Home ព័ត៌មានជាតិ សង្គម ​អភិបាលខណ្ឌ​ក...

​អភិបាលខណ្ឌ​កំបូល ចុះ​ពិនិត្យ​ការងារ​ជួសជុល​ពង្រីក​ផ្លូវ និង​កាយ​ប្រឡាយ បើកផ្លូវ​ទឹក​

​ដោយៈ រ៉ា​ម៉ន / ភ្នំពេញៈ នៅ​ព្រឹក​ទី​២៣ ខែធ្នូ ឆ្នាំ​២០២០ នេះ ដោយ​អនុវត្តន៍​តាម​ការណែនាំ​របស់លោក​អភិបាល​រាជធានី​ភ្នំពេញ លោក ឃឹម ស៊ុន​សូ​ដា អភិបាលខណ្ឌ​កំបូល រួមជាមួយ​លោក​អភិបាលរងខណ្ឌ​ពីររូប និង​មន្ត្រី​ជាច្រើន​នាក់ បាន​ចុះ​ពិនិត្យ​ការងារ​ជួសជុល និង​ពង្រីក​ផ្លូវ នៅ​ចំណុច​រង្វង់​មូល ក្រម​ង៉ុ​យ និង​ពង្រីក​ចិញ្ចើមផ្លូវ សងខាង កាយ​ប្រឡាយ បើក​បើក​ផ្លូវទឹក ចាប់ពី​ភូមិ​ទួល​លៀប សង្កាត់​ស្នោរ ដោយ​ឆ្លងកាត់​ភូមិ​ត្រពាំង​អា​រ័ក្ស ភូមិ​ពង្រ និង​ភូមិ​ដូនរ័ត្ន សង្កាត់​ឪឡោក ជាប់​ព្រំប្រទល់​ឃុំ​ទួល​ព្រិច ស្រុក​អង្គស្នួល ខេត្តកណ្តាល​។​

​គោលបំណង នៃ​ការជួលជុល និង​ពង្រីក​ផ្លូវ​នេះ ដើម្បី​ជួយ​សម្រួល​ដល់ ការធ្វើដំណើរ​ឆ្លងកាត់ របស់​បងប្អូន​ប្រជាពលរដ្ឋ កាត់បន្ថយ​គ្រោះថ្នាក់​ចរាចរ ជាពិសេស សកម្មភាព​ដឹកជញ្ជូន​ផ្សេងៗ ដែល​បច្ចុប្បន ការដ្ឋាន​ខាងលើ បាន​នឹង​កំពុងដំណើរការ ធ្វើ​គ្រឹះ​បាត​។​

​ជា​ផែនការ បន្ទាប់ពី​បញ្ចប់​ការងារ​ជួសជុល​ពង្រីក និង​កាយ​ប្រឡាយ​រួចរាល់ លោក​អភិបាលខណ្ឌ នឹង​បំពាក់​អំពូល​សឡា ដែលជា​អំណោយ ដ៏​ថ្លៃថ្លា​របស់ លោក​អភិបាល​រាជធានី​ភ្នំពេញ ដែល​តែងតែ​យកចិត្តទុកដាក់ ដោះស្រាយ និង​បំរើ​បងប្អូន​ប្រជាពលរដ្ឋ ដែល​រស់​នៅតាម​មូលដ្ឋាន​ជានិច្ច​។​

​គួរបញ្ជាក់​ផងដែរ​ថា សមិទ្ធផល​ការងារ ជួសជុល​ពង្រីក​ផ្លូវ និង​កាយ​ប្រឡាយ បើកផ្លូវ​ទឹក​នេះ កើតចេញពី​ចូលរួម​កៀងគរ ពី​សប្បុរសជន ដែល​ប្រកប​អាជីវកម្ម នៅក្នុង​ភូមិសាស្ត្រ សង្កាត់​ឪឡោក ខណ្ឌ​កំបូល​តែម្តង​៕/V​

ទីតាំងផ្សាយពាណិជ្ជកម្ម

- Advertisment -

Most Popular