Home ព័ត៌មានសំខាន់ៗ ក្រុមប្រឹក្សា...

ក្រុមប្រឹក្សាធម្មនុញ្ញ​បាន​បដិសេធ និង​ច្រានចោល​ចំពោះ​ការចោទប្រកាន់​របស់​អិ​ល​ឌី​ភី​

ដោយៈ​មុនី​រ័ត្ន​/​ភ្នំពេញៈ​ក្រុមប្រឹក្សាធម្មនុញ្ញ​បាន​បដិសេធ​និង​ច្រានចោល​ចំពោះ​ការចោទប្រកាន់​របស់​គ​ណ​បក្សសម្ព័ន្ធ​ដើម្បី​ប្រជាធិបតេយ្យ (LDP)​ទាក់ទង​ការបើក​សវនាការ​លើ​សំណុំរឿង​ចំនួន ២៨របស់​សមាជិក និង​ភ្នាក់ងារ​​​គណបក្ស​សម្ព័ន្ធ​ដើម្បី​ប្រជាធិបតេយ្យ ដែល​បាន​ប្តឹងតវ៉ា​នឹង​សេចក្តីសម្រេច​របស់​គណៈ​ក​ម្មា​ធិ​ការ​ជាតិ​រៀបចំ​ការបោះឆ្នោត​ពាក់ព័ន្ធ​នឹង​បញ្ជី​បោះឆ្នោត​ដំបូង​ដែល​ក្រុមប្រឹក្សាធម្មនុញ្ញ​បាន​បដិសេធចោល​លើ​បណ្តឹង​ខ្លួន​ដោយ​ខុស​នឹង​គតិ​ច្បាប់​និង​តម្កល់​សេចក្តីសម្រេច​របស់​គណៈ​ក​ម្មា​ធិ​ការ​ជាតិ​រៀបចំ​ការបោះឆ្នោតទុកជាបានការ​ពេញ​ទាំងមូល​។

​លោក​តាំង​រតនា​អគ្គលេខាធិការ​ក្រុមប្រឹក្សាធម្មនុញ្ញ​បាន​ថ្លែង​ក្នុង​សន្និសីទ​នៅ​ព្រឹក​ថ្ងៃទី​២២​ខែធ្នូ​នេះ​ថា​ក្រុមប្រឹក្សាធម្មនុញ្ញ​មិនអាច​ទទួលយក​បានទេ​ចំពោះ​ការចោទប្រកាន់​េ​បស់​គណបក្ស​សម្ព័ន្ធ​ដើម្បី​ប្រជាធិបតេយ្យ មកលើ​ក្រុមប្រឹក្សាធម្មនុញ្ញ ហើយ​ក្រុមប្រឹក្សាធម្មនុញ្ញ​មិនបាន​បិទ​សិទ្ធិ​មិន​ឲ្យ​តំណាង LDP និយាយ​ក្នុង​សវនាការ​កាលពី​ថ្ងៃទី​២១ ខែធ្នូ​នោះដែរ​។ ក្រុមប្រឹក្សាធម្មនុញ្ញ​ធ្វើការ​ដោយ​យកចិត្តទុកដាក់​។

សូមរលឹកថា​នៅ​អគារ “​ស​” វិមាន​រដ្ឋ​ចំការមន ក្រុមប្រឹក្សា​ជំនុំជម្រះ នៃ​ក្រុមប្រឹក្សាធម្មនុញ្ញ ដែលមាន​លោក កិត្តិ​នីតិកោសល​បណ្ឌិត អ៊ឹម ឈុនលឹម ប្រធាន​ក្រុមប្រឹក្សាធម្មនុញ្ញ និង​ជា​ប្រធាន​ក្រុមប្រឹក្សា​ជំនុំជម្រះ កាលពី​ព្រឹក​ថ្ងៃទី​២១ ខែធ្នូបាន​បើកសវនាការ ជា​សាធារណៈ ដើម្បី​ពិនិត្យ និង​សម្រេច​លើ​សំណុំរឿង ចំនួន ២៨ របស់​សមាជិក និង​ភ្នាក់ងារ​គណបក្ស​សម្ព័ន្ធ ដើម្បី​ប្រជាធិបតេយ្យ ដែល​បាន​ប្តឹងតវ៉ា​នឹង​សេចក្តីសម្រេចរបស់​គណៈកម្មាធិការ​ជាតិ រៀបចំ​ការបោះឆ្នោត ពាក់ព័ន្ធ​នឹង​បញ្ជី​បោះឆ្នោត​ដំបូង​។​
អង្គ​សវនាការ​នេះ មានការ​ចូលរួម​ពី​សំណាក់ អ្នកប្តឹង​ចំនួន ១២​រូប តំណាងឱ្យ​គណបក្ស​សម្ព័ន្ធ ដើម្បី​ប្រជាធិបតេយ្យ និង​មានការ​ចូលរួម ពី​តំណាង​គណៈកម្មាធិការ​ជាតិ រៀបចំ​ការបោះឆ្នោត ចំនួន ៤​រូប ព្រមទាំង​សាធារណជន ផងដែរ​។​
សំណុំរឿង​ចំនួន ២៨ នេះ ក្រុមប្រឹក្សា​ជំនុំជម្រះ នៃ​ក្រុមប្រឹក្សាធម្មនុញ្ញ បានសម្រេច​ទទួល​ពាក្យបណ្ដឹង ទាំង ២៨ សំណុំ​រឿងនេះ ទុកជា​ត្រឹមត្រូវ តាម​ទម្រង់​ច្បាប់ ប៉ុន្តែ​បដិសេធចោល ដោយ​ខុស​នឹង​គតិ​ច្បាប់​។ តម្កល់​សេចក្តីសម្រេច​របស់ គណៈកម្មាធិការ​ជាតិ​រៀបចំ​ការបោះឆ្នោត ទុកជាបានការ​ពេញ​ទាំងមូល​។ សេចក្តីសម្រេច​នេះ ជា​សេចក្តីសម្រេច​ស្ថាពរ បិទផ្លូវ​តវ៉ា ហើយ​មាន​អានុភាព​អនុវត្ត ទៅលើ​អំណាច​ទាំងអស់ ដែលមាន​ចែង​ក្នុង​រដ្ឋធម្មនុញ្ញ និង​ត្រូវ​ចុះផ្សាយ ក្នុង​រាជកិច្ច​៕សរន

ទីតាំងផ្សាយពាណិជ្ជកម្ម

- Advertisment -

Most Popular