Home ព័ត៌មានជាតិ សន្តិសុខ រថយន្ត​និង​ម៉...

រថយន្ត​និង​ម៉ូតូ​បុក​គ្នា​ស្លាប់​ម្នាក់​របួស​ម្នាក់​

​ដោយៈ​ទេ​ពក​ង្រី​/​ខេត្តកំពង់ឆ្នាំង​: យ៉ាងហោចណាស់ មនុស្សម្នា​ក់បាន​ស្លាប់ និង​ម្នាក់ទៀត​បាន​រងរបួស នៅក្នុង​ហេតុការណ៍​គ្រោះថ្នាក់​ចរាចរ​រវាងរ​ថ​យន្ត​និង​ម៉ូតូ កាលពី​ម្សិលមិញ​នៅលើ​កំណាត់​ផ្លូវជាតិ​លេខ​៥ ស្ថិតនៅ​ក្នុងភូមិ​ចំការ​ស្វាយ ឃុំ​សេដ្ឋី ស្រុក​សាមគ្គី​មានជ័យ ខេត្តកំពង់ឆ្នាំង ។​

​សមត្ថកិច្ច​នគរបាល​មូលដ្ឋាន​បាន​ឲ្យ​ដឹងថា ករណី​គ្រោះថ្នាក់​ចរាចរណ៍​ខាងលើនេះ បង្កឡើង​ដោយ​រថយន្ត​ម៉ាក​ហ៊ីយ៉ាន់ដាយ​ពណ៌​ស ពាក់​ស្លាក​លេខ កំពង់ចាម 3A 9133 បើកបរ​ដោយ​ឈ្មោះ ម៉ៅ​សុខ​មី ភេទ​ប្រុស អាយុ​៣៤​ឆ្នាំ រស់នៅ​ភូមិ​អូ​តា​ប៉ោង ឃុំ​អូ​តា​ប៉ោង ស្រុក​បាកាន ខេត្តពោធិសាត់ បើកបរ​ក្នុងទិសដៅ​ពី​ត្បូង​ទៅ​ជើង​ស្រប​នឹង​ម៉ូតូ ។ លុះ​អ្នកបើករថយន្ត​មកដល់​កន្លែង​ចំណុចកើតហេតុ​បាន​វ៉ា​ជែង​ម៉ូតូ ខណ​ផ្លូវជាតិ​កំពង់​ស្ថាបនា បណ្តាលអោយ​អ្នកជិះ​ម៉ូតូ​ដួល និង​អ្នករួមដំណើរ​ជិះ​ពីក្រោយ​ខ្ទាតចូល​កង់​រថយន្ត​ផ្នែក​ខាងក្រោយ​កង់​ខាងស្តាំ​បណ្តាលអោយ​ស្លាប់​ភ្លាមៗ ។​

​ជនរងគ្រោះ​ដែល​ស្លាប់​ឈ្មោះ នាង គ​ន្ធា ភេទ​ស្រី អាយុ​២៨​ឆ្នាំ មាន​ទី​លំ​ក្នុងភូមិ​តា​ង៉ូ​វ សង្កាត់​ច្បារអំពៅ រាជធានី​ភ្នំពេញ​។​

​ក្រោយពេល​កើតហេតុ​អ្នកបើកបរ​រថយន្ត​ត្រូវ​សមត្ថកិច្ច​ឃាត់ខ្លួន​រួម​នឹង​រថយន្ត​នាំយកមក​អធិការ ធ្វើការ​សាកសួ និង​បញ្ជូនបន្ត​មក​ការិយាល័យ​ចរាចរ​ផ្លូវគោក​ខេត្ត​ចាត់ការ​បន្ត​តាម​និតិ​វិធី ។​

​ដោយ​ឡែ​អ្នកស្លាប់​ត្រូវបាន​សមត្ថកិច្ច​ប្រគល់ជូន​សាច់ញ្ញាតិ​នាំយកទៅ​លំនៅស្ថាន​រៀបចំ​ធ្វើបុណ្យ​តាម​ប្រពៃណី និង​អ្នករងរបួស​បញ្ជូនទៅ​សង្គ្រោះ​ដែរ ៕​

ទីតាំងផ្សាយពាណិជ្ជកម្ម

- Advertisment -

Most Popular