Home ហោរាសាស្ត្រ ​ហោរាសាស្ត្រ​...

​ហោរាសាស្ត្រ​

ប្រចាំថ្ងៃពុធ ទី២៣ ខែធ្នូ ឆ្នាំ២០២០

​ឆ្នាំជូត​
​រាសី​ខ្ពស់ត្រដែត​។​នៅពេលនេះ​ជិត​ឆ្លង​ផុត​ខែធ្នូ​និង​ក៏ដូចជា​ជិត​ឆ្លង​ឆ្នាំ​សាកល​ផងដែរ ហេតុនេះ​បើ​មាន​កិច្ចការងារ​អ្វី​គប្បី​រួសរាន់​បំពេញ​ពីព្រោះថា​ឆ្លង​ដល់​ឆ្នាំក្រោយ​កិច្ចការងារ​ច្រើន​ទៀត​កំពុង​រង់ចាំ​។​អ្នក​ប្រកប​របរ​រកស៊ី​ជួញដូរ​នៅថ្ងៃនេះ​វិញ​ឃើញថា​មានការ​ចម្រើន​លូតលាស់​ទៅមុខ​គួរសម ម្ល៉ោះហើយ​ជា​ឱកាសល្អ​ក្នុងការ​បណ្តាក់ទុន​ឬ​ធ្វើ​អ្វីមួយ​ព្រោះ​តែង​ហុច​ផ្លែផ្កា​គួរ​ជាទី​ពេញចិត្ត​អញ្ចឹង​ដែរ​។​ការធ្វើដំណើរ​ទីជិត​ឆ្ងាយ​ជួប​ភាព​សុខដុម​ទាំង​ពេល​ទៅ​និង​ត្រឡប់មកវិញ​។​
​រីឯ​បញ្ហា​គូស្នេហ៍​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​បើ​លោកអ្នក​ចង់​ផ្សំផ្គុំ​គ្រួសារ​ជា​ពេលវេលា​ល្អ​ណាស់​៕

​ឆ្នាំឆ្លូវ​
​រាសី​ខ្ពស់ត្រដែត​។​លោកអ្នក​កើត​ឆ្នាំ​គោ​នៅពេល​ឆ្លង​ចូលឆ្នាំ​២០២១​ខាងមុខនេះ​ឃើញថា​ដួង​រាសី​ឆ្នាំ​ពុំ​គាប់ប្រសើរ​ប៉ុន្មាន​ទេ ក្នុងនេះ​មាន​ទាំង​ភាពរុងរឿង​និង​បញ្ហា​ករាំង​ស្ទះ​នៅ​លាយឡំ​គ្នា ហេតុនេះ​ត្រូវ​តស៊ូ​ពុះពារ​បន្តិច​ទើប​ប្រសើរ​។​ដោយឡែក​នៅថ្ងៃនេះ​វិញ​ឃើញថា​ដួង​រាសី​ល្អប្រសើរ ម្ល៉ោះហើយ​បើ​ចង់​ប្រកប​កិច្ចការងារ​អ្វី​ក៏​តែងមាន​ភាពរលូន និង​អាច​ឈោង​ចាប់​កិច្ចការងារ​ធំដុំ​មកវិញ​គ្រាន់​ជាទី​សប្បាយចិត្ត​។​
រីឯ​សម្ព័ន្ធ​ស្នេហា​កំលោះ​ក្រមុំ​មាន​ភាព​ស្រស់ស្រាយ ហើយ​បើ​ចង់​ទំនាក់ទំនង​ស្នេហា​ថ្មីៗ​ក៏​តែងមាន​ក្តី​ស​ង្ឃឺ​ម​ផងដែរ​។ ប៉ុន្តែ​យ៉ាងណាក្តី​អ្នក​កើត​ឆ្នាំ​គោ​ខ្លះ​ក៏មាន​បញ្ហា​មិនល្អ​យាយី​ដែរ ហើយ​ឱ្យ​ប្រយ័ត្ន​ផុង​ក្នុង​អន្លង់​ស្នេហ៍​ហើយក៏​មិនសូវ​ល្អប្រសើរ​នាពេល​ក្រោយ​ប៉ុន្មាន​ឡើយ​គួរ​ប្រយ័ត្នប្រយែង​៕

