Home ព័ត៌មានជាតិ សន្តិសុខ បំបែកសំបុក​ក្...

បំបែកសំបុក​ក្រុម​ចោរលួច​ម៉ូតូ ចាប់​ឃាត់ខ្លួន​ជន​ប្រុស​ស្រី​បាន​ចំនួន​ប្រាំ​នាក់​

ដោយ​: អង្គរតូច / សៀមរាប​: នគរបាល​ព្រហ្មទណ្ឌ​កម្រិត​ស្រាល កាលពី​ថ្ងៃទី​២០​ខែធ្នូ​នេះ បាន​សហការ​ជាមួយ​នគរបាល​ក្រុង និង នគរបាល​ស្រុក​ចំនួន​ពីរ បំបែកសំបុក​ក្រុម​ចោរលួច​ម៉ូតូ​ដ៏​សកម្ម ចាប់​ឃាត់ខ្លួន​ជនសង្ស័យ​ប្រុស​ស្រី​៥​នាក់ និង​ដកហូត​ម៉ូតូ​ចំនួន ៦ គ្រឿង​។​

​លោក​ឧ​ត្ត​ម​សេនីយ៍​ត្រី ភឹង ចិន្តា​រ៉េត ស្នងការរង​ទ​ទួ​ឡ​ផែន​ព្រហ្មទណ្ឌ បាន​ឲ្យ​ដឹង​នៅ​ថ្ងៃទី​២១​ខែធ្នូ​នេះ​ថា ការចុះ​បង្ក្រាប​ករណី​ខាងលើ គឺ​ដឹកនាំ​ដោយ​លោក​វរសេនីយ៍ឯក​ហង្ស សូផាត​ភី​រម្យ នាយ​កា​រិ យា ល័យ​នគរបាល​ព្រហ្មទណ្ឌ​កម្រិត​ស្រាល​។ ដោយ​ធ្វើឡើង​នៅក្នុង​ស្រុក ក្រុង ចំនួន​៣​គឺ​សូទ្រនិគម ស្រុក​វ៉ារិន និង​ក្រុង​សៀមរាប​។

​លោក​បន្តថា ក្នុងនោះដែរ គឺ​បាន​ឃាត់ខ្លួន​បាន​ជនសង្ស័យ​ចំនួន​៥​នាក់​។ ទី​១​ឈ្មោះ ទេព សា​ភាព ភេទ​ប្រុស អាយុ​៣៧​ឆ្នាំ មុខរបរ​ជាង​ជួសជុល​ម៉ូតូ​និង​គោយន្ត​។​ទី​២​ឈ្មោះ ឈិ​ត ស៊ី​ញ ភេទ​ស្រី អាយុ​៣៩ ឆ្នាំ មុខរបរ​មេផ្ទះ​ទាំង​២​នាក់​ជា​ប្តី​ប្រពន្ធ ខាងលើ​រស់ នៅ​ភូមិ​ដៃ​អាវ ឃុំ​ស្រែ​ណូយ​.​ស្រុក​វ៉ារិន​។ ទី​៣ ឈ្មោះ វ៉ាន់ សឿ​ម ហៅ វ៉ា ភេទ​ប្រុស​អាយុ​១៨​ឆ្នាំ មុខរបរ​ជាង​ធ្វើ​សោរ បច្ចុប្បន្ន​ស្នាក់នៅ​ភូមិ​ជ្រាវ សង្កាត់​ជ្រាវ ក្រុង​សៀមរាប​។ ជនសង្ស័យ​ទាំង​៣​នាក់​ខាង លើ ពាក់ ព័ន្ធ​ករណី​ទទួលផល​ចោរកម្ម​។​.​ទី​៤ ឈ្មោះ វឿន លន ភេទ​ប្រុស អាយុ​៣០​ឆ្នាំ មុខរបរ កសិករ មាន​ទីលំនៅ​បច្ចុប្បន្ន នៅ​ភូមិ ដូន​ហុង ឃុំ​ដំ​ដែក ស្រុក​សូ​និគម ខេត្តសៀមរាប ពាក់ព័ន្ធ បទ​អំពើ​លួច ម៉ូតូ ។ ទី​៥.​ឈ្មោះ ឆុន បារាំង ភេទ​ប្រុស អាយុ​៣១​ឆ្នាំ មុខរបរ​ជាងសំណង់ ស្នាក់នៅ​បន្ទប់​ជួល​ភូមិ​ជ្រាវ សង្កា​ង​ត់​ជ្រាវ ក្រុង​សៀមរាប​។ លោក​បន្ថែមថា កាលពី​ថ្ងៃទី​១៨​ខែធ្នូ ឆ្នាំ​២០២០ វេលា​ម៉ោង​៩​និង​៣០​នាទី​ព្រឹក ស្ថិតនៅ​ភូមិ​ជ្រាវ សង្កាត់​ជ្រាវ ក្រុង​សៀមរាប ដោយមាន​ការសង្ស័យ​ទៅលើ​ជនសង្ស័យ​ឈ្មោះ វ៉ាន់ សឿ​ម ហៅ​វ៉ា ដែល​ប្រើប្រាស់​ម៉ូតូ​មួយគ្រឿង​ម៉ាក​ហុងដា​ឌ្រី​ម​ស៊េរី​ឆ្នាំ​២០១១ ពាក់​ស្លាក​លេខ សៀមរាប 1i ៧២០៩ លេខ​តួ​និង​លេខ​ម៉ាស៊ីន 8545 792 គ្មាន​អាវ​ទាំងសងខាង ដោយ​ឃើញថា​ម៉ូតូ​មានការ​ខុស ប្រក្រតី សមត្ថកិច្ច​បាន​នាំខ្លួន​មក​ធ្វើការ​សួរ ហើយ​ជនសង្ស័យ​រូបនេះ បាន​ឆ្លើយ​សារភាពថា រូបគេ​បាន​ទិញ​ម៉ូតូ​មួយគ្រឿង​នេះ ពី​ឈ្មោះ​ឈិ​ត ស៊ី​ញ​។

