Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​ថៃ បន្ទោស​ការផ្ទុះកូ​វីដ​១៩​នៅ​សាមុត សា​ខន​ ទៅលើក​ម្មករ​ចំណាកស្រុក​

​ប្រែ​សម្រួលៈ​វាសនា​/​បាងកក​៖​នាយករដ្ឋមន្ត្រី​ថៃ លោក ប្រយុទ្ធ ចាន់​អូ​ចា កាលពី​ថ្ងៃ​ចន្ទ​បាន​បន្ទោស​ការផ្ទុះ​វីរុស​កូរ៉ូ​ណា​នៅ​ផ្សារ​អាហារ​សមុទ្រ​ធំ​បំផុត​ក្នុងប្រទេស​លើ​កម្មករ​ចំណាក់ស្រុក​ស៊ីប្រាក់​ឈ្នួល​ថោក​​ៗ​មកពី​ប្រទេស​ក្បែរ​ខាង​។​

​លោក​ប្រា​យុទ្ធ បាន​ប្រាប់​ទៅ​អាជ្ញាធរ​ថា ត្រូវតែ​ជា​ប្រព័ន្ធ​នៅ​ក្នុង​តាមរក​កម្មករ​ចំណាកស្រុក​មក​ពិនិត្យ​សុខភាព

​ថៃ​បាន​ស្ថិត​ក្នុង​ការប្រុងប្រយ័ត្ន​ខ្ពស់​ចាប់តាំងពី​ថ្ងៃ​ព្រហស្បតិ៍​សប្តាហ៍​មុន​មក​នៅ​ពេល​អ្នក​លក់​បង្គា​រ​អាយុ​៦៧​ឆ្នាំ​ម្នាក់​មក​ពី​ផ្សារ​Mahachai ត្រូវ​បាន​ពិនិត្យឃើញ​វីរុស​កូរ៉ូណា​។​

​ការប្រមូល​មនុស្ស​មក​ធ្វើតេស្តិ៍​នាំ​ដល់​ការ​រកឃើញការ​ឆ្លង​វីរុស​កូរ៉ូណា​ដល់​ទៅ​ជាង​៨០០​ករណី ដែល​ជាប់​ពាក់ព័ន្ធ​នឹង​ផ្សារ​នេះ ។​វា​ជា​ករណី​ឆ្លង​ច្រើន​បំផុត​នៅ​ទីតាំង​តែមួយ និង​ភាគច្រើន​នៃ​អ្នក​ឆ្លង​គឺជា​​កម្មករ​មកពី​មី​យ៉ាន់​ម៉ា​ដែល​បំរើការ​តាំង​ពីលើ​ទូក​នេសាទ រហូត​ដល់​រោងចក្រ​កែ​ច្នៃ​ក្នុង​ឧស្សាហកម្ម​អាហារ​សមុទ្រ​តំលៃ​រាប់​ពាន់​លាន​ដុល្លារ​ក្នុង​មួយឆ្នាំ​។​

​កាលពី​ថ្ងៃ​ចន្ទ នាយករដ្ឋមន្ត្រី ប្រា​យុទ្ធ ចាន់​អូ​ចា បាន​បន្ទោស​ការផ្ទុះ​វីរុស​នេះ លើ​ពួកកម្មករ​ខុសច្បាប់​បំរើការ​ក្នុង​រោងចក្រ ដោយសារ​ពួកគេ​បាន​លួច​ចូល​មក​ធ្វើការ​នៅ​ថៃ​ដោយ​ឆ្លងកាត់​ព្រំដែន​ថៃ​​មី​យ៉ាន់​ម៉ា​ដោយ​ពុំ​បាន​ធ្វើ​ចត្តា​ឡី​ស័ក​ត្រឹមត្រូវ​។​

​ថៃ​មាន​ព្រំដែន​ប្រវែង​២.៤០០​គីឡូម៉ែត្រ​ជាមួយ​មី​យ៉ាន់​ម៉ា ដែល​បាន​និង​កំពុង​មាន​ការ​ឆ្លង​វីរុស​កូរ៉ូណា​កើនឡើង​ចាប់តាំងពី​ខែសី​ហាមក និង​នៅ​តែ​កត់ត្រា​ឃើញ​មាន​អ្នក​ប្រមាណ​១.០០០​នាក់​ក្នុង​មួយថ្ងៃ​។​

​លោក​ប្រា​យុទ្ធ បាន​ប្រាប់​ទៅ​អាជ្ញាធរ​ថា ត្រូវតែ​ជា​ប្រព័ន្ធ​នៅ​ក្នុង​តាមរក​កម្មករ​ចំណាកស្រុក​មក​ពិនិត្យ​សុខភាព និង​លោក​សង្ឃឹម​ថា​សភាពការណ៍​នឹង​វិល​មក​ល្អប្រសើរ​វិញ​ក្នុងពេល​១​សប្តាហ៍​ទៀត​៕

ទីតាំងផ្សាយពាណិជ្ជកម្ម

- Advertisment -

Most Popular