Home ព័ត៌មានជាតិ សន្តិសុខ បើក​ម៉ូតូ​ទៅប...

បើក​ម៉ូតូ​ទៅបុក​រថយន្ត​ពីក្រោយ​៖ ស្លាប់​ម្នាក់ របួសធ្ងន់​ម្នាក់

ដោយ​: ប​.​ជ័យ / បន្ទាយមានជ័យ​: បុរស​២​នាក់​ដែលជា​អ្នកបើក និង​អ្នករួមដំណើរ បាន​បើកបរ​ម៉ូតូ​ទៅបុក​ពីក្រោយ​រថយន្ត​ខូច​ឈប់ ពេញទំហឹង​បណ្តាល​ឲ្យ​ស្លាប់​ម្នាក់ របួសធ្ងន់​ម្នាក់ កាលពី​ម៉ោង​៩​និង​២០​នាទី​យប់ ថ្ងៃទី​២១ ខែធ្នូ ឆ្នាំ​២០២០ នៅលើ​កំណាត់​ផ្លូវជាតិ​លេខ​៥ ខាងកើត​រោងចក្រ​ទឹកកក ស្ថិត​ក្នុងភូមិ​ទឹកថ្លា សង្កាត់​ទឹកថ្លា ក្រុង​សិរីសោភ័ណ ខេត្តបន្ទាយមានជ័យ​។

​លោក​វរសេនីយ៍ទោ សួន នី​ប៉ូ នាយរង​ការិយាល័យ នគរបាល​ចរាចរណ៍​ផ្លូវគោក​គោក​នៃ​ស្នងការដ្ឋាន​នគរបាល​ខេត្តបន្ទាយមានជ័យ​បាន​ឲ្យ​ដឹង​ថ្ងៃទី​២២​ខែធ្នូ​ថា ៖ ជនរងគ្រោះ ឈ្មោះ ឈឿ​ម ចក់ ភេទ​ប្រុស​អាយុ​២៩​ឆ្នាំ ជា​អ្នកបើក​ម៉ូតូ​ម៉ាក​ហុងដា​សេរី​ចាស់ ពណ៌​ខ្មៅ ពាក់​ស្លាក​លេខ ក​.៨៥០៩ ប​ជ​១​។ និង​អ្នករួមដំណើរ ឈ្មោះ​ម៉ៅ ពេជ្រ ភេទ​ប្រុស​អាយុ​៣២​ឆ្នាំ ទាំង​២​នាក់ នៅ​ភូមិ​ទឹកថ្លា សង្កាត់​ទឹកថ្លា ក្រុង​សិរីសោភ័ណ ខេត្តបន្ទាយមានជ័យ​។​

​ការពិនិត្យ​គំនូស​ស្នាម​ឃើញថា មុនពេល​កើតហេតុ​នោះ​បុរស​ទាំង​២​នាក់​បើក​ម៉ូតូ​ដែល​អត់​ភ្លើង​បំភ្លឺ ក្នុង​ទិស​ពី​កើ​តទៅ​លិច​ក្នុង​ល្បឿន​លឿន ដោយ​សង្ស័យ​អ្នក​ទាំង​២ ស្ថិតក្រោម​ឥទ្ធិពល​ស្រវឹង​ទៀតផង​។​

​ពេល​បើក​មកដល់​ចំណុចកើតហេតុ ក៏មាន​រថយន្ត​ម៉ាក​HYUNDAI ពណ៌​ស​ពាក់​ស្លាក​លេខ បាត់ដំបង ៣A-១២៩៩ ដឹកស្រូវ តែ​បាន​ខូច ហើយ​ឈប់​ចត​។​

​ប្រភព​បន្តថា ទោះ​បាន​កាច់​មែកឈើ​ដាក់​ជាស​ញ្ញា តែ​ភ្លើង​បំភ្លឺ​មិន​គ្រប់គ្រាន់ បណ្តាល​ម៉ូតូ​ទៅបុក​រថយន្ត​ពីក្រោយ​ពេញទំហឹង​ធ្វើ​ឲ្យ​អ្នកបើក​ម៉ូតូ​ស្លាប់​ភ្លាម​នៅនឹងកន្លែង ឯ​អ្នករួមដំណើរ​រងរបួស​ធ្ងន់ ត្រូវបាន​ដឹក​ទៅ​សង្គ្រោះ​នៅ​មន្ទីរពេទ្យ ៕​

ទីតាំងផ្សាយពាណិជ្ជកម្ម

- Advertisment -

Most Popular