Home ព័ត៌មានជាតិ សង្គម ស្ត្រី​ខ្មែរ​...

ស្ត្រី​ខ្មែរ​មួយរូប​ត្រូវបាន​ជ្រើសតាំង​ជា​គិលានុបដ្ឋាក​និង​ឆ្មប​ឆ្នើម​បំផុត

ដោយៈ ជា សីហៈ​/​ភ្នំពេញៈ លោកស្រី ប្រាក់ ម៉ា​នី​ឡា ប្រធាន​សមាគម​គិលានុបដ្ឋាក​កម្ពុជា ត្រូវបាន​ជ្រើសតាំង​ជា ស្ត្រី​ឆ្នើម​ម្នាក់​ក្នុងចំណោម​ស្ត្រី​ឆ្នើម​ជា​អ្នកដឹកនាំ​គិលានុបដ្ឋាក និង​ឆ្មប ១០០​នាក់ នៅលើ​ពិភពលោក​ក្នុង​ឆ្នាំ​២០២០​ដែលជា​ឆ្នាំ​អន្តរជាតិ​នៃ​គិលានុបដ្ឋាក និង​ឆ្មប​។

​ការជ្រើសតាំង​នេះ​ត្រូវបាន​ធ្វើឡើង​ដោយ​ស្ថាប័ន​ស្ត្រី​នៅ​ផ្នែក​សុខភាព​សាកល ( WOMEN IN GLOBAL HEALTH) ។ លោកស្រី ប្រាក់ ម៉ា​នី​ឡា កំពុង​ទទួលបាន​អាហារូបករណ៍ ពី​ក្រុមប្រឹក្សា​គិលានុបដ្ឋាក​អន្តរជាតិ (INTERNATIONAL COUNCIL OF NURSES) នៅ​ទីក្រុង​ហ្សឺ​ណែវ​ប្រទេស​ស្វី​ស ហើយ​កំពុងតែ​ចូលរួម​ជាមួយ​វិទ្យា​ស្ថានភាព ជា​អ្នកដឹកនាំ គិលានុបដ្ឋាក​សកល (GLOBAL NURSING LEADERSHIP INSTITUTE) ក្នុង​វគ្គប​ណ្តុះ បណ្តាល​ថ្នាក់ដឹកនាំ​គិ​លា​នុ​ដ្ឋា​កមួយ​ដែលមាន​អ្នកចូលរួម​មកពី​ប្រទេស​ជាច្រើន​លើស​លក​លោក​។​
បច្ចុប្បន្ននេះ​លោកស្រី​កំពុង​បម្រើការ​ជាទី​ប្រឹក្សា​ជំនាញ​នៃ​ការទទួលស្គាល់​គុណភាព​សេវា​សុខាភិបាល​របស់​ទីភ្នាក់ងា​គម្រោង​លើកកម្ពស់​គុណភាព​សេវា​ថែទាំ​សុខភាព (EQHA) របស់​ទីភ្នាក់ងារ​សហរដ្ឋអាមេរិក​សម្រាប់​ការអភិវឌ្ឍ​អន្តរជាតិ (USAID) តាមរយៈ​អង្គការ FHI360​។​

​លោកស្រី​បាន​ចូលរួម ជា មួយ​ក្រសួងសុខាភិបាល​អភិវឌ្ឍ​ស្តង់ដារ​នៃ​ការអនុវត្ត​សម្រាប់ គិលានុបដ្ឋាក (២០១៥) ក្រមសីលធម៌​សម្រាប់​គិលានុបដ្ឋាក (២០១៣)​គោល​ការណែនាំ​ស្តីពី របៀប​ថែទាំ (២០១២) និង​ពិធីសារ​ថែទាំ​របស់​គិលានុបដ្ឋាក និង​ឆ្មប (២០១២) ក្នុងប្រទេស កម្ពុជា​។

​ពី​ឆ្នាំ​១៩៩៩​ដល់​ឆ្នាំ ២០២០ លោកស្រី​ម៉ា​នី​ឡា បាន​បម្រើការ​នៅ​មន្ទីរពេទ្យ​កុមារ​អង្គរ ក្នុង​គម្រោង​សំខាន់ៗ និង​ទទួលខុសត្រូវ​ក្នុង​កម្មវិធី​សង្គ្រោះ​ទារក​ដែលជា​គម្រោង សុខភាព​សហគមន៍​មួយ​អនុវត្ត​នៅ​ខេត្តព្រះវិហារ ៕/PC​

ទីតាំងផ្សាយពាណិជ្ជកម្ម

- Advertisment -



Most Popular