Home ព័ត៌មានជាតិ សង្គម បណ្តុះបណ្តាល​...

បណ្តុះបណ្តាល​ភាសា​ចិន​កម្រិត​មូលដ្ឋាន​ក្នុង​វិស័យ​ទេសចរ​ណ៏​ដោយ​ឥតគិតថ្លៃ​តាម​ប្រព័ន្ធ​អន​ឡាញ

​ដោយៈ​សុផល​/​ភ្នំពេញ​: ដើម្បី​ចូលរួម​ជំរុញ និង​លើកកម្ពស់​ការអភិវឌ្ឍ​ធនធានមនុស្ស​ក្នុង​វិស័យ​ទេសចរណ៍ ជាពិសេស ដើម្បី​ផ្តល់នូវ​ជំនាញ​ភាសា​ចិន ដល់​បុគ្គលិក​បម្រើ​ការងារ​ក្នុង​វិស័យ​ទេសចរណ៍​នោះ វិទ្យាស្ថាន​ខុង​ជឺ​នៃ​រាជបណ្ឌិត្យសភាកម្ពុជា និង​ក្រសួងទេសចរណ៍​នឹង​បើក​វគ្គ​បណ្តុះបណ្តាល​ភាសា​ចិន​កម្រិត​មូលដ្ឋាន​ក្នុង​វិស័យ ទេសចរណ៍​ដោយ​ឥតគិតថ្លៃ​តាម​ប្រព័ន្ធ​អន​ឡាញ ដល់​បុគ្គលិក​បម្រើ​ការងារ​ក្នុង​វិស័យ​ទេសចរណ៍ យុវជន សិស្ស និស្សិត និង​សាធារណជន ដែល​មានបំណង​អភិវឌ្ឍ​សមត្ថភាព​លើ​ជំនាញ​នេះ​។​

​នេះ ជា​ឱកាស​អភិវឌ្ឍ​សមត្ថភាព និង​ជំនាញ​ភាសា​ចិន​សម្រាប់​បុគ្គលិក បម្រើ​ការងារ​ក្នុង​វិស័យ​ទេសចរណ៍ បដិសណ្ឋារកិច្ច និង​ការធ្វើដំណើរ ប្រតិបត្តិ​ករ​ទេសចរណ៍ សហព័ន្ធ​ទេសចរណ៍​កម្ពុជា សមាគម​ឧស្សាហកម្ម ទេសចរណ៍ យុវជន សិស្ស និស្សិត និង​សាធារណជន​។​

​វគ្គ​បណ្តុះបណ្តាល​ខាងលើ នឹង​ចាប់ផ្តើម​សិក្សា ពីថ្ងៃ​ទី​០៤ ខែមករា ឆ្នាំ​២០២០ តទៅ​។ បុគ្គលិក​បម្រើ ការងារ​ក្នុង​វិស័យ​ទេសចរណ៍ យុវជន សិស្ស និស្សិត និង​សាធារណជន​អាចធ្វើ​ការចុះឈ្មោះ​ចូលរួម​សិក្សា​តាមរយៈ​អាសយដ្ឋាន​គេហទំព័រ​https://www.tptd.org​ឬ​តាមរយៈ​ស្តេ​ន​QRCode​។​វគ្គ​បណ្តុះបណ្តាល​នឹងធ្វើ​ឡើង​តាម​ស្តង់ដា​និង​បង្រៀន​ដោយ​គ្រូ​បរទេស​ដែលមាន​បទពិសោធន៍​។​សិក្ខាកាម​ដែល​បាន​សិក្សា​ក្នុង​វគ្គ​សិក្សា​តម្រូវឱ្យ​ឆ្លងកាត់​ការប្រឡង​វាយតម្លៃ​សមត្ថភាព​បញ្ចប់​វគ្គ​តាម​ប្រព័ន្ធ​អន​ឡាញ​។​

​សិក្ខាកាម​ដែល​បាន​ប្រឡង​វាយតម្លៃ​សមត្ថភាព​បញ្ចប់​វគ្គ​ជាប់​នឹង​ទទួលបាន​វិញ្ញាបនបត្រ​បញ្ជាក់ ការសិក្សា​ដែល​ទទួលស្គាល់​ដោយ​ក្រសួងទេសចរណ៍ និង​វិទ្យាស្ថាន​ខុង​ជឺ​នៃ​រាជបណ្ឌិត្យសភាកម្ពុជា​។​

​សម្រាប់​បុគ្គលិក​បម្រើ​ការងារ​ក្នុង​វិស័យ​ទេសចរណ៍ យុវជន សិស្ស និស្សិត និង​សាធារណជន​ចុះឈ្មោះ ដែលមាន​បំណង​សិក្សា​លើ​ជំនាញ​វិជ្ជាជីវៈ​ទេសចរណ៍​ផ្សេងៗ ហើយ​ខកខាន​មិនបាន ចូលរួម​រៀន​ក្នុង​វគ្គ​សិក្សា​តាម​កាលបរិច្ឆេទ​ផុត​ការកំណត់​កន្លងមក ក៏​អាច​នៅ​បន្ត​ចុះឈ្មោះ​សិក្សា ចូលរួម​វគ្គ​សិក្សា​ទាំងអស់​នោះបាន ដោយ​នាយកដ្ឋាន​បណ្តុះបណ្តាល​ជំនាញ​វិជ្ជាជីវៈ​ទេសចរណ៍​នៅ តែ​បន្ត​ក្នុងការ​រៀបចំ​បើក​វគ្គ​បណ្តុះបណ្តាល​ជំនាញ​ទាំងនោះ និង​វគ្គ​បណ្តុះបណ្តាល​ជំនាញ​ថ្មីៗ តាម​ប្រព័ន្ធ​អន​ឡាញ​ជា​បន្តបន្ទាប់​តាម​អាសយដ្ឋាន​គេហទំព័រ https://www.tptd.org​៕

ទីតាំងផ្សាយពាណិជ្ជកម្ម

- Advertisment -

Most Popular