ឆ្នាំខាល​
​រាសី​ល្អជា​មធ្យម​។​នាពេលនេះ​ជិត​ឆ្លង​ផុត​ឆ្នាំ​សាកល​ហើយ​។​សម្រាប់​ឆ្នាំ​២០២១​ពិសេស​ឆ្លង​ផុត​បុណ្យចូលឆ្នាំ​ប្រពៃណី​ចិន​ទៅ​ដួង​រាសី​ឆ្នាំ​សម្រាប់​លោកអ្នក​កើត​ឆ្នាំ​ខ្លា​គឺមាន​កម្រិត​ត្រឹម​ដួង​រាសី​ល្អជា​មធ្យម​។​សម្រាប់​អ្នក​កើត​ឆ្នាំ​ខ្លា​នៅ​សប្តាហ៍​នេះ​វិញ​ផល​លំបាក​នៅតែ​តោង​លោកអ្នក​ជាប់​មិនទាន់​ទៅណា​ឆ្ងាយ​នៅឡើយ​ទេ​។​ទោះបីយ៉ាងណា​ឈានដល់​សប្តាហ៍​ក្រោយ​ដំណើរ​ជីវិត​ដែល​ជួប​ផល​លំបាក​នឹង​ប្រែ​ក្រឡា​ស់មក​គ្រាន់​ធូរស្បើយ​ឡើងវិញ​។​ដោយឡែក​ក្នុងថ្ងៃនេះ​វិញ​សម្រាប់​អ្នក​ប្រកប​របរ​រកស៊ី​ជួញដូរ​ចូរ​ប្រយ័ត្ន​ក្រុមមនុស្ស​អុជអាល​អ្វីមួយ​នាំឱ្យ​កើតការ​ក្តៅក្រហាយ​បង្ក​ជា​ជម្លោះ​ជាមួយ​អ្នកដទៃ​ឡើង​។​
រីឯ​បញ្ហា​ស្នេហា​កំលោះ​ក្រមុំ​ចូរ​ប្រយ័ត្ន​ក្រុមមនុស្ស​ទី​៣​ចូលមក​អុកឡុក​នាំ​កើត​ជម្លោះ​វិវាទ​ឈានដល់​ការ​ប្រេះស្រាំ​ធ្ងន់ធ្ងរ​ណាមួយ​កើតឡើង​៕

​ឆ្នាំថោះ​
​រាសី​ស្រុតចុះ​។​អ្នក​កើត​ឆ្នាំ​ទន្សាយ​នា​សប្តាហ៍​កន្លងមក​លោកអ្នក​ជួប​នូវ​បញ្ហាលំបាក​និង​រឿង​រាវ​ក៏​ច្រើន​ដែរ​ធ្វើឱ្យ​ពិបាក​ទប់ទល់​និង​នឿយណាយ​ផ្លូវចិត្ត​ក៏​ច្រើន​។​ដោយឡែក​នៅថ្ងៃនេះ​វិញ​អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​វិញ​ផល​ចំណូល​ជួប​ការលំបាក​ប៉ុន្តែ​យ៉ាងណា​លោកអ្នក​ត្រូវ​ចេះ​ចាយវាយ​ឱ្យបាន​ត្រឹមត្រូវ​ហើយ​មិនត្រូវ​ខ្ជះខ្ជាយ​ដៃ​ធំ​ឡើយ​ក្រែង​ជួប​វិបត្តិ​ថវិកា​ណាមួយ​ឡើង​នៅ​គ្រា​ខាងមុខ​។​
រីឯ​គូគ្រង​ប្តី​ប្រពន្ធ​ឬ​គូស្នេហ៍​កំលោះ​ក្រមុំ​មានដំណើរ​ថយក្រោយ​និង​សំបូរ​ទៅដោយ​រឿងរ៉ាវ​រកាំរកូស​ច្រើន​ដូច្នេះ​បើ​មិនចេះ​អត់ឱន​ឱ្យ​គ្នា​ទេ​ពិតជា​ជួប​ផល​លំបាក​ត្រូវ​រែកពន់​វិញ​ជាក់​ជាពុំខាន​៕

