Home ព័ត៌មានអន្តរជាតិ រដ្ឋាភិបាល​ជប...

រដ្ឋាភិបាល​ជប៉ុន​បង្កើន​ថវិកា​ការពារ​ជាតិ​រហូត​ដល់​៥២​ពាន់​លាន​ដុល្លារ​មិន​ធ្លាប់​មាន​ពីមុនមក​ដើម្បី​ទិញ​យន្តហោះ​បំបាំងកាយ​និង​មី​ស៊ី​ល​ចម្ងាយ​ឆ្ងាយ​

​ប្រែ​សម្រួល : កញ្ញា​ដា​លី​ស​/​តូ​ក្យូ ៖ រដ្ឋាភិបាល​របស់​លោក​នាយករដ្ឋមន្ត្រី​ជប៉ុន យ៉ូ​ស៊ី​ហ៊ី​ដេ ស៊ូ​ហ្គា នៅ​ថ្ងៃ​ចន្ទ (២១ ធ្នូ​)​បានអនុម័ត​ការបង្កើន​ចំណាយ​យោធា​លើក​ទី​៩​ជាប់ៗ​គ្នា​ដើម្បី​ផ្តល់​មូលនិធិ​ដល់​​ការអភិវឌ្ឍ​យន្តហោះ​បំបាំងកាយ​ទំនើប​និង​មី​ស៊ី​ល​ប្រឆាំង​នាវាចម្បាំង​រយៈ​ចម្ងាយ​ឆ្ងាយ​ដើម្បី​ទប់ទល់​នឹង​អំណាច​យោធា​កើន​ឡើង​របស់​ចិន​។​

​ក្រសួង​ការពារជាតិ​នឹង​ទទួលបាន​ថវិកា​កំណត់ត្រា ៥,៣៤ លាន​លាន​យ៉េន (៥១,៧ ពាន់​លាន​ដុល្លារ​) សម្រាប់​ឆ្នាំ​នេះ ដែល​ចាប់ផ្តើម​ពី​ខែ​មេសា ពោលគឺ​កើនឡើង ១,១ ភាគរយ​ពី​ឆ្នាំនេះ​។​ជាមួយ​សំឡេង​​ភាគច្រើន​របស់​ក្រុម​លោកនាយក​រដ្ឋមន្ត្រី លោក​ស៊ូ​ហ្គា​នៅក្នុង​សភា ដូច្នេះ​ការអនុម័ត​ថវិកា​នេះ​គឺ​ប្រាកដជា​កើតឡើង​។​

​លោក​ស៊ូ​ហ្គា​កំពុង​បន្ត​ពង្រីក​ផ្នែក​យោធា​ដ៏​ចម្រូងចម្រាស ដែល​ប្រឹងប្រែង​ដោយ​ថ្នាក់​ដឹកនាំ​មុន​របស់​លោក​គឺ​ស៊ីន​ហ្សូ អាបេ ដើម្បី​ផ្តល់​ឱ្យ​កងកម្លាំង​ជប៉ុន​នូវ​យន្តហោះ​ថ្មី កាំជ្រួច​មី​ស៊ី​ល​ថ្មី និង​នាវា​ផ្ទុក​យន្ត​​ហោះ​បើក​ចម្ងាយ​ឆ្ងាយ និង​ភាពខ្លាំង​របស់​កងទ័ព​ដើម្បី​ទប់ទល់​នឹង​សត្រូវ រួម​ទាំង​ចិន​ដែល​នៅ​ជិតខាង​។​

​ចិន​គ្រោង​នឹង​បង្កើន​ការចំណាយ​យោធា​របស់​ខ្លួន ៦,៦ ភាគរយ​នៅ​ឆ្នាំនេះ ដែល​ជា​ការកើនឡើង​តិចតួច​បំផុត​ក្នុង​រយៈពេល​បី​ទសវត្សរ៍​។​

​ជប៉ុន​នឹង​ទិញ​មី​ស៊ី​ល​ចម្ងាយ​ឆ្ងាយ​និង​ពិចារណា​បំពាក់អាវុធ​និង​បណ្តុះបណ្តាល​យោធា​របស់​ខ្លួន​ដើម្បី​វាយប្រហារ​គោលដៅ​លើ​ដីគោក​នៅ​ចម្ងាយ​ឆ្ងាយ​នៅ​ចិន កូរ៉េខាងជើង និង​ផ្នែក​ផ្សេង​ទៀត​នៃ​ទ្វីប​អាស៊ី​។​

​យន្តហោះ​បំបាំងកាយ​តម្លៃ​សរុប ៤០ ពាន់​លាន​ដុល្លារ​គ្រោង​ផលិត​រួចរាល់​នៅ​ទសវត្សរ៍​ឆ្នាំ​២០៣០ ដោយ​ក្រុមហ៊ុន Mitsubishi Heavy Industries សហការ​ជាមួយ​ក្រុមហ៊ុន Lockheed Martin​។

​ជប៉ុន​នឹង​ចំណាយ ៣២៣ លាន​ដុល្លារ​លើ​ការផលិត​មី​ស៊ី​ល​ប្រឆាំង​នាវា​បាញ់​បាន​ចម្ងាយ​ឆ្ងាយ និង​លៃ​ទុក​ប្រាក់ ៦២៨ លាន​ដុល្លារ​សម្រាប់​ទិញ​យន្តហោះ​អាម៉េរិក F-35 ចំនួន ៦ គ្រឿង ហើយ ៩១២ លាន​ដុល្លារ​ទៀត​ទុក​សម្រាប់​សង់​នាវាចម្បាំង​២​គ្រឿង​៕

​លោក​ស៊ូ​ហ្គា​កំពុង​បន្ត​ពង្រីក​ផ្នែក​យោធា​ដ៏​ចម្រូងចម្រាស ដែល​ប្រឹងប្រែង​ដោយ​ថ្នាក់​ដឹកនាំ​មុន​របស់​លោក​គឺ​ស៊ីន​ហ្សូ អាបេ

ទីតាំងផ្សាយពាណិជ្ជកម្ម

- Advertisment -

Most Popular