Home ព័ត៌មានអន្តរជាតិ កាតា​និង​ឌូ​ប...

កាតា​និង​ឌូ​បៃ​ចាប់ផ្តើមចាក់​វ៉ាក់សាំង​កូវី​ដ​១៩ របស់​ក្រុមហ៊ុន Pfizer-BioNTech

​ប្រែ​សម្រួល : កញ្ញា​ដា​លី​ស ៖​រដ្ឋាភិបាល​របស់​ពួកគេ​បាន​និយាយថា​កាតា​និង​ក្រុង​ឌូ​បៃ​របស់អេ​មី​រ៉ា​ត​អា​រ៉ាប់រួម​បាន​ចាប់ផ្តើម​ការជំរុញ​ចាក់​វ៉ាក់សាំង​ការពារ​វីរុស​កូរ៉ូ​ណាក្នុង​រយៈពេល​ប៉ុន្មាន​ម៉ោង​បន្ទាប់​​ពី​គ្នា​កាលពី​ថ្ងៃ​ពុធ​ទី​២៣​ធ្នូ ដោយ​មនុស្ស​ចាស់​និង​បុគ្គលិក​ជួរមុខ​ស្ថិតក្នុង​ចំណោម​អ្នក​ដែល​ទទួល​ការចាក់​វ៉ាក់សាំង​មុនគេ​។​

​ការិយាល័យ​ប្រព័ន្ធ​ផ្សព្វផ្សាយ​ក្រុង​ឌូ​បៃបាន​ស​រសេរលើ Twitter ថា នៅ​ទីក្រុង​ឌូ​បៃ ពលរដ្ឋ​វ័យ​ចំណាស់​ម្នាក់​បាន​ស្ថិតក្នុង​ចំណោម​មនុស្ស​ដំបូង​គេ​ដែល​ទទួលបាន​ការចាក់​វ៉ាក់សាំង​ខណៈ​ក្នុង​ទីក្រុង​ដូ​ហា​​របស់​កាតា សាស្ត្រាចារ្យ​សាកលវិទ្យាល័យ​ចូលនិវត្តន៍​វ័យ​៧៩​ឆ្នាំ​គឺជា​មនុស្ស​ដំបូង​គេ​បាន​ចាក់​វ៉ាក់សាំង​។​

​ទីភ្នាក់ងារ​សារព័ត៌មាន​ផ្លូវការ​របស់ WAM បាន​រាយការណ៍​ថា អេ​មីរ៉ា​ត​អា​រ៉ាប់រួម ដែល​មាន​នគរ ៧ រួម​បញ្ចូល​គ្នា​ក្នុងនោះ​មាន​រដ្ឋធានី​អា​ប៊ូ​ដា​ប៊ី​និងក្រុង​ឌូ​បៃបាន​យល់ព្រម​ចុះបញ្ជី​បណ្តោះអាសន្ន​​នូវ​វ៉ាក់សាំង​របស់​ក្រុមហ៊ុន Pfizer-BioNTech កាលពី​ថ្ងៃ​អង្គារ ជា​ថ្ងៃ​តែ​មួយ​ដែល​វ៉ាក់សាំង​ជុំ​ដំបូង​បាន​មក​ដល់​ពី​បរទេស​។​

​ដំណាក់កាល​ដំបូង​នៃ​ការចាក់​វ៉ាក់សាំង​នឹង​ផ្តោត​សំខាន់​លើ​ពលរដ្ឋ​និង​អ្នកស្រុក​ដែល​មាន​អាយុ​លើសពី ៦០ ឆ្នាំ មនុស្សពេញវ័យ​ដែលមាន​ជំងឺ​រ៉ាំរ៉ៃ អ្នក​ដែល​មាន​តម្រូវការ​ពិសេស​ក៏​ដូច​ជា​បុគ្គលិក​ជួរមុខ​និង​​អ្នក​ធ្វើ​ការសំខាន់ៗ​ផ្សេងទៀត​។ ការចាក់​គឺធ្វើឡើង​ដោយ​ស្ម័គ្រចិត្ត​។​

​មេ​មី​រ៉ា​ត​អារ៉ាប់​រួម​មកទល់​ឥឡូវ​កត់ត្រា​ករណី​កូវី​ដ​១៩​ជាង ១៩៧.០០០ ករណី រួម​ទាំង​អ្នកស្លាប់​ចំនួន ៦៤៥ នាក់​។ កាតា​រាយការណ៍ ១៤២.៤៤៨ ករណី និង​ស្លាប់ ២៤៣ នាក់​៕

​បុគ្គលិក​ពេទ្យ​កំពុង​ចាក់​វ៉ាក់សាំង​ឱ្យ​ពលរដ្ឋ​វ័យ​ចំណាស់​ម្នាក់​នៅ​ទីក្រុង​ឌូ​បៃកាល​ពី​ថ្ងៃ​ពុធ​ទី​២៣​ធ្នូ​

ទីតាំងផ្សាយពាណិជ្ជកម្ម

- Advertisment -

Most Popular