​ឆ្នាំរោង​
​រាសី​ខ្ពស់ត្រដែត​។​លោកអ្នក​កើត​ឆ្នាំរោង​ឃើញថា​ជួប​បញ្ហាលំបាក​និង​រែកពន់​រឿង​រាវ​ច្រើន​ពោលគឺ​អ្នកខ្លះ​សឹងតែ​កើត​បញ្ហា​ពី​ដើម​ឆ្នាំនេះ​រហូតដល់​ចុងឆ្នាំ​ថែមទៀត​។​សម្រាប់​លោកអ្នក​ដែល​កើត​បញ្ហា​ច្រើន​ត្រូវ​រែកពន់​នោះ​គឺ​បុរស​កើត​ក្នុង​ឆ្នាំ ១៩៤០(​អាយុ​៨០​ឆ្នាំ​)​និង​ស្ត្រី​កើត​នៅ​ឆ្នាំ ១៩៦៤(​អាយុ​៥៦​ឆ្នាំ​)​មានរឿង​រាវ​ខុសឆ្គង​និង​កើតក្តី​អស់សង្ឃឹម​ក៏​ច្រើន​,​ខកបំណង​ក៏​ច្រើន​ដែរ​។​ដោយឡែក​នៅថ្ងៃនេះ​វិញ​បើជា​អ្នក ប្រកប​របរ​រកស៊ី​ជួញដូរ​មាន​ការទិញចូល​លក់​ចេញ​គ្រាន់​រស់​រវើក​គួរសម ហើយ​ផល​កម្រៃ​ទៀតសោត​គ្រាន់​កក់ក្តៅ​។​
​រីឯ​សេចក្តីស្នេហា​ប្រុស​ស្រី​មាន​ភាព​ផ្អែមល្ហែម​និង​ស្រស់ស្រាយ​ប្រៀប​ដូច​ត្រី​ក្នុង​ទឹក​នា​រដូវវស្សា​៕

​ឆ្នាំម្សាញ់​
​រាសី​ល្អជា​មធ្យម​។​អ្នក​កើត​ឆ្នាំម្សាញ់​ទាំង​ស្ត្រី​បុរស​នៅពេល​ឆ្លង​ដល់​ខែមករា​ខាងមុខ​បានចាប់ផ្តើម​ល្អប្រសើរ​ទាំង​កិច្ចការងារ អ្នក​ដែល​រង់ចាំ​ការងារ​ក៏​នឹង​មកដល់ អ្នក​ដែលមាន​ការងារ​អាច​នឹង​ត្រូវបាន​តម្លើង​តំណែង និង​អ្នក​ដែល​ជួប​បញ្ហាលំបាក​ប្រាក់កាស​ក៏​នឹង​ចាប់ផ្តើម​ល្អប្រសើរ​បន្តិច​វិញ​ផងដែរ​។​ដោយឡែក​នៅថ្ងៃនេះ​វិញ​អ្នក​ប្រកប​របរ​រកស៊ី​ជួញដូរ​ទាំង​ជួញ​ជិត​និង​ជួញ ឆ្ងាយ​ការរក​ផល​កម្រៃ​ទោះ​ជួប​ផល​លំបាក​ម្តេច​មា្ត​ក៏មាន​ហូរ​ចូល​មួយៗ​គ្រាន់​បំពេញ​បំពង់​អញ្ចឹង​ដែរ​។​ការធ្វើដំណើរ​ទីជិត​ឆ្ងាយ​ពេល​ទៅ​ពុំ​សូវ​មាន​សុ​វត្តិភាព​ប៉ុន្មាន​ទេ​គួរ​បន្ថែម​ការប្រុងប្រយ័ត្ន​បន្តិច​ទើប​ប្រសើរ​។
​រីឯ​បញ្ហា​សេចក្តីស្នេហា​ប្រុស​ស្រី​កុំ​ធ្វើ​អ្វី​ជ្រួលជ្រើម​ខុស​បែបបទ​ព្រោះ​នោះ​សុទ្ធសឹង​នាំមក​នូវ​សេចក្តី​ទុក្ខសោក​មកវិញ​ទេ​៕

