Home ព័ត៌មានជាតិ សង្គម ​រដ្ឋបាល​ក្រុ...

​រដ្ឋបាល​ក្រុង ចុះ​ចែក​ម៉ាស់ និង​ផ្សព្វផ្សាយ​ពី​ការការពារ ការរីក​រាលដាល​ជំងឺ​កូ​វីដ​១៩

​ដោយៈ សៅ​វ៉ាន់ឌី / ព្រះ​វិហារៈ នៅ​ព្រឹក​ថ្ងៃទី​២២ ខែធ្នូ ឆ្នាំ​២០២០ រដ្ឋបាល​ក្រុង​ព្រះវិហារ ដឹកនាំ​ដោយ​លោក ប៉ុក ងួន អភិបាលក្រុង បាន​ចុះ​ចែក​ម៉ាស់ និង​ផ្សព្វផ្សាយ​ពី​វិធានការ ការពារ ទប់ស្កាត់​ការឆ្លង​រីក រាលដាល នៃ​ជំងឺ​កូ​វីដ​១៩ ដល់​ប្រជាពលរដ្ឋ ក្នុង​សង្កាត់​កំពង់​ប្រណាក​។​

​នៅក្នុង​ឱកាស​នេះ លោក ប៉ុក ងួន អភិបាលក្រុង បាន​ក្រើនរំលឹក​ដល់​ប្រជាពលរដ្ឋ ត្រូវ​រក្សា​អនាម័យ​ជាប្រចាំ និង​អនុវត្ត​ឱ្យបាន​ខ្ជាប់ខ្ជួន តាម​ការណែនាំ​របស់ ក្រសួងសុខាភិបាល ។ ក្នុងករណី​មាន​បញ្ហា​មិន​ស្រួលខ្លួន​ណាមួយ ដូចជា គ្រុនក្តៅ ក្អក ផ្តាសាយ សូម​ផ្តល់ដំណឹង​ដល់​អាជ្ញាធរ​មូលដ្ឋាន , ដល់​ភ្នាក់ងារ សុខាភិបាល និង​ទៅ​មណ្ឌល​សុខភាព ឬ​មន្ទីរពេទ្យ ដែល​នៅ​ជិត​ផ្ទះ ដើម្បី​ត្រួតពិនិត្យ និង​តាមដាន​ជាបន្ទាន់ ក្រែង​មាន​ករណី​កូ​វីដ​-១៩ ។​

​សូមបញ្ជាក់ថា ម៉ាស់​ដែល បាន​យកមក​ចែកជូន នាពេលនេះ មាន​ចំនួន ៤.៥០០ ម៉ាស់ ជា​អំណោយ​របស់​ក្រុមការងារ​ថ្នាក់ជាតិ ចុះជួយ​ក្រុង​ព្រះវិហារ​៕/V​

ទីតាំងផ្សាយពាណិជ្ជកម្ម

- Advertisment -

Most Popular