Home ព័ត៌មានអន្តរជាតិ កូវី​ដ​១៩​ឆ្ល...

កូវី​ដ​១៩​ឆ្លង​ពាសពេញ​ពិភពលោក សូម្បីតែ​នៅ​ទ្វីប​អង់តាកទិក​

ប្រែ​សម្រួលៈ​វាសនា​/​សង់​ទី​យ៉ា​ហ្គោ​៖​វីរុស​កូរ៉ូណា បាន​ចម្លង​មនុស្ស​នៅ​មូលដ្ឋាន​យោធា​និង​សិក្សា​ស្រាវជ្រាវ​របស់​ឈី​លី​មួយ​នៅ​ទ្វីបអង់តាកទិក មានន័យថា​ឥឡូវ​វីរុស​នេះ​មាន​វត្តមាន​នៅ​គ្រប់​ទ្វីប​ទាំង​អស់​។​

​មនុស្ស​៣៦​នាក់​នៅ​មូលដ្ឋាន​General Bernardo O’Higgins Riquelme ត្រូវ​បាន​ពិនិត្យឃើញ​មានកូ​វីដ​១៩​កាលពី​ថ្ងៃ​ចន្ទ​។​វា​ត្រូវ​គេ​ជឿថា មាន​ជាប់​ពាក់ព័ន្ធ​នឹង​ការដឹកជញ្ជូន​គ្រឿង​ផ្គត់ផ្គង់​មក​​ពី​នាវា​ទ័ពជើងទឹក​Sargento Aldea​ដែល​បាន​ចេញដំណើរ​ពី​ប្រទេសឈី​លី​កាលពី​ថ្ងៃ​២៧​វិច្ឆិកា​។​

​កន្លែង​ផ្ទុះ​កូវី​ដ​១៩​នេះ ជា​មូលដ្ឋាន​មួយ​ក្នុងចំណោម​មូលដ្ឋានឈី​លី​ចំនួន​១៣​នៅ​ទ្វីបអង់តាកទិក និង​ស្ថិត​ចំណោម​មូលដ្ឋាន​អន្តរជាតិ​សរុប​៧០​នៅឯ​ប៉ូល​ខាងត្បូង​នេះ​។​

​នៅពេល​នាវា​ផ្គត់ផ្គង់​ស្បៀង​វិល​ទៅ​ដល់ឈី​លី​វិញ កាលពី​ថ្ងៃ​១៦​ធ្នូ សមាជិក​នាវិក​៣​នាក់​លើ​នាវា​នោះ​ក៏​ត្រូវបាន​ពិនិត្យ​ឃើញកូ​វីដ​១៩​ផងដែរ បន្ទាប់ពី​រកឃើញ​ជា​ច្រើន​ករណី​ទៀត​ចេញ​ពី​នាវា​នេះ​កាលពី​​ថ្ងៃ​១០​ធ្នូ​។​

​គិត​មក​ត្រឹម​ថ្ងៃ​ចន្ទ អង់តាកទិក​ជា​ជ្រុង​តែមួយ​នៃ​ពិភពលោក​ដែល​នៅ​មិនទាន់​មានកូ​វីដ​១៩​រាតត្បាត ដោយសារ​រាល់​ដំណើរ​ទេសចរណ៍​ទៅកាន់​ទ្វីប​ទឹកកក​នេះ​ត្រូវបាន​ផ្អាក​ក្នុងអំឡុង​ជំងឺ​សកល​រាតត្បាត​​ហើយ​ការទាក់ទង​រវាង​មូលដ្ឋាន​ទាំង​៧០​ក៏​ត្រូវ​ហាមឃាត់​៕

​មូលដ្ឋាន​ស្រាវជ្រាវ​របស់​កងទ័ព​ឈី​លីនៅ​អង់តាកទិក​រង​ការវាយ​ប្រ​ហារ​ពី​វីរុស​កូរ៉ូណា​

ទីតាំងផ្សាយពាណិជ្ជកម្ម

- Advertisment -

Most Popular