Home ព័ត៌មានជាតិ សេដ្ឋកិច្ច ក្រសួង​ការងារ...

ក្រសួង​ការងារ​ជូនដំណឹង​ពី​វិធានការ​ដល់​ពលករ​នៅ​ថៃ និង​ផ្អាក​បញ្ជូន​ពលករ​ទៅធ្វើ​ការ​នៅ​ថែ​

ដោយ​៖ ដេប៉ូ / ភ្នំពេញ​៖ បន្ទាប់ពី​មាន​បញ្ហា​ជំងឺ​កូ​វីដ​-១៩​កំពុង​រីក​រាលដាល​នៅ​ប្រទេស​ថៃ​ក្រសួង​ការងារ​នៅ​ថ្ងៃទី​២១ ខែធ្នូ ឆ្នាំ​២០២០​នេះ ក្រសួង​ការងារ​បាន​ជូនដំណឹង​មួយ​ស្តីពី​វិធានការ​ការពារ​បងប្អូន​ពលករ ដែល​កំពុងស្នាក់នៅ និង​ធ្វើការ​នៅ​ប្រទេស​ថៃ និង​ការផ្អាក​ការបញ្ជូន​ពលករ MOU និង​ពលករ​តាម​ម​រដូវ​កាល​ទៅធ្វើ​ការងារ​នៅ​ប្រទេស​ថៃ​ជា​បណ្តោះអាសន្ន​។​

​យោងតាម​សេចក្តីជូនដំណឹង​ខាងលើនេះ​បានបញ្ជាក់​ថា​ក្នុងអំឡុងពេល​ការ​រាតត្បាត​ជំងឺ​កូ​វីដ​-១៩ នៅ​ខេត្ត​សាមុត​សា​ខន​នៃ​ប្រទេស​ថៃ​និង​យោងតាម​អនុសាសន៍​ដ៏​ខ្ពង់ខ្ពស់​របស់ សម្តេច តេ​ជោ ហ៊ុន សែន ក្នុងការ​ការពារ​សុខ​ភាព សុវត្ថិភាព និង​ជីវភាព​របស់​បងប្អូន​ពលករ​ខ្មែរ ដែល​កំពុងស្នាក់នៅ និង ធ្វើការ​នៅ​ប្រទេស​ថៃ ក្រសួង​ការងារ និង​បណ្តុះបណ្តាល វិជ្ជាជីវៈ សូម​ជូនដំណឹង​ដូចខាងក្រោម​៖​សម្រាប់​បងប្អូន​ពលក​រ​ដែល​កំពុងស្នាក់នៅ និង​ធ្វើការ​នៅ​ប្រទេស​ថៃ​ត្រូវ​រក្សា​ភាពនឹងនរ និង​ជឿជាក់​លើ​សមត្ថកិច្ច​ថៃ​ក្នុងការ​គ្រប់គ្រង បង្ការ និង​ព្យាបាល​ជំងឺ​កូ​វី​-១៩​។ ក្រៅពីនេះ​ត្រូវ​រក្សា​ប្រក្រតីភាព​ការងារ កុំ​ផ្លាស់ប្តូរ​កន្លែង​ស្នាក់នៅ ឬ​កន្លែងធ្វើការ​ងារ​ពី​ខេត្ត​មួយ​ទៅ​ខេត្ត​មួយ ដែល​ខុស​នឹង បម្រាម​របស់​អាជ្ញាធរ​ថៃ​។​ដោយឡែក​នៅ​កម្ពុជា​វិញ​ត្រូវ ផ្អាក​ការបញ្ជូន​ពលករ MOU និង​ពលករ​តាម​រដូវ​កាល​ទៅ​ប្រទេស​ថៃ​រហូតដល់​មានការ​ជូនដំណឹង​ជាថ្មី​៕

(​សូម​មើល​សេចក្តីជូនដំណឹង​ខាងក្រោម​)

ទីតាំងផ្សាយពាណិជ្ជកម្ម

- Advertisment -



Most Popular