វីរុស​កូរ៉ូ​ណា​បំលែងខ្លួន​ថ្មី​មួយទៀត​រកឃើញ​នៅ​ចក្រភព​អង់គ្លេស​

​ប្រែ​សម្រួល : កញ្ញា​ដា​លី​ស​/​ឡុង​ដ៍ ៖ រដ្ឋមន្ត្រីក្រសួង​សុខាភិបាល​អង់គ្លេស​លោក ម៉ា​ត ហាន​ខុក និយាយ​កាលពី​ថ្ងៃ​ពុធ (​ថ្ងៃទី ២៣ ធ្នូ​) ថា ការបំលែង​ខ្លួន​ថ្មី​នៃ​វីរុស​កូរ៉ូ​ណា​ដែល​កាន់តែឆ្លង​ខ្លាំង​ជាង​មុន ត្រូវបាន​រកឃើញ​នៅក្នុង​ចក្រភព​អង់គ្លេស​ក្នុងករណី​ឆ្លង​ជាច្រើន​ដែល​មាន​ទំនាក់ទំនង​ជាមួយ​អាហ្វ្រិក​ខាងត្បូង​។​

​ក្រសួង​សុខាភិបាល​អាហ្វ្រិក​ខាងត្បូង​បាន​និយាយ​កាលពី​សប្តាហ៍​មុន​ថា​ការប្រែប្រួល​ហ្សែ​ន​ថ្មី​នៃ​វីរុស​កូរ៉ូណា​ត្រូវបាន​រក​ឃើញ​ហើយ​អាច​ទទួលខុសត្រូវ​ចំពោះ​ការកើនឡើង​នៃ​ករណី​ឆ្លង​ថ្មីៗ​នៅ​ទីនោះ​។​

​លោក​ហាន​ខុក​បាន​ប្រាប់​សន្និសីទ​សារព័ត៌មាន​ថា “​ដោយសារ​សមត្ថភាព​ផ្នែក​ហ្សែ​ន​របស់​អាហ្វ្រិក​ខាងត្បូង យើង​បាន​រកឃើញ​វីរុស​កូរ៉ូ​ណា​បំលែងខ្លួន​ថ្មី​ចំនួន ២​ករណី​ផ្សេង​ទៀត​នៅ​ចក្រភព​អង់គ្លេស​”​។​

​លោក​បន្តថា “​អ្នក​ទាំង​ពីរ​គឺជា​អ្នក​ទាក់ទង​ករណី​ដែល​បាន​ធ្វើដំណើរ​ពី​អាហ្វ្រិក​ខាងត្បូង​ក្នុង​រយៈពេល​ប៉ុន្មាន​សប្តាហ៍​កន្លងមកនេះ​”​។​

​ចក្រភព​អង់គ្លេស​កំពុង​ព្យាយាម​រួចជាស្រេច​ដើម្បី​ទប់ស្កាត់​ការឆ្លង​រាលដាល​មេរោគ​កូរ៉ូ​ណា​ប្រែ​រូបរាង​ថ្មី ដែល​អាច​ឆ្លង​ខ្លាំង​ជាង​មុន ៧០ ភាគរយ​ហើយ​ការសិក្សា​ច្រើន​ទៀត​កំពុង​ធ្វើ​ឡើង​លើ​ការ​ប្លែង​​ខ្លួន​របស់​វីរុស​ថ្មី​នេះ​។​

​លោក​ហាន​ខុក​និយាយថា “​មេរោគ​កូរ៉ូ​ណា​បំលែងខ្លួន​ថ្មី​នេះ​គឺ​គួរឱ្យ​បារម្ភ​ខ្លាំង ពីព្រោះ​វា​ឆ្លង​រឹតតែ​ខ្លាំង​ជាង​មុន ហើយ​វា​ទំនង​ប្រែ​រូប​ខ្លាំង​ជាង​វីរុស​ប្រភេទ​មុន ដែល​បាន​រកឃើញ​នៅ​ចក្រភព​អង់គ្លេស​”៕

មេរោគ​កូរ៉ូ​ណាបំ​លែងរូប​ថ្មី​មួយទៀត​រកឃើញ​នៅ​អង់គ្លេស ហើយ​ឆ្លង​រឹតតែ​ខ្លាំង​ជាង​មុន

ទីតាំងផ្សាយពាណិជ្ជកម្ម

- Advertisment -

Most Popular