Home ព័ត៌មានសំខាន់ៗ ផល​ត្រី​ធម្មជ...

ផល​ត្រី​ធម្មជាតិ​សរុប​ឆ្នាំនេះ​អាច​ទាប​ជាង​ឆ្នាំ​២០១៩ ប្រហែលជា ៣១% តែ​ការធ្វើ​វារីវប្បកម្ម​កើនឡើង​៣០​ភាគរយ​

ដោយៈ ជា​សីហៈ​/​ភ្នំពេញៈ រដ្ឋបាល​ជលផល​បាន​ឲ្យ​ដឹងថា​ផល​ត្រី​សរុប​ឆ្នាំនេះ​អាច​ទាប​ជាង​ឆ្នាំ​២០១៩ ប្រហែលជា ៣១% ។

​ប្រភព​ដដែល​បាន​អះអាងថា កម្រិត​កំពស់​ទឹក​នៅ​ទីតាំង​ដាយ​ត្រី​នាពេល​បច្ចុប្បន្ន​មាន​កំពស់​ខ្ពស់ជាង​ឆ្នាំ​២០១៩​ចំនួន​មួយ​ម៉ែត្រ​នៅឡើយ ហើយ​ល្បឿន​នៃ​ទឹក​ហូរ​វិញ​ក៏មាន​សភាព​ហូរ​ខ្លាំង​ល្អ ដែលជា​ក្តី​សង្ឃឹមថា​នៅ​ខ្នើត​ក្រោយ​អាចមាន​ត្រី​បន្ត​ចេញពី​ទន្លេសាប​បន្តទៀត តែ​ទោះជា​យ៉ាងណា តាម​លក្ខណ​បច្ចេកទេស រួមទាំង​វិសាលភាព​នៃ​ទឹកជំនន់​ក្នុង​បឹង​ទន្លេសាប ការប្រែប្រួល​អាកាសធាតុ រដ្ឋបាល​ជលផល​បាន​ព្យាករណ៍​ផល​ចាប់​សរុប​តាម​ដាយ​ត្រី​សម្រាប់​ឆ្នាំនេះ​អាច​ទាប​ជាង​ឆ្នាំ​២០១៩ ប្រហែលជា ៣១% ពី ១៤.៣២០​តោន មក​នៅត្រឹម ៩.៩០០​តោន នា​ឆ្នាំនេះ​។

​ចំពោះ​ផល​នេសាទ​ក្នុង​ដែន​នេសាទ​នា​ឆ្នាំ​២០១៩ មាន​ចំនួន ៣២៦.៥០០​តោន ហើយ​ឆ្នាំ​២០២០ មាន​ចំនួន​២៦៨.០០០​តោន​។ ទន្ទឹមនឹងនេះ ផល​ដែល​ទទួលបាន​ពី​ការធ្វើ​វារីវប្បកម្ម​មានការ​កើនឡើង​ប្រមាណ ៣០% បើ​ប្រៀបធៀប​ក្នុង​ឆ្នាំ​២០១៩ មាន​ចំនួន ៣០៧.៤០៨​តោន និង​ឆ្នាំនេះ​អាច​ទទួលបាន​ចំនួន ៤០០.៤០០​តោន​។

​តួលេខ​នេះ បាន​បញ្ចាក់​យ៉ាងច្បាស់​ថា​អនុវិស័យ​វារីវប្បកម្ម​បាននិងកំពុង​បំពេញ​តួនាទី​យ៉ាងសំខាន់ៗ​ក្នុងការ​ផ្គត់ផ្គង់​ឲ្យ​ទីផ្សារ​ក្នុងស្រុក ជំនួស​ឲ្យ​ផល​នេសាទ​ដាយ​ត្រី និង​ផល​នេសាទ​ក្នុង​ដែន​នេសាទ ស្របតាម​បំណងប្រាថ្នា​របស់​រាជរ​ដ្ឋា​ភិ​បាល ដែល​ត្រូវ​ជំរុញ​ផលិតកម្ម​ស្បៀង​តាមរយ​:​ការចិញ្ចឹម​ត្រី​ជា​លក្ខណ​គ្រួសារ​។​

ទីតាំងផ្សាយពាណិជ្ជកម្ម

- Advertisment -

Most Popular