​ឆ្នាំមមី​
​រាសី​ល្អជា​មធ្យម​។​ក្នុង​ខែធ្នូ​នេះ​ជា​ខែ​មិនល្អ​ប្រសើរ​សម្រាប់​លោកអ្នក​កើត​ឆ្នាំ​សេះ​ឡើយ​។​ក្នុងនេះ​លោកអ្នក​ជួប​ការលំបាក​ទាំង ប្រាក់កាស សុខភាព រឿង​រាវ​ផ្ទាល់ខ្លួន​និង​រួមទាំង​សេចក្តីស្នេហា​ក៏មាន​បញ្ហា​ប្រេះស្រាំ​។​ដោយឡែក​នៅថ្ងៃនេះ​វិញ​អ្នក​ប្រកប​របរ​រកស៊ី​ជួញដូរ​វិញ​មានការ​ជឿនលឿន​ទៅ​មុខជា​សន្សឹមៗ​ឥត​ថយក្រោយ​ទេ​តែ​យ៉ាងណា​បើ​លោកអ្នក​ចង់​រកស៊ី​ចូល​ហ៊ុន​ជាមួយ​អ្នកដទៃ​ឱ្យ​ប្រយ័ត្ន​បន្តិច​ព្រោះ​ងាយ​ខាតបង់​និង​ចាញ់បោក​គេ​ណាស់​។
​រីឯ​សម្ព័ន្ធ​ស្នេហា​កំលោះ​ក្រមុំ​មានការ​ផ្អែមល្ហែម​និង​ជឿនលឿន​ទៅមុខ​ប្រពៃ​៕

​ឆ្នាំមមែ​
​រាសី​ស្រុតចុះ​។​អ្នក​កើត​ឆ្នាំ​ពពែ​នៅ​ខែធ្នូ​និង​ខែមករា​ខាងមុខនេះ​ដំណើរ​ជីវិត​នៅតែ​មិនល្អ​ប្រសើរ​ឡើយ​ពោលគឺ​កើត​នូវ​បញ្ហា​និង​ឧបសគ្គ​ច្រើន​ដែល​ត្រូវ​ឆ្លងកាត់​។​ហេតុនេះ​លោកអ្នក​ត្រូវ​រើបម្រះ​និង​ខិតខំ​ខ្លាំង​ទើប​អាច​ចិញ្ចឹមជីវិត​និង​យក​ខ្លួន​ឆ្លង​ផុតពី​បញ្ហា​ទាំងពួង​នៅ​ចំពោះមុខ​នេះ​ទៅរួច​។​ដោយឡែក​សម្រាប់​អ្នក​ប្រកប​របរ​រកស៊ី​ជួញដូរ​នៅថ្ងៃនេះ​វិញ​មានការ​ថយក្រោយ​មិនសូវ​ជឿនលឿន​ទៅមុខ​ទេ ពិសេស​ងាយ​បាត់​របរ​និង​កើតការ​ជម្លោះ​វិវាទ​ក៏​ច្រើន​ផងដែរ​។​
​សម្ព័ន្ធ​ស្នេហា​កំលោះ​ក្រមុំ​បើ​មាន​ជម្លោះ​វិវាទ ហើយ​ចង់​ដោះស្រាយ​ក៏​មិន​ងាយ​ត្រូវរ៉ូវ​គ្នា​ទេ ហើយ​ពេលខ្លះ​រឿង​តូចតាច​សោះ​អាច​ប្រែ​រីក​កាន់តែ​ធំ​ផង​៕

