Home ព័ត៌មានជាតិ សន្តិសុខ ស្នងការរង​នគរ...

ស្នងការរង​នគរបាល​ភ្នំពេញៈ ហាម​យក​រឿង​ផ្ទៃក្នុង​អង្គភាព​ទៅ​បង្ហោះ​ចូលក្នុង​បណ្តាញ​ព័ត៌មាន​សង្គម​

ដោយៈ​មុនី​រ័ត្ន​/​ភ្នំពេញៈ​លោក​ឧ​ត្ត​ម​សេនីយ៍​ទោ​ហ៊ុន​សុធី​ស្នងការរង​ទទួល​ផែន​ការងារ​ធនធានមនុស្ស​នៃ​ស្នងការដ្ឋាន​នគរបាល​រាជធានី​ភ្នំពេញ​បាន​ណែនាំ​ដល់​មន្ត្រី​ប៉ុស្តិ៍នគរបាល​រដ្ឋបាល​ទាំងអស់​គឺ​ហាម​យក​រឿង​ផ្ទៃក្នុង​អង្គភាព​ទៅ​បង្ហោះ​ចូលក្នុង​បណ្តាញ​ព័ត៌មាន​សង្គម​។​លោក​ប្រាប់​ថាបើ​អន់ចិត្ត​រឿង​អ្វីមួយ​,​មិន​ពេញចិត្ត​រឿង​អ្វីមួយ​ចំពោះ​ការដឹកនាំ​ប្រធាន​អង្គភាព​ត្រូវ​រាយការណ៍​មក​ថ្នាក់លើ​ដើម្បី​ដោះស្រាយ​។​

លោក​ឧ​ត្ត​ម​សេនីយ៍​ទោ​ហ៊ុន​សុធី​ស្នងការរង​ទទួល​ផែន​ការងារ​ធនធានមនុស្ស​នៃ​ស្នងការដ្ឋាន​នគរបាល​រាជធានី​ភ្នំពេញ​

​ការណែនាំ​នេះ បាន​ធ្វើឡើង​នៅក្នុង​ប្រជុំ​បូកសរុប​លទ្ធផល​ការងារ​សន្តិសុខ សណ្តាប់ធ្នាប់​សុវត្ថិភាព​សង្គម​ប្រចាំឆ្នាំ​២០២០ រយៈ​ពេ​លួ​យ​ឆ្នាំ របស់​អធិការដ្ឋាន​នគរបាល​ខណ្ឌដូនពេញ​នៅ​អធិការដ្ឋាន​នគរបាល​ខណ្ឌដូនពេញ នៅ​ព្រឹក​ថ្ងៃទី​២២ ខែធ្នូ ឆ្នាំ​២០២០​។​
​លោក​ឧ​ត្ត​ម​សេនីយ៍​ទោ ហ៊ុន សុធី ក៏បាន​ណែនាំ​ដល់​ប៉ុស្តិ៍នគរបាល​រដ្ឋបាល​ត្រូវ​បើកទ្វារ​២៤​ម៉ោង រង់ចាំ​ទទួល​ពាក្យបណ្តឹង និង​រង់ចាំ​ជួយ​អន្តរាគមន៍​ប្រជាពលរដ្ឋ​នៅពេល​ប្រជាពលរដ្ឋ​ប្តឹង​ករណី​បទល្មើស​កើតឡើង​។ ត្រូវ​ពង្រឹង​សាម​គ្គឺ​ផ្ទៃក្នុង​រឹងមាំ ថ្នាក់ក្រោម​ត្រូវគោរព​អនុវត្ត​បទបញ្ជា​ថ្នាក់លើ​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular