Home ព័ត៌មានសំខាន់ៗ យូ​នី​សេ​ហ្វ​...

យូ​នី​សេ​ហ្វ​នឹង​ជួយ​សម្រួល​ផ្នែក​ដឹកជញ្ជូន​វ៉ាក់សាំង​ប្រឆាំង​កូ​វីដ​-១៩ មក​កម្ពុជា

 

​ដោយៈ ជា​សីហៈ​/​ភ្នំពេញៈ ប្រទេស​កម្ពុជា គឺជា ប្រទេសមួយ ក្នុងចំណោម​ប្រទេស ដែល​យូ​នី​សេ​ហ្វ នឹងដឹកជញ្ជូន​ថ្នាំ​បង្ការ​ផ្តល់ជូន ក្រោម​កិច្ច ដឹកនាំ​របស់​រាជរដ្ឋាភិបាល​កម្ពុជា ដោយ សហការ​យ៉ាង​ជិតស្និទ្ធ​ជាមួយ អង្គការ សុខភាព​ពិភព លោក​។​នេះបើយោងតាមសេចក្តីប្រកាសព័ត៌៌មានរបស់អង្គការយូនីសេហ្វនៅថ្ងៃទី២២ខែធ្នូនេះ។

​អង្គការ​យូ​នី​សេ​ហ្វ ដែល​បាន​កំពុងតែ ដាក់ចេញ​នូវ​ផែនការ ដឹកជញ្ជូន ថ្នាំ​បង្ការ​ជំងឺ​កូ​វីដ​-១៩ ឲ្យ​បាន រហូតដល់ ៨៥០ តោន​ក្នុង​មួយខែ តាមរយៈ​យន្តការ COVAX នៅក្នុង ប្រតិបត្តិការ​ភស្តុភារ “​ខ្នាត​ធំ​ជា​ប្រវត្តិសាស្ត្រ​”​បាន​អះអាងថា ខ្លួន នឹង​ជួយ​កិច្ចការ​នេះ​ជាមួយនឹង​ប្រទេស​កម្ពុជា​ផងដែរ ។

​អង្គការ​នេះ​បាន​អះអាងថា ក្រោម​កិច្ចសហការ ជាមួយនឹង សម្ព័ន្ធ​ថ្នាំ​បង្ការ​សកល (Gavi) និង​អង្គការ សុខភាព​ពិភព លោក – យូ​នី​សេ​ហ្វ​កំពុង​គាំទ្រ ដល់ ប្រទេស មាន ចំណូល ទាប និង ចំណូល​មធ្យម កម្រិត​ទាប ដើម្បី​ត្រៀម​ទទួល​ថ្នាំ​បង្ការ​ជំងឺ កូ​វីដ​-១៩ ក្នុង​ឆ្នាំ​២០២១​។

​លោកស្រី ហិន​រីតា ហ្វ​រ នាយិកា​ប្រតិបត្តិ​យូ​នី​សេ​ហ្វ បាន​មានប្រសាសន៍ថា “​នេះ​គឺជា ប្រតិបត្តិការ ដ៏​ធំ​សម្បើម ជា ប្រវត្តិសាស្ត្រ ។ នេះ​គឺជា​កិច្ចការ​ដែលមាន​ទំហំ​ធំ ហើយ នឹង​ផ្ដល់​អត្ថប្រយោជន៍ យ៉ាង ច្រើន​ដែល​មិន​ធ្លាប់មាន ពីមុនមក ប៉ុន្តែ​យើង​ត្រៀមខ្លួន​រួចជាស្រេច​ដើម្បី​បំពេញ កិច្ចការ​នេះ​”​។​

