Home ព័ត៌មានជាតិ នយោបាយ ​រដ្ឋមន្ត្រីក...

​រដ្ឋមន្ត្រីក្រសួង​មុខងារសាធារណៈ​ស្នើ​ឲ្យ​មាន​កិច្ចសហប្រតិបត្តិការ​រ​វាង​សាល​ភូមិន្ទ​រដ្ឋបាល​នឹង​បណ្ឌិត្យសភា​សេដ្ឋកិច្ចជាតិ​និង​រដ្ឋបាល​សាធារណៈ​រុស្ស៊ី

ដោយៈ​តារា​រិ​ទ្ធ​/​ភ្នំពេញ​៖​លោក Anatoly BOROVIK ឯកអគ្គរដ្ឋទូត​សហព័ន្ធរុស្ស៊ី​ប្រចាំ​កម្ពុ​ជានា​ព្រឹក​ថ្ងៃទី ២២ ខែធ្នូ​ឆ្នាំ​២០២០បាន​ចូលជួប​សម្តែង​ការគួរសម​និង​ពិភាក្សាការងារ​ជាមួយ​លោក ព្រុំ សុខា រដ្ឋមន្ត្រីក្រសួង​មុខងារ សាធារណៈ​នៅ​ទីស្តីការក្រសួង​។ នៅក្នុង​ជំនួប​នោះ​លោក ព្រុំ សុខា បានស្នើ​សុំ​ឲ្យ​មានកម្ម​វិធី​កិច្ចសហប្រតិបត្តិការ ក្នុងការ​បណ្តុះបណ្តាល​ធ​ន​ធាន​មនុស្ស​រវាង​សាលា​ភូមិន្ទ​រដ្ឋបាល​កម្ពុជា​(ERA)​ជាមួយនឹង​បណ្ឌិត្យសភា​សេដ្ឋកិច្ចជាតិ​និង​រដ្ឋបាល​សាធារណៈ​រុស្ស៊ី​។​នេះ​បើ​យោងតាម​ផេ​ក​ក្រសួង​មុខងារសាធារណៈ ។​

​ក្នុងជំនួប​នេះ​ទាំង​លោក​រដ្ឋមន្ត្រី​និង​ឯកអគ្គរដ្ឋទូត​បាន​វាយតម្លៃ​ខ្ពស់​ពី​ចំណងមិត្តភាព​សហប្រតិបត្តិ​ការល្អប្រសើរ​រវាងរ​ដ្ឋា​ភិ​បាល​និង​ប្រជាជន​ប្រទេស​ទាំងពីរ​ក្នុង​រយៈពេល៦៤​ឆ្នាំ​នៃ​ទំនាក់ទំនង​ការទូត​រវាង​កម្ពុជា​-​រុស្ស៊ី​ពិសេស​ចា ប់ពី​ក្រោយពេល​ក​ម្ពុ​ជា​បាន​រួច​ចាក​ផុតពី​របប​ប្រល័យពូជសាសន៍​នៅ​ឆ្នាំ​១៩៧៩​។​

​លោក​រដ្ឋមន្ត្រីក្រសួង​មុខងារសាធារណៈ​និង​លោក​ឯកអគ្គរដ្ឋទូត​រុស្ស៊ី​បាន​ឯកភាពគ្នា​ខ្ពស់​លើ​ការចាប់ផ្តើម​និង​ជម្រុញ​ទំនាក់ទំនង​សហប្រតិបត្តិការ​ទ្វេភាគី​លើ​វិស័យ​មុខងារ សាធារណៈ​រវាង​ក្រសួង​មុខងារសាធារណៈ​កម្ពុជា​ជាមួយ​ក្រសួង​ស្ថាប័ន​រុស្ស៊ី​ដែលមាន​ការពាក់ព័ន្ធ​រួមមាន​៖​ការផ្លាស់ប្តូរ​ប្រតិភូ​ដើម្បី​ដក​ពិសោធន៍​,​ទស្សនកិច្ច​សិក្សា​និង​ការ បណ្តុះបណ្តាល​មន្ត្រីរាជកា​រលើ​វិស័យ​មុខងារសាធារណៈ​,​ព្រមទាំង​រៀបចំ​ឱ្យមាន​កម្មវិធី​ទំនាក់ទំនង​ជាក់ស្តែង​ក្នុងការ​អភិវឌ្ឍ​ធនធានមនុស្ស​រវាង​សាលា​ភូមិន្ទ​រដ្ឋបាល​កម្ពុជា (ERA)​ជាមួយនឹង​បណ្ឌិត្យសភា​សេដ្ឋកិច្ចជាតិ​និង​រដ្ឋបាល​សាធារណៈ​រុស្ស៊ី​(the Russian Presidential Academy of National Economy and Public Administration)​។

​ដើម្បី​អបអរសាទរ​ខួប​៦៥​ឆ្នាំ​នៃ​ចំណង​ការទូត​រវាង​ប្រទេស​ទាំងពីរ​ភាគី​ទាំងពីរ​បាន​ប្តេជ្ញា​ធ្វើ​សកម្មភាព​សហប្រតិបត្តិ​ការជាក់ស្តែង​សំដៅ​រួមចំណែក​ពង្រឹងពង្រីក​ទំនាក់ទំនង​សហប្រតិបត្តិការ​ទ្វេភាគី​ឱ្យ​កាន់តែ​ល្អប្រសើរ​ថែមទៀត​រវាង​រដ្ឋាភិបាល​និង​ប្រជាជន​នៃ​ប្រទេស​ទាំងពីរ​កម្ពុជា​-​រុស្ស៊ី ៕​

ទីតាំងផ្សាយពាណិជ្ជកម្ម

- Advertisment -

Most Popular