​ឆ្នាំវក​
​រាសី​ស្រុតចុះ​។​អ្នក​កើត​ឆ្នាំ​ស្វា​នៅ​ខែធ្នូ​នេះ​ឃើញថា​ដំណើរ​ជីវិត​ល្អប្រសើរ ហេតុនេះ​ទោះ​ប្រកបការងារ​ឬ​ធ្វើ​អ្វីមួយ​តែង​ជឿនលឿន​ទៅមុខ​និង​ហុច​ផល​គ្រាន់​គាប់ប្រសើរ​ដែរ​។​សម្រាប់​ខែធ្នូ​នៅសល់​ប៉ុន្មាន​ថ្ងៃ​ទៀត​ដែលជា​ខែ​ដួង​រាសី​ឡើង​ខ្ពស់​នេះ​គប្បី​សម្រុក​ការងារ​ពីព្រោះថា​ផល​តែង​នៅ​ឆ្លើយតប​គ្រាន់​គាប់ប្រសើរ​។​ដោយឡែក​នៅថ្ងៃនេះ​វិញ​អ្នក​ប្រកប​រប​រកស៊ី​ជួញដូរ​នៅថ្ងៃនេះ​មានការ​ចម្រើន​លូតលាស់​សន្សឹមៗ​ទៅមុខ ប៉ុន្តែ​បញ្ហា​ជម្លោះ​ក៏មាន​ច្រើន​ដែរ​គប្បី​មានការ​អត់ធ្មត់​ធ្វើ​មិនដឹងមិនឮ​ខ្លះ​ទើប​ប្រសើរ​។​
​រីឯ​បញ្ហា​សេចក្តីស្នេហា​ប្រុស​ស្រី​មានការ​ប្រឆាំង​និង​បង្កបញ្ហា​ចំពោះ​គ្នាច្រើន​៕

​ឆ្នាំរកា​
​រាសី​ស្រុតចុះ​។​អ្នក​កើត​ឆ្នាំ​មាន់នៅ​ខែធ្នូ​នេះ​ដំណើរ​ជីវិត​របស់លោក​អ្នក​មិន​គាប់ប្រសើរ​ទេ ហើយ​ធ្វើ​អ្វី​ក៏​តែ​អ​មាន​បញ្ហា​និង​រឿង​រាវ​ចូល​ច្រើន​ដែរ​។​ដោយឡែក​នៅថ្ងៃនេះ​វិញ​ដោយសារ​ដួង​រាសី​ស្រុតចុះ ទោះ​ធ្វើ​អ្វីៗ​ត្រូវ​មើលមុខ​ក្រោយ​និង​ប្រយ័ត្នប្រយែង​ទើប​គ្មាន​បញ្ហា​អាក្រក់​កើតឡើង​។​ការរស់នៅ​ជួប​នូវ​បញ្ហា​ល្អក់កករ​ច្រើន ហើយ​ពិសេស​បញ្ហា​ប្រាក់កាស​នឹង​តានតឹង​ខ្លាំង​ថែមទៀត​។​
​រីឯ​សម្ព័ន្ធ​ស្នេហា​កំលោះ​ក្រមុំ​មិនមាន​ការ​ជឿនលឿន​ទៅមុខ​ទេ និង​ពិសេស​ងាយ​កើត​បញ្ហា​ជម្លោះ​វិវាទ​ជាមួយគ្នា​ថែមទៀត​៕

