Home ព័ត៌មានជាតិ សន្តិសុខ ឃាត់ខ្លួន​មនុ...

ឃាត់ខ្លួន​មនុស្ស​បីនាក់​ករណី​លេងល្បែង​ស៊ីសង​ខុសច្បាប់​

​ដោយ​: ស​រិ​ទ្ធ / ភ្នំពេញ​: កម្លាំង​គណៈបញ្ជាការ​ឯកភាព​ខណ្ឌទួលគោក បាន​ចុះបង្ក្រាប​ទីតាំង​ល្បែងភ្នាល់ តាម​អន​ឡាញ ល្បែង​បញ្ជល់មាន់​និង​ឡូតូ ដោយបាន​ឃាត់ខ្លួន​មនុស្ស​ប្រុស​ស្រី​៣​នាក់ រួមទាំង​សម្ភារ​មួយចំនួន​។ ប្រតិបត្តិការ​នេះ ធ្វើឡើង​កាលពី​វេលា​ម៉ោង​៣​រសៀល​ថ្ងៃទី​២៣ ខែធ្នូ ឆ្នាំ​២០២០ នៅផ្ទះ​លេខ​៦៤ ផ្លូវ​លេខ​១៨៦ កែង​ផ្លូវ​លេខ​២៥៧ មូលដ្ឋាន​សង្កាត់​ទឹកល្អក់​ទី​៣ ខណ្ឌទួលគោក រាជធានី​ភ្នំពេញ​។​

​តាម​ប្រភពព័ត៌មាន​បានឱ្យដឹងថា មនុស្ស​ប្រុស​ស្រី​ទាំង​៣​នាក់​ដែល​ត្រូវបាន​ឃាត់ខ្លួន រួមមាន​ទី​១-​ឈ្មោះ សុខ ខៀន ភេទ​ប្រុស អាយុ​៧៦​ឆ្នាំ​, ទី​២-​ឈ្មោះ សុខ ថាវ​រី ភេទ​ស្រី អាយុ​៣០​ឆ្នាំ និង​ទី​៣-​ឈ្មោះ ភឹម សុខ​ខេង ភេទ​ស្រី អាយុ ២៧​ឆ្នាំ ។​

​មន្ត្រី​ជំនាញ​បានបញ្ជាក់​ឱ្យដឹង​បន្ថែមថា ទីតាំង​បើក​ល្បែងភ្នាល់ តាម​អន​ឡាញ បញ្ជល់មាន់​និង​ឡូតូ ត្រូវបាន​មន្ត្រី​ជំនាញ​មូលដ្ឋាន​បាន​ចុះ​ធ្វើ​កិច្ចសន្យា​និង​បិទ​ម្ដង​រួចមកហើយ តែ​មិនបាន​ប៉ុន្មាន​ផង​ម្ចាស់​ទីតាំង​នៅតែ​ផ្គើន​នឹង​បញ្ជា​របស់​ថ្នាក់ដឹកនាំ ទើប​នៅ​រសៀល​ថ្ងៃទី​២៣​ខែធ្នូ នេះ លោក ឯក ឃុន​ដឿ​ន អភិបាល​អភិបាលខណ្ឌ​ទួលគោក​បាន ដាក់​បញ្ជា​ឱ្យកម្លាំង​គ​ណះ​បញ្ជា​ការឯកភាព​ចុះបង្ក្រាប​ជាក់ស្ដែង​តែម្ដង ដោយ​ឃាត់ខ្លួន​មនុស្ស​៣​នាក់ និង​ដកហូត​ទូរទស្សន៍​ចំនួន​៣​គ្រឿង កំ​ព្យូ​ទ័​រ​១​គ្រឿង ម៉ា​ស៉ី​ន​ព្រី​ន​បុ​ង​ចាក់​១​គ្រឿង​។​

​ក្រោយ​ប្រតិបត្តិការ កម្លាំង​គណៈបញ្ជាការ​ឯកភាព​បាន​នាំខ្លួន​មនុស្ស​ប្រុស​ស្រី​ចំនួន​៣​នាក់​ខាងលើនេះ ទៅ​សាកសួរ​និង​កសាង​សំណុំរឿង បញ្ជូន​ខ្លួន​ទៅ​អយ្យការ​អម​សាលាដំបូង​រាជធានី​ភ្នំពេញ ចាត់ការ​បន្ត​តាម​នីតិវិធី​៕​

ទីតាំងផ្សាយពាណិជ្ជកម្ម

- Advertisment -



Most Popular