Home ព័ត៌មានជាតិ សង្គម អភិបាលខេត្ត​ត...

អភិបាលខេត្ត​តាកែវ​ណែនាំ​អាជ្ញាធរ​មូលដ្ឋាន​ស្រាវជ្រាវ​រក​ពលករ​ដែ​ល​ទើប​វិលត្រឡប់​មកពី​ប្រទេស​ថៃ មក​ធ្វើ​ច​ត្តា​ឡ័​ស័ក​ជាបន្ទាន់​

ដោយ​: តាកែវ / តាកែវ​: ខណៈពេលដែល​ខេត្ត​មួយ​របស់​ប្រទេស​ថៃ មាន​ផ្ទុះ​ជំងឺ​កូ​វីដ​១៩ ចូលដល់​សហគមន៍ អភិបាល​ខេត្តតាកែវ លោក អ៊ូច ភា បានធ្វើ​ការណែនាំ​ទៅដល់​អាជ្ញាធរ​មូលដ្ឋាន​ទាំងអស់ ត្រូវ​ស្រាវជ្រាវ​ស្វះ​សែ្វ​ង​រក​ពលករ​ចំណាកស្រុក ដែល​ទើបតែ​វិល​មកពី​ប្រទេស​ថៃ មក​ធ្វើ​ច​ត្តា​ឡី​ស័ក​រយៈពេល​១៤​ថ្ងៃ​សិន និង​រាយការណ៍​ជាបន្ទាន់​មក​មន្ត្រី​សុខាភិបាល​។​

​ថ្លែង​នៅក្នុង​ឱកាស​អញ្ជើញ​ចុះ​ចែក​អំណោយ​មនុស្សធម៌រ​បស់​អង្គការ​ការី​តាស​កម្ពុជា ដល់​ពលរដ្ឋ​ខ្វះខាត​នឹងរង​គ្រោះ​ដោយ​កូ​វីដ​១៩​ចំនួន ៨០​គ្រួសារ នៅក្នុង​ឃុំ​កំពង់​ក្រសាំង ស្រុក​បូរី​ជល នា​ព្រឹក​ថ្ងៃ​ច័ន្ទ ទី​២១ ខែធ្នូ ឆ្នាំ​២០២០​នេះ លោក អ៊ូច ភា អភិបាលខេត្ត បាន​មានប្រសាសន៍​បន្តថា ថ្មីៗ​នេះ​នៅ​ខេត្ត​សាមុត​សា​ខន ប្រទេស​ថៃ​បាន​ផ្ទុះ​ជំងឺ​កូ​វីដ​១៩​នេះ ដែល​ធ្វើអោយ​ឆ្លង​ចូលដល់​សហគមន៍​នឹង​ចម្លង​មនុស្ស​ជាច្រើន​រយ​នាក់ ហើយ​ករណីនេះ​ប្រជាពលរដ្ឋ​ខ្មែរ​របស់​យើង ក៏​ធ្វើការ​នៅ​ទី​ហ្នឹង​ដែរ ដែល​អាចអោយ​ពួកគាត់​នាំគ្នា​សម្រុក វិល​ត្រឡប់មក​ស្រុកកំណើត​វិញ ដូច្នោះ​ដើម្បី​ធានាបាន​ពី​ការទប់ស្កាត់​ការឆ្លង​រីក​រាលដាល​ដល់​សហគម​ន៍ របស់​យើង អាជ្ញាធរ​មូលដ្ឋាន​គ្រប់លំដាប់​ថ្នាក់ ត្រូវ​តាមដាន និង​យកចិត្តទុកដាក់​ជាទីបំផុត និង​ស្វែងរក​ពលករ ដែល​ទើបតែ​ត្រឡប់​មកពី​ប្រទេស​ថៃ ដោយ​ធ្វើ​ការណែនាំ​ធ្វើ​ច​ត្តា​ឡី​ស័ក ក៏ដូចជា​អនុវត្តតាម​ការណែនាំរ​បស់ ក្រសួងសុខាភិបាល​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular