Home ព័ត៌មានអន្តរជាតិ ប្រែក្លាយ​ពី​...

ប្រែក្លាយ​ពី​អតីត​បវរកញ្ញា​អង់គ្លេស​មក​ជា​អ្នកស្រាវជ្រាវ​ផលិត​វ៉ាក់សាំង​កូវី​ដ​១៩

​ប្រែ​សម្រួល : កញ្ញា​ដា​លី​ស​/​ឡុង​ដ៍ ៖ អតីត​បវរកញ្ញា​អង់គ្លេស​ម្នាក់​បាន​លាតត្រដាង​ពី​តួនាទី​របស់​នាង​នៅ​ជួរ​មុខ​នៃ​ក្រុម​បង្កើត​វ៉ាក់សាំង​កូវី​ដ​១៩​។​

​វេជ្ជបណ្ឌិត ខា​រី​ណា ថា​យ​រែល អាយុ ៣១ ឆ្នាំ​បាន​គ្រវាត់ចោល​ឈុត​ប៊ី​គីនី ឈុត​រ៉ូប និង​កម្មវិធី​ប្រឡង​បវរកញ្ញា​ផ្សេងៗ​ដើម្បី​ចំណាយពេល​ស្រាវជ្រាវ​កាលពី​ឆ្នាំ​មុន​នៅ​ឯ​សាកលវិទ្យាល័យ​អក់​ស្វត​។

​វីរនារី​វិទ្យាសាស្ត្រ​រូបនេះ​បាន​និយាយ​អំពី​ក្តី​រីករាយ​របស់​នាង​បន្ទាប់​ពី​ការងារ​របស់​នាង​បាន​ជួយ​អង់គ្លេស​ក្លាយជា​ប្រទេស​ដំបូង​គេ​នៅលើ​ពិភពលោក ដែល​ចាប់ផ្តើម​ចាក់​វ៉ាក់សាំង​ការពារ​មនុស្ស​ប្រឆាំង​​នឹង​វីរុស​កូរ៉ូណា​។

​នាង​គឺជា​ផ្នែក​មួយ​នៃ​ក្រុម​ស្រាវជ្រាវ​របស់​សាកលវិទ្យាល័យ​អក់​ស្វត ដែល​ធ្វើការ​មិន​ខ្លាច​នឿយហត់​ដើម្បី​ធ្វើ​ឱ្យ​ប្រាកដថា វ៉ាក់សាំង​មាន​សុវត្ថិភាព​ដើម្បី​ផ្តល់​ឱ្យ​សមាជិក​សាធារណៈ​អង់គ្លេស​ទាំងអស់​។​

​វេជ្ជបណ្ឌិត​ថា​យ​រែ​លបាន​សហការ​ជាមួយ​អ្នកវិទ្យាសាស្ត្រ​និង​វេជ្ជបណ្ឌិត​មកពី​ជុំវិញ​ពិភពលោក​ដើម្បី​ធានា​ថា​ការសាកល្បង​វ៉ាក់សាំង​ត្រឹមត្រូវ​គឺ​ទទួលបាន​ថវិកា​ត្រឹមត្រូវ​ចំ​ទិសដៅ​។

​បន្ទាប់មក ពួកគេ​បាន​ធ្វើ​ការស្វែងរក​វ៉ាក់សាំង​ដែល​សមស្រប​បំផុត​ដោយ​ប្រៀបធៀប​រាល់​ការសាកល្បង​ផ្សេងគ្នា​នៅ​ទូទាំង​ពិភពលោក​។​

​ក្រុម​របស់​នាង​ទទួលខុសត្រូវ​ចំពោះ​ការស្រាវជ្រាវ​លើ​វ៉ាក់សាំង​របស់​ក្រុមហ៊ុន Pfizer ក្រុមហ៊ុន Moderna និង​ក្រុមហ៊ុន Oxford AstraZeneca​។

​នាង​និយាយថា “​ខ្ញុំ​បាន​មើល​រាល់​វ៉ាក់សាំង​ទាំងអស់​ជាមួយ​ក្រុម​ស្រាវជ្រាវ ហើយ​យើង​បាន​ចេញផ្សាយ​ស្នាដៃ​ការងារ​កាលពី​ប៉ុន្មាន​ខែ​មុន​។ នៅ​គ្រានោះ យើង​បាន​សម្លឹង​មើល​ការ​សិក្សា​ចំនួន ៧២៨​។ សម្លឹង​​មើល​វ៉ាក់សាំង​របស់​ក្រុមហ៊ុន Pfizer ក្រុមហ៊ុន Moderna និង​ក្រុមហ៊ុន Oxford AstraZeneca​។ ខ្ញុំ​បាន​សម្លឹង​រកមើល​វ៉ាក់សាំង​និង​ការសាកល្បង​ព្យាបាល ដោយ​ព្យាយាម​កំណត់​វ៉ាក់សាំង​គួរ​ជាទី​រំពឹង​​បំផុត និង​បេក្ខជន​វ៉ាក់សាំង​សម្រាប់​ព្យាបាល​”​។​

​នាង​បន្ត​ថា “​ហើយ​ពិត​ណាស់ គឺ​ត្រូវ​ប្រាកដ​ថា​វ៉ាក់សាំង​នឹង​ពាក់ព័ន្ធ​គ្នា​សម្រាប់​ក្រុម​អ្នក​ប្រើ​ជាក់លាក់​។ ក្នុងចំណោម​ប្រជាជន អ្នក​មាន​ប្រវត្តិ​ជាតិ​សាសន៍ អាយុ និង​ស្ថានភាព​សុខ​ភាព​ផ្សេង​គ្នា ដូច្នេះ​ត្រូវ​ប្រាកដថា គ្មាន​នរណា​ម្នាក់​ត្រូវ​ទុក​ចោល​នោះ​ឡើយ​”៕

​វេជ្ជបណ្ឌិត ខា​រី​ណា ថា​យ​រែល ជា​ផ្នែក​មួយ​នៃ​ក្រុម​ស្រាវជ្រាវ​របស់​សាកលវិទ្យាល័យ​អក់​ស្វត​ដើម្បី​បង្កើត​វ៉ាក់សាំង​កូវី​ដ​១៩

ទីតាំងផ្សាយពាណិជ្ជកម្ម

- Advertisment -

Most Popular