Home ព័ត៌មានសំខាន់ៗ ២៣៤​ថ្ងៃ : មន...

២៣៤​ថ្ងៃ : មនុស្ស​៩៦៤​នាក់​ស្លាប់ និង​របួស​ជិត​៣​ពាន់​នាក់​នៅក្នុង​គ្រោះថ្នាក់​ចរាចរណ៍

ដោយៈ​មុនី​រ័ត្ន​/​ភ្នំពេញៈ មនុស្ស​ចំនួន​ជ ៩៦៤​នាក់​បាន​ស្លាប់ និង​២៨៦២​នាក់​បាន​រងរបួស​(​របួសធ្ងន់​ចំនួន ១៧២៩​នាក់ )​នៅក្នុង​គ្រោះថ្នាក់​ចរាចរណ៍​ទូទាំងប្រទេស ដែល​កើតឡើង​ចំនួន ១៩១៨​លើក​លើក ក្នុង​រយៈពេល ២៣៤​ថ្ងៃ គិត​ចាប់ពី​ថ្ងៃទី​១ ខែឧសភា ដល់​ថ្ងៃទី​២០ ខែធ្នូ​។ នេះ​បើតាម​ការបញ្ជាក់​របស់​លោក​ឧ​ត្ត​ម​សេនីយ៍​ឯក ឆាយ គឹម​ខឿន អ្នកនាំពាក្យ​អគ្គស្នងការដ្ឋាន​នគរ​បាល​ជាតិ​។​

​លោក​ឧ​ត្ត​ម​សេនីយ៍​ឯក ឆាយ គឹម​ខឿន បាន​បន្តថា លទ្ធផល​រឹតបន្តឹង​ការអនុវត្ត​ច្បាប់​ចរាចរណ៍​ផ្លូវគោក តាម​ស្មារតី​អនុក្រឹត្យ​លេខ​៣៩ រយៈពេល ២៣៤​ថ្ងៃ គិត​ចាប់ពី​ថ្ងៃទី​១ ខែឧសភា ដល់​ថ្ងៃទី​២០ ខែធ្នូ យានយន្ត​ដែល​ត្រូវបាន​ត្រួតពិនិត្យ និង​ផាកពិន័យ សរុប​ចំនួន ២៣៩.០០២​គ្រឿង ក្នុងនោះ​ម៉ូតូ​មាន​ចំនួន ១៧៥.៧៩៥​គ្រឿង និង​រថយន្ត​មាន​ចំនួន ៦៣.២០៧​គ្រឿង​។​

អ្នកនាំពាក្យ​អគ្គស្នងការដ្ឋាន​នគរ​បាល​ជាតិ​បាន​បញ្ជាក់ថា បទល្មើស​ភាគច្រើន​សម្រាប់​ម៉ូតូ និង​រថយន្ត គឺ​អត់​ពាក់មួក​សុវត្ថិភាព ល្មើស​សញ្ញា បត់​ជែង លើស​ចំណុះ ស្រវឹង អត់​ផ្លាកលេខ ល្មើស​ល្បឿន អត់​ប័ណ្ណបើកបរ អត់​ខ្សែក្រវាត់ គ្មាន​ស្លាក​លេខ និង​និយាយ​ទូរស័ព្ទ​ពេល​បើកបរ​៕​សរន​

ទិដ្ឋភាពគ្រោះថ្នាក់ចរាចរណ៍៍មួយថ្មីៗនេះ

ទីតាំងផ្សាយពាណិជ្ជកម្ម

- Advertisment -



Most Popular