Home ព័ត៌មានសំខាន់ៗ ខេត្ត​របស់​កម...

ខេត្ត​របស់​កម្ពុជា​ណាខ្លះពាក់ព័ន្ធ​នឹង​ខេត្ត​សាមុត សា​ខន?

ដោយៈ​បូព៌​ព្រឹក្ស​/​ភ្នំពេញៈករណី​ឆ្លង​កូ​វីដ​១៩​ថ្មី​ចេញពី​ផ្សារ​អាហារ​សមុទ្រ​ស្រស់​មួយ​នៅក្នុង​ខេត្ត​សាមុត សា​ខន នៃ​ប្រទេស​ថៃ​កំពុង​កើនឡើង​។​អាជ្ញាធរ​បាន​បន្ត​ធ្វើតេស្ត​រក​វីរុស​លើ​កម្មករ​ពលករ​ចំណាកស្រុក​មកពី​មី​យ៉ាន់​ម៉ា​។​អភិបាលរង​ខេត្ត​លោក ស៊ូ​រ៉ាសាក់ ផូ​ល​យ៉ាង​សង បាន​និយាយ​កាលពី​ថ្ងៃអាទិត្យ​ថា កម្មករ​១៤៦​នាក់​ទៀត​មកពី​ប្រទេស​ក្បែរ​ខាង​ត្រូវបាន​ពិនិត្យ​រកឃើញ​កូ​វីដ​១៩​កាលពី​ថ្ងៃអាទិត្យ ដែល​នាំ​ឲ្យ​ចំនួន​អ្នក​ឆ្លង​ជំងឺ​នេះ​នៅក្នុង​ខេត្ត​កើន​ដល់​៦៩៤​នាក់​។​

រូបថតកាសែតថៃ

​ទន្ទឹមនឹង​អ្វីដែល​កំពុង​ផ្ទុះឡើង​នូវ​វ​ការចម្លង​ជា​សហគមន៍​នៅ​ខេត្ត​សាមុត​សា​ខន​ប្រមុខ​រាជរដ្ឋាភិបាល​កម្ពុជា​ក៏បាន​យកចិត្តទុកដាក់​និង​ចាត់វិធានការ​ភ្លាមៗ​កាលពី​រសៀល​ថ្ងៃទី​២០​ខែធ្នូ​ដើម្បី​បង្ការ​និង​ទប់ស្កាត់​ក្នុង​ចម្លង​ចូល​កម្ពុជា​តាមរយៈ​ពលករ​ចំណាកស្រុក​របស់​កម្ពុជា​។​
​តើ​មាន​ខេត្ត​របស់​កម្ពុជា​ណាខ្លះ​ដែល​ពាក់ព័ន្ធ​នឹង​ខេត្ត​សាមុត សា​ខន​នេះ​?​។​ខេត្ត​សាមុត សា​ខន (SAMUT SAKORN) ស្ថិតនៅ​ប៉ែក​ខាងត្បូង​ទីក្រុង​បាងកក និង​ស្ថិតនៅ​ចន្លោះ ខេត្ត​សាមុត ប្រា​កាន (SAMUT PRAKARN) និង​ខេត្ត សាមុត សុង​ក្រាម (SAMUT SONGKRAM)​។

​ខេត្ត សាមុត សា​ខន ជា​ខេត្ត ជាប់ នឹង​មាត់ សមុទ្រ​នៃ​ឈូង​សមុទ្រ​ថៃ​ម្ខាង​និង​ម្ខាង​ទៀត ជាប់ នឹង​ខេត្ត​រ៉ា​ត​បុរី (RATBURI)​។ ទំនាក់ទំនង​រវាង​ខេត្ត​សាមុត សា​ខន មក​ព្រំប្រទល់​កម្ពុជា គឺមាន​ផ្លូវទឹក​និង ផ្លូវ គោក​។ តាមផ្លូវ​ទឹក គេ​អាចធ្វើ​ដំណើរ​មកកាន់ ប្រទេស កម្ពុជា ដោយ​ឆ្លងកាត់​ឈូង​សមុទ្រ​ថៃ ប៉ែក​ខាងជើង ជិត​ពាក់កណ្ដាល​។​ប៉ុន្តែ​អ្នកដំណើរ​មិន​និយម​តាមផ្លូវ​ទឹក​ទេ​។
​ចំណែក​តាម​ផ្លូវគោក ដើម្បី​ធ្វើដំណើរ​មក​កម្ពុជា គឺ​ត្រូវ​ឆ្លងកាត់​ខេត្ត​ចំនួន ប្រាំពីរ​គឺ ១. ខេត្ត សាមុត ប្រា​កាន (SAMUT PRAKARN)២. ខេត្ត ឆុន បុរី (CHON BURI),៣. ខេត្ត ឆាក់ ឈើ​ង សៅ (CHAR CHERNG SAO)៤. ខេត្ត រ៉ា យ៉ង (RAYORNG) ៥. ខេត្ត ស្រះកែវ (SRA KEO)៦. ខេត្ត ច័ន្ទ ប៊ុ​រី (JAN BURI)៧. ខេត្ត ត្រាត (TRART)​។​
​ខេត្ត​ដែល​ត្រូវ​ឆ្លងកាត់​មកកាន់​កម្ពុជា​ទាំង ៧ ខេត្ត​នេះ​មានខេត្ត​ចំនួន​បី​ដែលមានព្រំប្រទល់ជាប់​កម្ពុជា គឺ ខេត្ត ស្រះកែវ ខេត្ត ច័ន្ទ ប៊ុ​រី និង ខេត្ត ត្រាត ។
​ខេត្ត​ទាំងបី​របស់​ថៃនេះ​ជាប់​ជាមួយខេត្ត​ព្រំដែន​កម្ពុជា គឺ ខេត្តបន្ទាយមានជ័យ ខេត្តបាត់ដំបង ខេត្តពោធិ៍សាត់ និង ខេត្តប៉ៃលិន ៕

ទីតាំងផ្សាយពាណិជ្ជកម្ម

- Advertisment -

Most Popular