Home ព័ត៌មានសំខាន់ៗ អភិបាលខេត្ត​ព...

អភិបាលខេត្ត​ព្រះសីហនុ​ស្នើ​ឲ្យ​ផ្កាយ​ពីរ ភឿន ផល្លា និង​ភាគី​ពាក់ព័ន្ធ​ត្រូវ​រក្សា​ស្ថានភាព​ដើម​លើ​ទីតាំង​ដី​វិវាទ​

ដោយៈ​ឫទ្ធិ​ស័ក្តិ​/​ភ្នំពេញៈ​លោក​គួច​ចំរើន​អភិបាលខេត្ត​ព្រះសីហនុ​បាន​ឲ្យ​រដ្ឋបាល​ស្រុក​ព្រៃនប់​ផ្អាក​នូវ​ការចុះ​ស្រង់​ស្ថិតិ​តាម​ខ្នង​ផ្ទះ​ប្រជាពលរដ្ឋ និង​ការសម្របសម្រួល​ផ្សេងៗ​លើ​គូភាគី នៅក្នុង​ករណី​វិវាទ​ដីធ្លី​ស្ថិតនៅ​ភូមិ​អូរ​ឧកញ៉ា​ហេង និង​ភូមិ​អូរ​តាសេក​ឃុំ​អូរ​ឧកញ៉ា​ហេង​ស្រុក​ព្រៃនប់​ដើម្បី​ទុក​ភារកិច្ច​ដល់​ក្រុមការងារ​ចម្រុះ​របស់​រដ្ឋបាលខេត្ត​ធ្វើការ​ស្រាវជ្រាវ​ឲ្យ​បានច្បាស់លាស់​។ លោក​ក៏បាន​ស្នើ​ឲ្យ​ភាគី​ពាក់ព័ន្ធ​ស្នើឱ្យ​ភាគី​ពាក់ព័ន្ធ និង​ប្រជាពលរដ្ឋ​ទាំងអស់ ត្រូវ​រក្សា​ស្ថានភាព​ដើម​លើ​ទីតាំង​ដី​វិវាទ​ជា​បណ្តោះអាសន្ន និង​ជៀសវាង​រាល់​ការធ្វើសកម្មភាព​ផ្សេងៗ​។​

ជម្លោះដីធ្លី​របស់​អ្នកមានអំណាច​និង​ប្រជាពលរដ្ឋ​នៅ​ព្រៃ​ស្មាច់​ឃុំ​អូរ​ឧកញ៉ា​ហេង​ស្រុក​ព្រៃនប់​បាន​ផ្ទុះ​អំពើហិង្សា​ដាក់គ្នា​ទៅវិញទៅមក​កាលពី​ថ្ងៃទី​២០​ខែធ្នូ(រូបថតឯកសារ)

លោក​អភិបាលខេត្ត​បញ្ជា​ឲ្យ​ផ្អាក​នូវ​ការចុះ​ស្រង់​ស្ថិតិ​តាម​ខ្នង​ផ្ទះ​ប្រជាពលរដ្ឋ​នេះ បន្ទាប់ពី​មានការ​ផ្ទុះអាវុធ និង​ហិង្សា​ដាក់គ្នា​រវាង​ប្រជាពលរដ្ឋ​ជាមួយ​កូនចៅ​របស់លោក​ផ្កាយ​ពី ភឿន ផល្លា មេបញ្ជាការរង​កងពល​តូច​លេខ ៧០ កាលពី​ថ្ងៃទី​២០ ខែធ្នូ​ដែល​បណ្តាល​ឲ្យ​គូភាគី​ទាំងសងខាង​របួស​។​

យោងតាម​លិខិត​ចុះ​ថ្ងៃទី​២១ ខែធ្នូ ឆ្នាំ​២០២០ របស់លោក​គួច ចំរើន អភិបាលខេត្ត​ព្រះសីហនុ បាន​ជម្រាប​ជូនទៅ​លោក ភឺន ផល្លា , លោក ភោគ វ​ឌ្ឍ​នា​, លោក ឈិន ហ៊ាង , លោក ឈិ​ត ហ៊ាន និង​ប្រជាពលរដ្ឋ​នៅ​ភូមិ​អូរ​តាសេក​និង​ភូមិ​អូរ ឧកញ៉ា​ហេង ជ្រាបថា ករណី​វិវាទ​ដីធ្លី​ស្ថិតនៅ​ភូមិ​អូរ​ឧកញ៉ា​ហេង និង​ភូមិ​អូរ​តាសេក ឃុំ​អូរ​ឧកញ៉ា​ហេង ស្រុក​ព្រៃនប់ ខេត្ត​ព្រះសីហនុ រដ្ឋបាលខេត្ត​ព្រះសីហនុ បាន​ចាត់តាំង​ក្រុមការងារ​ចម្រុះ​ចុះ​អង្កេត​ស្រាវជ្រាវ​ដោយ​យកចិត្តទុកដាក់ ចាប់តាំងពី​ថ្ងៃទី​១១ ខែកញ្ញា ឆ្នាំ​២០២០ ដើម្បី​ធ្វើការ​បូកសរុប​លទ្ធផល​នៃ​ការអង្កេត​ស្រាវជ្រាវ​ជូន​ថ្នាក់ដឹកនាំ​ពិនិត្យ​សម្រេច ។​
ពាក់ព័ន្ធ​នឹង​ករណី​ខាងលើ​នេះដែរ​នៅ​ថ្ងៃទី​០៨ ខែធ្នូ ឆ្នាំ​២០២០ រដ្ឋបាលខេត្ត​ព្រះសីហនុ បានចេញ​លិខិត​លេខ ៥៧៩ សជណ ជម្រាបជូន​រដ្ឋបាល​ស្រុក​ព្រៃនប់ ផ្អាក​នូវ​ការចុះ​ស្រង់​ស្ថិតិ​តាម​ខ្នង​ផ្ទះ​ប្រជា ពលរដ្ឋ​និង​ការសម្របសម្រួល ផ្សេងៗ​រវាង​គូភាគី ដើម្បី​ទុក​ភារកិច្ច​ដល់​ក្រុមការងារ​ចម្រុះ​របស់​រដ្ឋបាលខេត្ត​ធ្វើការ​ស្រាវជ្រាវ​ឱ្យបាន​ច្បាស់លាស់​។​

