Home ព័ត៌មានសំខាន់ៗ យប់​នេះ​ត្រជា...

យប់​នេះ​ត្រជាក់​ខ្លាំង​ទៀត តែ​ថ្ងៃស្អែក​សីតុណ្ហភាព​ចាប់​កើន​ឡើងវិញ​ហើយ​

ដោយ​: ប​.​ខុន / ភ្នំពេញ​: លោក​ចាន់ យុ​ត្ថា​អ្នកនាំពាក្យ​និង​ជា​រដ្ឋលេខាធិការ​ក្រសួង​ធនធានទឹក និង​ឧតុនិយម បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​២២​ខែតុលា​ឆ្នាំ​២០២០​ថា តំបន់​ដែល​ត្រជាក់​ខ្លាំង​នៅ​យប់​នេះ (២២​ធ្នូ​) មាន​ខ្ពង់រាប​ភាគ​ឦសាន​ដូចជា ខេត្ត​រន​ត​គិរី មណ្ឌលគិរី​, តំបន់​ជួរ​ភ្នំ​ដងរែក​មាន​ខេត្តព្រះវិហារ ឧ​ត្ត​រ​មានជ័យ​, ទំនាប​កណ្តាល​ភាគ​ពាយព្យ​មាន បាត់ដំបង ប៉ៃលិន បន្ទាយមានជ័យ ជាពិសេស​តំបន់​តំបន់ភ្នំ​ស្រុក​វាលវែង ក្នុង​ខេត្តពោធិសាត់​។​

​អ្នកនាំពាក្យ​ក្រសួង​ជំនាញ​ខាងលើ បាន​បញ្ជាក់ថា តំបន់​ផ្សេងទៀត​ក៏​នៅតែ​ត្រជាក់ តែ​មិន​ត្រជាក់​ខ្លាំង​ដូច​ក្នុងពេល​ពីរ​ថ្ងៃ​កន្លងទៅនេះ​ទេ​។ សីតុណ្ហភាព​វា​នឹង​ចាប់ផ្តើម​កើនឡើង​វិញ​នៅ​ថ្ងៃស្អែក​ទី​២៣​ខែធ្នូ តែ​កើន​មិន​ខ្ពស់​ទេ ដោយសារ​ប្រទេស​កម្ពុជា នៅតែ​បន្ត​ទទួលរង​ឥទ្ធិពល​ពី​ជ្រលង​សម្ពាធ​ខ្ពស់​រុញ​មកពី​ប្រទេស​ចិន និង​ខ្យល់មូសុង​ឦសាន​កម្រិត​មធ្យម​។​

​លោក ចាន់ យុ​ត្ថា និយាយ​ឱ្យដឹង​ផងដែរ​ថា ព្យុះ​ទី​២៣ ឈ្មោះ​ក្រវាញ​នៅ​ថ្ងៃទី​២២​ខែធ្នូ​នេះ បាន​ថយឥទ្ធិពល​មក​នៅត្រឹម​កម្រិត​សម្ពាធ​ទាប​សកម្ម​នៅក្នុង​សមុទ្រ​ខាងត្បូង ប្រទេស​វៀតណាម និង​ចាប់ផ្តើម​មាន​ឥទ្ធិពល​ទឹកភ្លៀង​ដល់​ភាគខាងត្បូង​របស់​ប្រទេស​កម្ពុជា និង​តំបន់​មាត់សមុទ្រ​នៅ​ថ្ងៃទី​២៣​ខែធ្នូ​៕

ទីតាំងផ្សាយពាណិជ្ជកម្ម

- Advertisment -

Most Popular