Home ព័ត៌មានសំខាន់ៗ រាជរដ្ឋាភិបាល...

រាជរដ្ឋាភិបាល​សម្រេច​បើក​ផ្តល់ប្រាក់​ឧបត្ថម្ភ​ដល់​កម្មករនិយោជិត​ក្នុង​វិស័យ​កាត់ដេរ​-​វាយ​ន​ភណ្ឌ​,​ស្បែកជើង​,​ផលិតផល​ធ្វើដំណើរ​,​កាបូប​និង​ទេសចរណ៍​រយៈ​៣​ខែទៀត​

ដោយៈ​តារា​រិ​ទ្ធ​/​ភ្នំពេញ​៖រាជរដ្ឋាភិបាល​បន្ត​បើក​ផ្តល់ប្រាក់​ឧបត្ថម្ភ​ដល់​កម្មករ​និ​យោត​ជិត​ក្នុង​វិស័យ​កាត់ដេរ​-​វាយ​ន​ភណ្ឌ​,​ស្បែកជើង​, ផលិតផល​ធ្វើដំណើរ​, កាបូប​និង​វិស័យ ទេសចរណ៍ និង ការលើកលែង​ការបង់ពន្ធ​ប្រចាំខែ​គ្រប់​ប្រភេទ​ចំពោះ​សណ្ឋាគារ​,​ផ្ទះសំណាក់​,​ភោជនីយដ្ឋាន​និង​ក្រុមហ៊ុន​ភ្នាក់ងារទេសចរណ៍​ដែល​បាន​ចុះបញ្ជី​ជាមួយ អគ្គនាយកដ្ឋាន​ពន្ធដា​រ​និង​មាន​សកម្មភាព អាជីវកម្ម​នៅក្នុង​រាជធានី​ភ្នំពេញ​,​ខេត្តសៀមរាប​,ខេត្ត​ព្រះសីហនុ​, ខេត្ត​កែប​, ខេត្តកំពត​, ក្រុង​បាវិត និង​ក្រុង​ប៉ោយប៉ែត​សម្រាប់ រយៈពេល ០៣ ខែ​បន្ថែមទៀត ។​

​បន្ទាប់ពី​បាន​ពិនិត្យ​,​ថ្លឹងថ្លែង​និង​ផ្លាស់ប្តូរ​យោបល់​លើ​ស្ថានភាព​សង្គម​-​សេដ្ឋកិច្ច​,​ពាណិជ្ជកម្ម​និង​វិនិយោគ​ទាំង​ក្នុង​ក្របខណ្ឌ​សកលលោក​,​តំបន់​និង​ក្នុងស្រុក​រាជរដ្ឋាភិបាល​សម្រេច​ដាក់ចេញ​នូវ​វិធានការ​បន្ថែម​ជុំ​ទី ៧ ក្នុង​គោលបំណង​ដាក់ចេញ​និង​អនុវត្ត​វិធានការ​រក្សា​លំនឹង​អាជីវកម្ម​ខណៈដែល​កម្ពុ​ជា​កំពុង​បន្ត​ប្រឈម​នឹង​វិបត្តិ​នៃ​ជំងឺ​កូ​វីដ ១៩ ក៏ដូចជា​ទ្រទ្រង់​និង​ស្តារ​អាជីវកម្ម​និង​ធុរកិច្ច​ឱ្យ​ងើប​ឡើងវិញ​ដើម្បី​ចូលរួម​ជំរុញ​កំណើនសេដ្ឋកិច្ច​នៅក្នុង​បរិការណ៍​ក្រោយពី​វិបត្តិ​នៃ​ជំងឺ​កូ​វីដ​-១៩ ។​