​នៅ​កម្ពុជា យូ​នី​សេ​ហ្វ កំពុង ធ្វើការ​ជាមួយ ក្រសួង សុខាភិបាល និង​អង្គការ សុខភាព​ពិភព លោក ដើម្បី​ត្រៀម​រៀបចំ​ក្នុងការ​ផ្គត់ផ្គង់​ថ្នាំ​បង្ការ​នេះ​។ ដៃគូ​នានា​កំពុងធ្វើការ​ងារ រួមគ្នា ដើម្បី​រៀបចំ យុទ្ធសាស្ត្រ​សម្រាប់ ចែកចាយ​ថ្នាំ​បង្ការ វាយតម្លៃ​លើ​ការគ្រប់គ្រង​ថ្នាំ​បង្ការ និង​សមត្ថភាព នៃ ប្រព័ន្ធ ស្តុក​ដែល​អាច​រក្សា​សីតុណ្ហភាព​ត្រជាក់​បាន គាំទ្រ​រៀបចំ​សំណើរ​សុំ​ជំនួយ​លើ​ឧបករណ៍​ស្តុក​ពី​ដែល​អាច​រក្សា​សីតុណ្ហភាព​ត្រជាក់​ពី Gavi និង​រៀបចំ​ផែនការ​ជំនួស​ឧបករណ៍​ចាស់ៗ ធ្វើការ ប៉ាន់ប្រមាណ​ពី​ចំណាយ និង​តម្រូវ ការ ប្រតិបត្តិការ និង រៀបចំ ការអប់រំ​ផ្សព្វផ្សាយ ការ ស្វែងរក​មតិ​គាំទ្រ និង ការ ជំរុញ ឲ្យ​មាន​តម្រូវការ​។ នៅ​ថ្នាក់ក្រោម​ជាតិ យូ​នី​សេ​ហ្វ​នឹង គាំទ្រ ដល់​រាជរដ្ឋាភិបាល​កម្ពុជា តាមរយៈ​ការ​កៀរគរ និង បំផុស ចលនា​សហគមន៍ ហើយ ក្នុងពេល​ជាមួយគ្នា ជួយ ពិនិត្យ​តាមដាន ការ​យុទ្ធនាការ ចាក់​ថ្នាំ​បង្ការ ផងដែរ​។​

​ការ វាយតម្លៃ​ជាស​កល​ដែល​ធ្វើឡើង​ដោយ​យូ​នី​សេ​ហ្វ ពិនិត្យ​លើ សមត្ថភាព ដឹកជញ្ជូន​តាមផ្លូវ​អាកាស ក្នុង​សកលលោក​ទាំងមូល និង​ច្រក​ផ្លូវ សម្រាប់​ដឹកជញ្ជូន ដើម្បី​ស្វែងយល់​ឲ្យ​កាន់តែច្បាស់​អំពី បញ្ហា​ប្រឈម ដែល​កើតមាន ក្នុង ការ ដឹកជញ្ជូន​ថ្នាំ​បង្ការ​ជំងឺ កូ​វីដ​-១៩ ក្នុង​ឆ្នាំ​២០២១​។ ការវាយតម្លៃ​បាន​រកឃើញថា ក្រុមហ៊ុន​អាកាសចរណ៍​ពាណិជ្ជកម្ម នឹង អាច ដឹកជញ្ជូន​ថ្នាំ​បង្ការ ទៅកាន់​ប្រទេស ដែលមាន​ចំណូល ទាប និង ប្រទេស ដែលមាន​ចំណូល​មធ្យម​កម្រិត ទាប ស្ទើរតែ​ទាំង ៩២​ប្រទេស ដែល ជា ប្រទេស ស្ថិតក្នុង​ចំណោម​ប្រទេស ចំនួន​១៩០ ដែល ចូលរួម នៅក្នុង​កម្មវិធី COVAX ជាមួយនឹង ការប៉ាន់ប្រមាណ​ថវិកា ចំណាយ​រហូតដល់ ៧០​លាន​ដុល្លារ​អាមេរិក​៕​

 

ទីតាំងផ្សាយពាណិជ្ជកម្ម

- Advertisment -

Most Popular