​បន្ទាប់មក នៅ​ថ្ងៃទី​១៩​ខែ​ឆ្នាំ​ដដែល កម្លាំង​នគរបាល បាន​សហ​ការណ៍​គ្នា ចុះ​ទៅដល់​មូលដ្ឋាន​ជនសង្ស័យ​ឈ្មោះ ឈិ​ត ស៊ិ​ញ និង​ជនសង្ស័យ​ឈ្មោះ​ទេព សា​ភាព ដែល​ត្រូវជា​ប្ដី យកមក​ធ្វើការ​សាកសួរ ហើយ​ជនសង្ស័យ​ក៏បាន​សារភាពថា​ម៉ូតូ​មួយគ្រឿង​ខាងលើនេះ រូបគេ​ពិតជា​បាន​លក់​ឲ្យ​ឈ្មោះ វ៉ាន់​.​សឿ​ម ហៅ​វ៉ា ពិតប្រាកដ​មែន​។ ដោយ​ម៉ូតូ​មួយគ្រឿង​នេះ​គេ​បាន​ទិញ​ពី​ឈ្មោះ ទី ណាក់ (​ទី ណាក់​) ត្រូវបាន​នគរបាល​ខេត្តសៀមរាប ចាប់ខ្លួន​កាលពី​ថ្ងៃ ២៥​វិច្ឆិកា​២០២០​កន្លងទៅ ពីបទ អំពើ​លួច​ម៉ូតូ​)​ទីណា​ក់ ហៅ​ឡូញ ភេទ​ប្រុស អាយុ​៣៥​ឆ្នាំ រស់នៅ​ភូមិ​សំរោង ឃុំ​លាងដៃ ស្រុក​អង្គរធំ ខេត្តសៀមរាប​។​

​លោក​ឧ​ត្ត​សេនីយ៍ អោយដឹងទៀតថា ក្រោយ​ស្រាវជ្រាវ ម៉ូតូ​ខាងលើ​គឺ ឈ្មោះ វឿន លន ភេទ​ប្រុស អាយុ​៣០​ឆ្នាំ រស់នៅ​ភូមិ ដូន​ហុង ឃុំ​ដំ​ដែក ស្រុក​សូទ្រនិគម ខេត្តសៀមរាប ជា​អ្នក​យកមក​លក់​ឲ្យ​ទី ណាក់ ដោយ​គ្មាន​ឯកសារ​សម្គាល់​យានយន្ត​ទេ គឺ​ទី​ណាក់ បាន​ទិញ​ក្នុងតម្លៃ​២០០​ដុល្លារ​។ ចំណែក​ជន សង្ស័យ​ពីរ​នាក់​ប្ដី​ប្រពន្ធ ក៍បាន​ឆ្លើយ​សារភាព​បន្ថែមទៀតថា កន្លងមក​រូប​ខ្លួន​ធ្លាប់បាន​ទិញ​ម៉ូតូ​ពី​ឈ្មោះ​ទី ណាក់ ហៅ​ឡូញ និង​ឈ្មោះ វឿន លន ចំនួន​៦ គ្រឿង​ផ្សេងទៀត ដែលមាន​ម៉ាក​ហុងដា​ឌ្រី​ម​ចំនួន ៥​គ្រឿង និង​ម៉ាក់​ស៊ុយ​ស៊ូ​គី​និ​ច​ចំនួន​១​គ្រឿង ហើយ​រូប​ខ្លួន​បាន​លក់​ម៉ូតូ​ទាំងនោះ​ឲ្យ​ទៅ​ប្រជាពលរដ្ឋ​នៅ​តំបន់​នោះ​អស់​ទៅហើយ​។​

​ក្រោយ​ស្តាប់​ចម្លើយសារភាព សមត្ថកិច្ច​បាន​ស្រាវជ្រាវ និង​ដកហូត​ម៉ូតូ​ទាំង​៦​គ្រឿង​ខាងលើ​បានមក វិញ​។ ចំពោះ​ម៉ូតូ​ដែល​បាន​ដកហូត​ខាងលើ គឺមាន​ម៉ូតូ​ចំនួន​៤​គ្រឿង ដែលមាន​បណ្តឹង​ប្រជាពលរដ្ឋ​។ ដោយឡែក ជនសង្ស័យ​ឈ្មោះ​វឿន លន ក្រោយពី​ការសួរនាំ បាន​ឆ្លើយ​សារភាពថា រូបគេ​ពិតជា​បាន​ចូលរួម បើក​ម៉ូតូឌុប​ឈ្មោះ ទី ណាក់ ហៅ​ឡូញ ធ្វើ​សកម្មភាព លួច​ម៉ូតូ របស់​ប្រជាពលរដ្ឋ​ពិតប្រាកដ​មែន​។​

​ជនសង្ស័យ​ទាំង​៥​នាក់​ខាងលើ ត្រូវ​កម្លាំង​ជំនាញ កសាង​សំណុំរឿង បញ្ជូនទៅ​សាលាដំបូង​នៅ​ថ្ងៃទី​២១​ខែធ្នូ​នេះ​៕​

ទីតាំងផ្សាយពាណិជ្ជកម្ម

- Advertisment -



Most Popular