​បន្ទាប់ពី​រោងចក្រ​-​សហគ្រាស​និង​អាជីវកម្ម​ក្នុង​វិស័យ​កាត់ ដេរ​-​វាយ​ន​ភណ្ឌ​,​ស្បែកជើង​, ផលិតផល ធ្វើដំណើរ​,​កាបូប​និង​វិស័យ​ទេសចរណ៍​ទទួលបាន​លិខិត​អនុញ្ញាតឱ្យ ព្យួរ​កិច្ចសន្យាការងារ​និង​/​ឬ​លិខិត​អនុញ្ញាតឱ្យ​ពន្យារ​ការ​ព្យរ​កិច្ចសន្យាការងារ​ពី​ក្រសួង​ការងារ​និង​បណ្តុះបណ្តាល​វិជ្ជាជីវៈ​ក្រោយពី​បាន​បំពេញ​តាម​លក្ខណៈវិនិច្ឆ័យ​និង​លក្ខ ខណ្ឌ​នៃ​ការ​ព្យរ​កិច្ចសន្យាការងារ​រាជរដ្ឋាភិបាល​កម្ពុជា​នឹង​បន្ត​ផ្តល់ប្រាក់​ឧបត្ថម្ភ ៤០ ដុល្លារ​អាមេរិក​ក្នុង​មួយខែ​សម្រាប់​កម្មករ​-​និយោជិត ០១ នាក់​ដែល​បំពេញការងារ​ក្នុង វិស័យ​កាត់ដេរ​-​វាយ​ន​ភណ្ឌ​, ស្បែកជើង​, ផលិតផល​ធ្វើដំណើរ​និង​កាបូប​សម្រាប់​រយៈពេល ០៣ ខែ​បន្ថែមទៀត​ពី​ខែ មករា​ដល់​ខែមីនា ឆ្នាំ ២០២១ ។ ម្ចាស់​រោងចក្រ​- សហគ្រាស​ក្នុង​វិស័យនេះ​ត្រូវ​បន្ថែមចំនួន ៣០ ដុល្លារ​អាមេរិក​សម្រាប់​កម្មករ​-​និយោជិត ០១ នាក់ (​ជា​សរុបកម្ម ករនិយោជិត ០១ នាក់ ទទួលបាន ៧០ ដុល្លារ​អាមេរិក ក្នុង​មួយខែ​) ។​

​រាជរដ្ឋាភិបាល​បន្ត​ផ្តល់ប្រាក់​ឧបត្ថម្ភ​៤០​ដុល្លារ​អាមេរិក​ក្នុង​មួយខែ​ជូន​កម្មករ​-​និយោជិត​០១​នាក់​ដែល​បំពេញការ ងារ​ក្នុង​វិស័យ​ទេសចរណ៍​ដូចជា​៖ សណ្ឋាគារ​,​ផ្ទះសំណាក់ , ភោជនីយដ្ឋាន​និង​ភ្នាក់ងារទេសចរណ៍​សម្រាប់​រយៈពេល​០៣​ខែ​បន្ថែមទៀត​ពី​ខែមករា​ដល់​ខែមីនាឆ្នាំ២០២១ ។សហគ្រាស​និង​អាជីវកម្ម​ក្នុង​វិស័យ​ទេសចរណ៍ត្រូវ​រួមចំណែក​តាម​គោលការណ៍​ស្ម័គ្រចិត្ត​និង​តាម​លទ្ធភាព​ជាក់ស្តែង​បន្ថែម​លើ​អ្វីដែល​រាជរដ្ឋាភិបាល​បាន​ផ្តល់ជូន ។

​បន្ត​លើកលែង​ការបង់ពន្ធ​ប្រចាំខែ​គ្រប់​ប្រភេទ​ចំពោះ​សណ្ឋាគារ​,​ផ្ទះសំណាក់​,​ភោជនីយដ្ឋាន​និង​ក្រុមហ៊ុន​ភ្នាក់ងារទេសចរណ៍​ដែល​បាន​ចុះបញ្ជី​ជាមួយ​អគ្គនាយកដ្ឋាន​ពន្ធដារ​និង​មាន​សកម្មភាព អាជីវកម្មនៅក្នុង​រាជធានី​ភ្នំពេញ​,ខេត្តសៀមរាប​, ខេត្ត​ព្រះសីហនុ​, ខេត្ត​កែប​, ខេត្តកំពត​, ក្រុង​បាវិត និង​ក្រុង​ប៉ោយប៉ែត សម្រាប់​រយៈពេល ០៣ ខែ​បន្ថែមទៀតពី​ខែ មករា ដល់​ខែ មីនាឆ្នាំ ២០២១​។ អាជីវកម្ម​ទាំងនេះ​នៅតែមាន​កាតព្វកិច្ច​ដាក់​លិខិត​ប្រកាស​ ពន្ធអាករ និង​ប្រើប្រាស់​ប្រព័ន្ធ​អន​ឡាញ​សម្រាប់​គ្រប់គ្រង អាករ​លើ​តម្លៃបន្ថែម (E-VAT) ជា​រៀងរាល់​អំឡុងពេល​នៃ​ការលើកលែង​នេះ ៕

ទីតាំងផ្សាយពាណិជ្ជកម្ម

- Advertisment -

Most Popular