹក​នេះ គឺ​ដើម្បី​ការពារ​សុវត្ថិភាព នៃ​ជំងឺ​កូ​វីត ១៩ បន្ទាប់ពី​ផ្ទុះ​ការរីក​រាលដាល នូវ​មេរោគ​កូ​វីដ ១៩ ក្នុង​តែ ១ ថ្ងៃ ចំនួន​ជាង ៥០០ នាក់ នៅ​ខេត្ត ស​មុត​សា​ខន ប្រទេស​ថៃ កាលពី​យប់​ថ្ងៃទី​១៩ និង​ថ្ងៃទី​២០ ខែធ្នូ ឆ្នាំ​២០២០ ពោលគឺ ប្រមុខ​រាជរដ្ឋាភិបាល មិនអោយ​ពលករ​ខ្មែរ ជិះ​តាក់ស៊ី ឬ​រថយន្តក្រុង​ឡើយ​ដែល​ជួយ​កាត់ បន្ថយ​ចំណាយ និង​ងាយស្រួល​គ្រប់គ្រង​។​

​ដោយឡែក នៅ​ច្រកព្រំដែន​អូរ​បី​ជាន់ ខេត្តបន្ទាយមានជ័យ ដែលមាន​ពលករ​ខ្មែរ វិល​ត្រឡ​ប៉​ពី​ប្រទេស​ថៃ ក្នុង​ចំនួន​ពី ១៥០ ទៅ ២០០ នាក់ ក្នុង​១​ថ្ងៃៗ​នោះ ក៏​អាច​នឹងត្រូវ បញ្ជូន​រថយន្ត​កងទ័ព ផលិត​នៅ​ប្រទេស​ចិន ដូចខាងលើ ទៅ​ទទួល​ដឹកជញ្ជូន​ដែរ ៕/V-PC​

ទីតាំងផ្សាយពាណិជ្ជកម្ម

- Advertisment -



Most Popular