Home ព័ត៌មានសំខាន់ៗ ការសាងសង់​អាក...

ការសាងសង់​អាកាសយា​ន​ដ្ឋា​ន​អន្តរជាតិ​សៀមរាប​អង្គរ​ថ្មី​សម្រេចបាន ៣៥​ភាគរយ

ដោយៈ ជា សីហៈ​/​ភ្នំពេញៈ ក្រុមហ៊ុន Angkor International Airport Investment (Cambodia) Co., Ltd. បាន​អះអាងថា គម្រោង​សាងសង់​អាកាសយានដ្ឋាន​អន្តរជាតិ សៀមរាប​បានសម្រេច​បាន​ចំនួន​៣៥% ។

​ក្រុមហ៊ុន​នេះ​បាន​អះអាង នៅពេល នាយ​ឧ​ត្ត​ម​សេនីយ៍ បណ្ឌិត ម៉ៅ ហាវ​ណ្ណា​ល់ រដ្ឋមន្ត្រី ទទួលបន្ទុក​រដ្ឋលេខា​ធិ​ការដ្ឋាន​អាកាសចរ​ស៊ីវិល បាន​ដឹកនាំ មន្ត្រីជាន់ខ្ពស់ និង​មន្ត្រី​ជំនាញ ចុះ​ត្រួតពិនិត្យ គម្រោង​នេះ កាលពី​ថ្ងៃទី ២៣ ខែ ធ្នូ ឆ្នាំ ២០២០ ថា តាម​ការរំពឹងទុក ព្រលាន​ថ្មី​នេះ នឹង​បញ្ចប់​នៅ​ថ្ងៃទី​១៤ ខែមីនា ឆ្នាំ​២០២៣ ខាងមុខ​បន្ទាប់ពី​ការសាងសង់ បានចាប់ផ្តើម ចាប់តាំងពី​ថ្ងៃទី​១៥ ខែមីនា ឆ្នាំ​២០២០ មក​ម្លេះ ដែលមាន​រយៈពេល ៣៦ ខែ​។​

​លោក​បណ្ឌិត​រដ្ឋមន្ត្រី បានធ្វើការ​កោតសរសើ​រ និង​ថ្លែងអំណរគុណ ក្រុមហ៊ុន Angkor International Airport Investment (Cambodia) Co., Ltd. ដែល​បានធ្វើ​ការសាងសង់ អាកាសយានដ្ឋាន អន្តរជាតិ​សៀមរាប​អង្គរ​ថ្មី តាម​ផែនការ ដែល​បាន​គ្រោងទុក​។​

​លោក បណ្ឌិត​រដ្ឋមន្ត្រី ក៏បាន​លើកឡើង​ផងដែរ​ថា ប្រទេស​កម្ពុជា ជាពិសេស​ខេត្តសៀមរាប នឹង​ទទួលបាន​នូវ​អាកាសយាន​អន្តរជាតិ​ថ្មី​មួយនា​ឆ្នាំ​២០២៣ ឆាប់ៗ​ខាងមុខ ដែល​នឹង​ចូល រួមចំណែក​ក្នុងការ​ទាក់ទាញ​ភ្ញៀវ​ទេសចរណ៍​មក​ទស្សនា​ខេត្តសៀមរាប សំដៅ​ជំរុញ កំណើន​សេដ្ឋកិច្ចជាតិ ការបង្កើន​ការងារ និង​ប្រាក់ចំណូល ជូន​ប្រជាពលរដ្ឋ និង​រួមចំណែក ការអភិវឌ្ឍន៍​សង្គម​ប្រកបដោយ​ចីរភាព​៕/PC​/សរន

ទីតាំងផ្សាយពាណិជ្ជកម្ម

- Advertisment -



Most Popular