Home ព័ត៌មានជាតិ សង្គម អាជ្ញាធរខេត្ត...

អាជ្ញាធរខេត្ត​នឹង​ចាត់វិធានការ​ក្តៅ​លើ​ម្ចាស់​អាជីវកម្ម​ដែល​បំពុលបរិស្ថាន​ក្នុង​ខ្យល់

ដោយ​: គង់​ហេង​/ កំពង់ចាម​: អាជ្ញាធរខេត្ត​កំពង់ចាម នឹង​ចាត់វិធានការ​ក្តៅ គឺអាច​ត្រូវ​ផ្អាក​ធ្វើ​អាជីវកម្ម​ជា​បណ្តោះអាសន្ន​លើ​ម្ចាស់​អាជីវកម្ម​ទាំងឡាយណា ដែល​មិន​អនុវត្តតាម​ការណែនាំរ​បស់​អាជ្ញាធរ ដើម្បី​ទប់ស្កាត់ និង​កាត់បន្ថយ​ការបំពុល​ខ្យល់​សាធារណៈ​នៅក្នុង​ភូមិសាស្ត្រ​ខេត្ត​នេះ​។​

​ក្នុង​សេចក្តីណែនាំ​ស្តីពី «​វិធានការ​ទប់ស្កាត់ និង​កាត់បន្ថយ​ការបំពុល​ខ្យល់​សាធារណៈ​ក្នុងភូមិ​សាស្ត្រ​ខេត្តកំពង់ចាម​» របស់​រដ្ឋបាល​ខេត្តកំពង់ចាម​លេខ ០១៥/២០ ស​ណន ដែល​ចុះហត្ថលេខា​នៅ​ថ្ងៃទី ១៨ ខែធ្នូ ឆ្នាំ​២០២០ ដោយ អ៊ុន ចាន់​ដា ជា​អភិបាល​ជា​គណ​:​អភិបាលខេត្ត ប្រវែង​ពីរ​ទំព័រ​ដល់​ម្ចាស់​អាជីវកម្ម និង​ប្រជាពលរដ្ឋ​មាន​ខ្លឹមសារ​ថា​៖

​អាជ្ញាធរ​ក្រុង ស្រុក សង្កាត់ ឃុំ​ត្រូវ​ចាត់វិធានការ​ទប់ស្កាត់​បញ្ហា​ភ្លើង​ឆេះ​ព្រៃ ការដុត​សំណល់​សំរាម សំណល់​រឹង​នៅតាម​ទី​ចំហ ការដុត​សម្អាត​សំណល់​ការដ្ឋាន និង​ការឆេះ​តាម​ទីលាន​ចាត់​សំរាម នៅក្នុង​មូលដ្ឋាន​របស់ខ្លួន​។

​សហការ​ជា​មន្ទីរ​ពាក់ព័ន្ធ ចុះ​អប់រំ​ណែនាំ​ដល់​ម្ចាស់​សំណង់ អ្នកទទួលការ​សំណង់ ម្ចាស់​អាជីវកម្ម​បេតុង​លាយ​ស្រេច អាជីវកម្ម​ថ្ម​សំណង់ ខ្សាច់ ក្រួស និង​អាជីវកម្ម​ដឹក​ដី ពី​ការទប់ស្កាត់​ការ​ហុយធូលី​ដី ឬ​ភាគល្អិត​និចល​ទៅក្នុង​ខ្យល់ និង​ការបង្ហូរ​សំណល់​ផ្សេងៗ​។ ពី​ទីតាំង​ប្រភព​បំពុល​ជា​អាថ៌ ការដ្ឋាន​សំណង់ ទីតាំង​ការដឹក​ជ​ញ្ជួ​ន​ស៊ីម៉ងត៍​ខ្សាច់ ក្រួស ដី និង​ទីតាំង​ផលិត​បេតុង​លាយ​ស្រេច​។​
​ត្រូវ​ណែនាំ និង​អនុវត្ត​វិធានការ​ច្បាប់​ចំពោះ​ម្ចាស់​អាជីវកម្ម​សំណង់ និង​អ្នកទទួល​ការសាងសង់​សំណង់​ដែល​បាន​ទុកដាក់​សម្ភារ​:​សំណង់ ឬ​បរិក្ខារ​សំណង់​ផ្សេងៗ ដែលជា​ប្រភព​បំពុល​ខ្យល់ រំលោភ​ចំណី​ថ្នល់ ផ្លូវ​សាធារណ​:​ដែល​បង្ក​ឱ្យ​គ្រោះថ្នាក់​ដល់​ការធ្វើដំណើរ និង​បង្ក​ឱ្យ​ហុយធូលី ឬ​ភាគល្អិត​និចល​ទៅក្នុង​ខ្យល់​តាម​ដងផ្លូវ និង​ទីសាធារណ​:​។​

​សហការ​ជាមួយ​មន្ទីរ​អង្គភាព​ពាក់ព័ន្ធ​អនុវត្ត​វិធានការ​ដល់​ម្ចាស់​អាជីវកម្ម ដឹក​ដី ខ្សាច់ ថ្ម​សំណង់ ស៊ីម៉ងត៍ ឬ​បរិក្ខារ​សំណង់​ផ្សេងៗ គឺ​ត្រូវ​កៀរ​កម្ទេចកម្ទី​ដែល​កំពប់ ឬ​ជ្រុះ​តាម​ដងផ្លូវ និង​លាង​សម្អាត​កំណាត់​ផ្លូវ​ដែល​ខ្លួន​បាន​ដឹក​ជ​ញ្ជួ​ន​ឱ្យបាន​ស្អាត​។ ក្នុងករណី​ម្ចាស់​អាជីវកម្ម​មិន​អនុវត្តតាម​វិធានការ​ណែនាំ រដ្ឋបាល​ក្រុង ស្រុក​ត្រូវ​ផ្អាក​ការធ្វើ​អាជីវកម្ម​នោះ​ជា​បណ្តោះអាសន្ន​៕

ទីតាំងផ្សាយពាណិជ្ជកម្ម

- Advertisment -

Most Popular