Home ព័ត៌មានសំខាន់ៗ កម្ពុជា​គ្រោង...

កម្ពុជា​គ្រោង​ដាក់ឱ្យ​ដំណើរ​មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា នៅ​ប្រទេស​ថៃ​នា​ដើមឆ្នាំ​ក្រោយ​

ដោយ​: ពៅ​និមល​/​ភ្នំពេញ​:​គិត​មកដល់​ពេល​នេ​មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា​(CBC​សម្រេចការ​សាងសង់​ប្រមាណ​៨០​ភាគរយ​ហើយ ហើយ​អគារ​នេះ​គ្រោង​នឹង​សម្ពោធ​ដាក់ឱ្យ​ដំណើរការ​នៅមុន​ចូលឆ្នាំ​ប្រពៃណី​ជាតិខ្មែ​ឆ្នាំ​២០២១​ខាងមុខ​។​នេះ​តាម​ការឱ្យ​របស់​មន្ត្រី​ស្ថានទូត​កម្ពុជា​ប្រចាំ​ទីក្រុង​បាងកក ប្រទេស​ថៃ​។​

លោក ហេង សុវណ្ណារិទ្ធ អនុព័ន្ធពាណិជ្ជកម្ម នៃ​ស្ថានទូត​កម្ពុជា​ប្រចាំ​ទីក្រុង​បាងកកប្រទេសថៃ(រូបឯកសារ)

​តាម​សារ​អេឡិចត្រូនិក កាលពី​ថ្ងៃទី​២១ ខែធ្នូ លោក ហេង សុវណ្ណារិទ្ធ អនុព័ន្ធពាណិជ្ជកម្ម នៃ​ស្ថានទូត​កម្ពុជា​ប្រចាំ​ទីក្រុង​បាងកក បានឱ្យ​រស្មី​កម្ពុជា​ដឹងថា CBC នឹង​ដើរតួនាទី​ជួយ​សម្របសម្រួល​ដល់​ការដោះដូរ​ពាណិជ្ជកម្ម និង​វិនិយោគ​ទ្វេភាគី​។​ជាពិសេស​ដើម្បី​សម្រេច បាន​តាម​ទិសដៅ​ពាណិជ្ជកម្ម​ទ្វេភាគី​តម្លៃ​១៥​ពាន់​លាន​ដុល្លារ​ដែល​កំណត់ដោយ​ប្រមុខ​ថ្នាក់ដឹកនាំ​ប្រទេស​ទាំងពីរ​នៅ​ឆ្នាំក្រោយ​។ លោក​បន្តថា មជ្ឈមណ្ឌល​នេះ មាន​កម្ពស់​៤​ជាន់ ជាការ​វិនិយោគ​របស់​ក្រុមហ៊ុន Zay StatioCo.,Ltd​សហការ​ជាមួយ​ការិយាល័យ ពាណិជ្ជកម្ម នៃ​ស្ថានទូត​កម្ពុជា​ប្រចាំ​ប្រទេស​ថៃ នៅពេល​បញ្ចប់​ការសាងសង់ អគារ​នេះ​នឹង​ក្លាយជា​មជ្ឈមណ្ឌល​ផ្តល់ព័ត៌មាន និង​ផ្សព្វផ្សាយ​ផលិតផល​ខ្មែរ និង​ថៃ ដើម្បី​ជំរុញ​ការដោះដូរ​ពាណិជ្ជកម្ម សាលា​ហ្វឹកហ្វឺន​ផ្នែក​ធុរកិច្ច ព្រមទាំង​កន្លែង​ផ្តល់​ការប្រឹក្សា​អំពី​លក្ខខណ្ឌ​ច្បាប់ និង​សេវា​ផ្សេងៗ​ទាក់ទង​វិស័យ​ពាណិជ្ជកម្ម និង​វិនិយោគ​។

គិត​មកដល់​ពេល​នេះ​មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា​(CBC​សម្រេចការ​សាងសង់​ប្រមាណ​៨០​ភាគរយ​ហើយ ហើយ​អគារ​នេះ​គ្រោង​នឹង​សម្ពោធ​ដាក់ឱ្យ​ដំណើរការ​នៅមុន​ចូលឆ្នាំ​ប្រពៃណី​ជាតិខ្មែ​ឆ្នាំ​២០២១​ខាងមុខ​។​នេះ​តាម​ការឱ្យ​របស់​មន្ត្រី​ស្ថានទូត​កម្ពុជា​ប្រចាំ​ទីក្រុង​បាងកក ប្រទេស​ថៃ​(រូបថតស្ថានទូត)