ជម្លោះដីធ្លី​របស់​អ្នកមានអំណាច​និង​ប្រជាពលរដ្ឋ​នៅ​ព្រៃ​ស្មាច់​ឃុំ​អូរ​ឧកញ៉ា​ហេង​ស្រុក​ព្រៃនប់​បាន​ផ្ទុះ​អំពើហិង្សា​ដាក់គ្នា​ទៅវិញទៅមក​កាលពី​ថ្ងៃទី​២០​ខែធ្នូ(រូបថតឯកសារ)
​អភិបាលខេត្ត​ព្រះសីហនុ​បាន​បញ្ជាក់ថា ដើម្បី​ជៀសវាង​នូវ​បាតុភាព​ផ្សេងៗ​ដែល​អាច​កើតឡើង​ក្នុង​សំណុំរឿង​វិវាទ​នេះ រដ្ឋបាលខេត្ត​ព្រះសីហនុ​ស្នើឱ្យ​ភាគី​ពាក់ព័ន្ធ​និង​ប្រជាពលរដ្ឋ​ទាំងអស់​ត្រូវ​រក្សា​ស្ថានភាព​ដើម​លើ​ទីតាំង​ដី​វិវាទ​ជា​បណ្តោះអាសន្ន និង​ជៀសវាង​រាល់​ការធ្វើសកម្មភាព​ផ្សេងៗ ដែលជា​ហេតុ​បង្ក​ការរាំងស្ទះ​យឺតយូរ​ដល់​ដំណើរការ​អង្កេត ស្រាវជ្រាវ និង​ស្នើ​ភាគី​ពាក់ព័ន្ធ​ទាំងអស់ រួមទាំង​ប្រជាពលរដ្ឋ​រង់ចាំ​លទ្ធផល​អង្កេត​ស្រាវជ្រាវ​របស់​ក្រុមការងារ​ចម្រុះ​រដ្ឋបាលខេត្ត ដែល​នឹងត្រូវ​ធ្វើការ​បូកសរុប​បញ្ចប់​នាពេល​ខាងមុខនេះ​។

​ជម្លោះដីធ្លី​របស់​អ្នកមានអំណាច​និង​ប្រជាពលរដ្ឋ​នៅ​ព្រៃ​ស្មាច់​ឃុំ​អូរ​ឧកញ៉ា​ហេង​ស្រុក​ព្រៃនប់​បាន​ផ្ទុះ​អំពើហិង្សា​ដាក់គ្នា​ទៅវិញទៅមក​កាលពី​ថ្ងៃទី​២០​ខែធ្នូ​។​ចំពោះ​វីដេអូ​អំពី​សកម្មភាព​ប៉ះទង្គិច​គ្នា​ត្រូវបាន​បង្ហោះ​នៅលើ​បណ្តាញ​សង្គម​ហ្វេ​ស​ប៊ុ​ក​ធ្វើ​ឲ្យ​កក្រើក​យ៉ាងខ្លាំង​៕​សរន​

ជម្លោះដីធ្លី​របស់​អ្នកមានអំណាច​និង​ប្រជាពលរដ្ឋ​នៅ​ព្រៃ​ស្មាច់​ឃុំ​អូរ​ឧកញ៉ា​ហេង​ស្រុក​ព្រៃនប់​បាន​ផ្ទុះ​អំពើហិង្សា​ដាក់គ្នា​ទៅវិញទៅមក​កាលពី​ថ្ងៃទី​២០​ខែធ្នូ(រូបថតឯកសារ)ជម្លោះដីធ្លី​របស់​អ្នកមានអំណាច​និង​ប្រជាពលរដ្ឋ​នៅ​ព្រៃ​ស្មាច់​ឃុំ​អូរ​ឧកញ៉ា​ហេង​ស្រុក​ព្រៃនប់​បាន​ផ្ទុះ​អំពើហិង្សា​ដាក់គ្នា​ទៅវិញទៅមក​កាលពី​ថ្ងៃទី​២០​ខែធ្នូ(រូបថតឯកសារ)

ទីតាំងផ្សាយពាណិជ្ជកម្ម

- Advertisment -

Most Popular