Home ព័ត៌មានអន្តរជាតិ សិង្ហ​បុរី ទទ...

សិង្ហ​បុរី ទទួល​វ៉ាក់សាំង​Pfizer-BioNTech​ដំបូង​គេ​ក្នុងចំណោម​ប្រទេស​នៅ​អាស៊ី​

​ប្រែ​សម្រួលៈ​វាសនា​/​សិង្ហ​បុរី​៖ ប្រទេស​សិង្ហ​បុរី​កាលពី​ថ្ងៃ​ចន្ទ​បាន​ក្លាយជា​អ្នក​ទទួល​វ៉ាក់សាំង​ប្រឆាំងនឹង​វីរុស​កូរ៉ូណា​ផលិត​ដោយ​ក្រុមហ៊ុន​Pfizer-BioNTech​មុនគេ​ក្នុង​ចំណោម​ប្រទេស​អាស៊ី បន្ទាប់​ពី​​ប្រទេស​នៅ​អាស៊ីអាគ្នេយ៍​មួយ​នេះ បាន​ចូលរួម​ជាមួយ​ប្រទេស​ផ្សេងៗ​ក្នុង​លោក​រួម​មាន អង់គ្លេស​និង​អាម៉េរិក​កាលពី​សប្តាហ៍​មុន​នៅក្នុង​ការអនុម័ត​ប្រើ​វា​។​

​សិង្ហ​បុរី​មាន​ផែនការ​ចាក់​វ៉ាក់សាំង​អោយ​ប្រជាជន​ខ្លួន​៥,៧​លាន​នាក់ នៅត្រឹម​ត្រីមាស​ទី​៣​នៃ​ឆ្នាំ​២០២១ ដោយ​ផ្តល់​អាទិភាព​លើ​បុគ្គលិក​សុខាភិបាល មនុស្ស​ចាស់​និង​ជន​មាន​បញ្ហា​សុខភាព​។​

​នាយករដ្ឋមន្ត្រី​សិង្ហ​បុរី លោក​លី សៀន​ឡុង​បាន​សរសេរ​បង្ហោះ​ក្នុង​ហ្វេ​សប៊ុក​ថា «​រីករាយ​ដោយ​ឃើញ​វ៉ាក់សាំង​ដំបូង​មក​ដល់​សិង្ហ​បុរី​។​វា​ជា​ឆ្នាំ​ដ៏​យូរ​និង​លំបាក​មួយ​។​ខ្ញុំ​សង្ឃឹមថា​ព័ត៌មាន​នេះ​នឹង​ផ្តល់​ភាព​​រីករាយ​ដល់​ប្រជាជន​សិង្ហ​បុរី​នៅ​រដូវ​មាន​បុណ្យទាន​ដ៏​អ៊ឹកធឹក​នេះ និង​ជា​ហេតុផល​ដែល​ត្រូវ​មាន​សុទិដ្ឋិនិយម​សំរាប់​ឆ្នាំ​២០២១»​។​

​ការចាក់​វ៉ាក់សាំង​នៅ​សិង្ហ​បុរី​នឹង​ត្រូវ​ធ្វើឡើង​ដោយ​ការស្ម័គ្រចិត្ត តែ​លោក​លី​បាន​លើកទឹកចិត្ត​អោយ​ប្រជាជន​ចូលរួម​ក្នុង​យុទ្ធនាការ​ចាក់​វ៉ាក់សាំង​នេះ​។​

​វ៉ាក់សាំង​របស់​Pfizer​ទាមទារ​ការចាក់​២​ដង​(២​ដូស​)​ហើយ​ត្រូវ​រក្សាទុក​វា​ក្នុង​សីតុណ្ហភាព​ដក​៧០​អង្សា​សេ​(-70C)​ដើម្បី​រក្សា​ប្រសិទ្ធភាព​របស់​វា​។​

​រដ្ឋមន្ត្រី​គមនាគមន៍​សិង្ហ​បុរី បាន​និយាយថា រោង​ក្រ​ក្នុងស្រុក​អាច​ផលិត​ទឹកកក​ស្ងួត​បាន​មួយ​ថ្ងៃ​៤​តោន​សំរាប់​ក្លាសេ​វ៉ាក់សាំង​នៅ​អោយ​នៅ​ក្នុង​សីតុណ្ហភាព​សមស្រប​។​

​តាំងពី​មុន​មក រដ្ឋ​បែប​ជា​ទីក្រុង​នេះ​មាន​អ្នក​កើតកូ​វីដ​១៩​សរុប​ជាង​៥៨.០០០​នាក់ តែ​អ្នកជំងឺ​កូវី​ដ​១៩​ស្លាប់មាន​កំរិត​ទាប គឺ​តែ​២៩​នាក់​។​ប្រទេស​នេះ​នៅ​រក្សា​បិទ​ព្រំដែន​សំរាប់​ភ្ញៀវ​បរទេស​ភាគ​​ច្រើន​៕

​ទំនិញ​វ៉ាក់សាំង​កូវី​ដ​១៩ ត្រូវបាន​ដឹក​ពី​បែ​ល​ហ្សិ​ចមក​ដល់​សិង្ហ​បុរី​កាលពី​ថ្ងៃ​ចន្ទ​

 

ទីតាំងផ្សាយពាណិជ្ជកម្ម

- Advertisment -

Most Popular