លោក ហេង សុវណ្ណារិទ្ធ បានបញ្ជាក់​ទៀតថា ក្រៅពី​ការលើកកម្ពស់​ពាណិជ្ជកម្ម​និង​ការទូត​CBC​ក៏​នឹង​លើកកម្ពស់​ផលិតផល​ដែល​ផលិត​ក្នុង ប្រទេស​កម្ពុជា​ផងដែរ​។ ជាមួយគ្នានេះ CBC នឹង​ទាក់ទង​ជាមួយ​ផ្សារ​ទំនើប​ផ្សេងៗ​ទៀត​ក្នុងប្រទេស​ថៃ​ដើម្បី​តាំង​បង្ហាញ​ផលិតផល របស់​យើង ដោយសារតែ​យើង​ចង់​លើកកម្ពស់​ផលិតផល​របស់​យើង​នៅក្នុង​ទីផ្សារ​ថៃ​។​លើសពីនេះ​ទៀត​មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា នឹងមាន​រៀបចំ​កិច្ចប្រជុំ​ប្រចាំខែ​ត្រីមាស​ឆមាស​និង​ឆ្នាំ​សំដៅ​តាមដាន​វ​ឌ្ឍ​ភាព​ការងារ​និង​កំណត់​បញ្ហា​ប្រឈម​ទាំងឡាយ​ដែល​កើតចេញពី​ការធ្វើ​ពាណិជ្ជកម្ម​ទ្វេភាគី ដើម្បី​ចងក្រង​ជា​របាយការណ៍ សម្រាប់​ដាក់ជូន​រដ្ឋមន្ត្រី​ក្រសួងពាណិជ្ជកម្ម​នៃ​ប្រទេស​ទាំងពីរ ធ្វើការ​ពិនិត្យ និង​សម្រេច​នៅក្នុង​កិច្ចប្រជុំ​គណៈកម្មាធិការ​ពាណិជ្ជក​ម្ម​ចម្រុះ​កម្ពុជា​-​ថៃ និង​កិច្ចប្រជុំ​ពាក់ព័ន្ធ​ផងដែរ​។​

​គិត​ត្រឹម​ដំណាច់​ខែតុលា​ឆ្នាំនេះ ទឹកប្រាក់​ដែល​បានមកពី​ការដោះដូរ​ពាណិជ្ជកម្ម​ទ្វេរ​ភាគី​កម្ពុជា​-​ថៃ សម្រេចបាន​ជាង ៦​ប៊ី​លាន​ដុល្លារ​អាម៉េរិក ធ្លាក់ចុះ​ប្រមាណ​២១​ភាគរយ ធៀប​នឹង​រយ់ពេល​ដូចគ្នា​ក្នុង​ឆ្នាំ​២០១៩ ដែលមាន​ទឹកប្រាក់​សរុប​ជាង ៧​ប៊ី​លាន​ដុល្លារ​។ ក្នុងនោះ​ការនាំចេញ​របស់​កម្ពុជា​ទៅ​ថៃ មានតម្លៃ​ជាង ១​ប៊ី​លាន​ដុល្លារ ធ្លាក់ចុះ​ជាង​៥១​ភាគរយ ធៀប​នឹង​ឆ្នាំ​កន្លងទៅ ដែល​សម្រេចបាន​ទឹកប្រាក់​២,១​ប៊ី​លាន​ដុល្លារ​។ ដោយឡែក ការនាំ​ចូល​ពី​ថៃ មានតម្លៃ ៥,១​ប៊ី​លាន​ដុល្លារ ធ្លាក់ចុះ ១១​ភាគរយ ធៀប​នឹង​ឆ្នាំមុន ដែលមាន​ទឹកប្រាក់ ៥.៦​ប៊ី​លាន​ដុល្លារ បណ្តាលឱ្យមាន​ឱនភាព​ជញ្ជីងពាណិជ្ជកម្ម​ដល់​ទៅ ៤,១​ប៊ី​លាន​ដុល្លារ​៕​សរន​

គិត​មកដល់​ពេល​នេះ​មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា​(CBC​សម្រេចការ​សាងសង់​ប្រមាណ​៨០​ភាគរយ​ហើយ ហើយ​អគារ​នេះ​គ្រោង​នឹង​សម្ពោធ​ដាក់ឱ្យ​ដំណើរការ​នៅមុន​ចូលឆ្នាំ​ប្រពៃណី​ជាតិខ្មែ​ឆ្នាំ​២០២១​ខាងមុខ​។​នេះ​តាម​ការឱ្យ​របស់​មន្ត្រី​ស្ថានទូត​កម្ពុជា​ប្រចាំ​ទីក្រុង​បាងកក ប្រទេស​ថៃ​(រូបថតស្ថានទូត)

គិត​មកដល់​ពេល​នេះ​មជ្ឈមណ្ឌល​ក្រុមប្រឹក្សា​ធុរកិច្ច​កម្ពុជា​(CBC​សម្រេចការ​សាងសង់​ប្រមាណ​៨០​ភាគរយ​ហើយ ហើយ​អគារ​នេះ​គ្រោង​នឹង​សម្ពោធ​ដាក់ឱ្យ​ដំណើរការ​នៅមុន​ចូលឆ្នាំ​ប្រពៃណី​ជាតិខ្មែ​ឆ្នាំ​២០២១​ខាងមុខ​។​នេះ​តាម​ការឱ្យ​របស់​មន្ត្រី​ស្ថានទូត​កម្ពុជា​ប្រចាំ​ទីក្រុង​បាងកក ប្រទេស​ថៃ​(រូបថតស្ថានទូត)

ទីតាំងផ្សាយពាណិជ្ជកម្ម

- Advertisment -

Most Popular