ឆ្នាំច​
​រាសី​ល្អជា​មធ្យម​។​លោកអ្នក​កើត​ឆ្នាំច​នៅ​ខែធ្នូ​នេះ​ជួប​បញ្ហាលំបាក​និង​ខកបំណង​ច្រើន​មិន​ថា​ជា​រឿង​កិច្ចការងារ ប្រាក់កាស ជាដើម​។​ក្រៅពីនេះ​បើ​លោកអ្នក​ខ្លះ​ពង្រីក​ការងារ​ឬ​ពង្រីក​ការរកស៊ី​ជួញដូរ​គឺ​ប្រៀបប្រដូច​ទៅនឹង​ការពង្រីក​បញ្ហា​និង​នាំ​កម្ម​ដាក់ខ្លួន​ច្រើន​ប៉ុណ្ណោះ​។​ទោះបីយ៉ាងណា​ឆ្លង​ផុត​ឆ្នាំ​២០២០​ឈានចូល​ខែមករា​ឆ្នាំ​២០២១​ដំណើរ​ជីវិត​ល្អប្រសើរ​ឡើងវិញ​។​ដោយឡែក​នៅថ្ងៃនេះ​វិញ​អ្នក​ប្រកប​របរ​រកស៊ី​ជួញដូរ​លាភ​តូចធំ​ពុំ​សូវ​មាន​សំបូរ​ទេ​ព្រោះ​បើ​មិន​បោល​ហួស​ក៏ត្រូវ​អ្នកដទៃ​ដណ្តើមយក​អស់ៗ​មុន​ដែរ​។​ការធ្វើដំណើរ​ទីជិត​ឆ្ងាយ​គួរ​មានការ​យកចិត្តទុកដាក់​សុ​វត្តិភាព​ផ្ទាល់ខ្លួន​បន្តិច​ទើប​ប្រសើរ​។​
រីឯ​បញ្ហា​ស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​កើតមាន​ភាព​ប្រទាំង​ប្រទើស​និង​ប្រឆាំង​គ្នាច្រើន​៕

​ឆ្នាំកុរ​
​រាសី​ល្អជា​មធ្យម​។​ក្នុងថ្ងៃនេះ​ទោះ​ធ្វើ​អ្វី​ក៏ដោយ​លោកអ្នក​តោង​មានការ​យកចិត្តទុកដាក់​ហើយ​ប្រយ័ត្ន​ការងារ​សំខាន់ៗ​បន្តិច​ព្រោះ​ថាបើ​មិនបាន​យកចិត្តទុកដាក់​ឬ​គិតគូរ​ទាន់ពេលវេលា​ទេនោះ​បញ្ហា​អាក្រក់​អាច​នឹង​លុកលុយ​យាយី​ទៀត​ជាក់​ជាពុំខាន​។​អ្នក​ប្រកប​របរ​រកស៊ី​ជួញដូរ​មិន​ថា​ការ​ជួញ​ទីជិត​ឆ្ងាយ​ទោះ​ផ្លូវទឹក​,​ផ្លូវគោក​ឬ​ផ្លូវអាកាស​ក្តី​ផល​កម្រៃ​មាន​ហូរ​ចូល​ខ្លះៗ​គ្រាន់​ផ្សើម​បំពង់​អញ្ចឹង​ដែរ​តែ​យ៉ាងណា​ការធ្វើ​អ្វី​មិនអាច​លោភលន់​បានទេ​ព្រោះ​ភាព​ស៊យ​ក៏មាន​តាម​ជាប់​មិន​ទៅណា​ឆ្ងាយ​នៅឡើយ​។​
​រីឯ​បញ្ហា​គូស្នេហ៍​កំលោះ​ក្រមុំ​កើតការ​រកាំចិត្ត​និង​មាន​ភាព​សៅហ្មង​ចំពោះ​គ្នាច្រើន​៕

ទីតាំងផ្សាយពាណិជ្ជកម្ម

- Advertisment -

Most Popular