Home ព័ត៌មានសំខាន់ៗ ​រាជរដ្ឋាភិបា...

​រាជរដ្ឋាភិបាល​បន្តក​ម្ម​វិធ​ឧបត្ថម្ភ​សាច់ប្រាក់​ជូន​គ្រួសារ​ក្រីក្រ​ជុំ​ទី​៤ សម្រាប់​រយៈពេល ៣ ខែ​បន្ថែម​ទៀ​

ដោយៈ​តារា​រិ​ទ្ធ​/​ភ្នំពេញ​៖​រាជរដ្ឋាភិបាល​កម្ពុជា​នៅ​ថ្ងៃទី​២៣​ខែធ្នូ ២០២១ នេះ​បានសម្រេច​បន្ត​កម្មវិធី​ឧបត្ថម្ភ​សាច់ប្រាក់​ជូន​គ្រួសារ​ក្រីក្រ​និង​ងាយ​រងគ្រោះ​ក្នុងអំឡុងពេល ប្រយុទ្ធ​ប្រឆាំងនឹង​ជំងឺ​កូ​វី​-១៩ ជុំ​ទី ​៤ សម្រាប់​រយៈពេល ៣ ខែ​បន្ថែមទៀត​គឺ​ពី​ខែមករាដល់​ខែមីនា ឆ្នាំ ២០២១ ។​

​រាជរដ្ឋាភិបាល​បានដាក់​ចេញ​នូវ​វិធាន​ណែនាំ​បន្ថែម​ដោយបាន​កំណត់​ឲ្យ​ក្រសួង​-​ស្ថាប័ន​ពាក់ព័ន្ធ​ទាំងអស់​ត្រូវអនុ វត្ត​នូវ​សេចក្តីណែនាំ​នេះ​ទៅតាម​សមត្ថកិច្ច​របស់ខ្លួន​ឱ្យមាន​ប្រសិទ្ធភាព​ខ្ពស់បំផុត ។ រាជរដ្ឋាភិបាល​នឹង​បន្ត​តាម ដាន​ជាប់​ជាប្រចាំ​នូវ​ស្ថានភាព​នៃ​ជំងឺ​កូវ​ដ​-១៩,​លើ​ស្ថានភាព​សង្គម​-​សេដ្ឋកិច្ច​និង ​ហិរញ្ញវត្ថុ​ក្នុង​ក្របខណ្ឌ​សកល​លោក​,​តំបន់​និង​ក្នុងប្រទេស​ដើម្បី​ពិនិត្យ​និង​វាយតម្លៃ​ពី​ផលប៉ះពាល់​នៃ​ជំងឺ​កូ​វីដ​-១៩មកលើ​វិស័យ​សំខាន់ៗ​នៃ​សេដ្ឋកិច្ចកម្ពុជា​ក្នុងទិសដៅ​ធ្វើ​បច្ចុប្បន្នភាព​និង​ត្រៀម​ដាក់ចេញនូវ​វិធានការ​ថ្មីៗ​បន្ថែម​ចាំបាច់​នានា​ក្រោម​ក្របខណ្ឌ​ផែនការ​យុទ្ធសាស្ត្រ​ស្តារ​និង​ជំរុញ​កំណើន​សេដ្ឋកិច្ចកម្ពុជា​ឡើងវិញ​ក្រោយ​វិបត្តិ​នៃ​ជំងឺ​កូ​វីដ​-១៩ ។​

​ប្រមុខ​រាជរដ្ឋាភិបាល​កម្ពុ​ជានា ថ្ងៃទី​២៣ ខែធ្នូ​ឆ្នាំ​២០២០​បាន​សរសេរ​នៅក្នុង​ផេ​ក​ហ្វេ​ស​បុក​ផ្លូវការ​ថា​៖​កាលពី​ថ្ងៃ​អង្គា​រ៍​ទី​១៥​ខែធ្នូ​កន្លងទៅ​ថ្មីៗ​នេះ​ក្នុងអំឡុងពេល​ថ្លែង​សារ ពិសេស​ទាក់ទិន​នឹង​បញ្ហា​ជំងឺ​កូ​វីដ​-១៩​និង​វាក់​សាំង​ការពារ​កូ​វីដ សម្តេច​តេ​ជោ ហ៊ុន សែន ប្រមុខ​រាជ​រដ្ឋា​បាល​បានសម្រេច​ឱ្យ​បន្ត​ការអនុវត្ត “​កម្មវិធី​ឧបត្ថម្ភ​សាច់ប្រាក់​ជូន គ្រួសារ​ក្រីក្រ​និង​ងាយ​រងគ្រោះ​ក្នុងអំឡុងពេល​ប្រយុទ្ធ​នឹង​ជំងឺ​កូ​វីដ​-១៩” ជុំ​ទី​៤ ចំនួន ៣​ខែ​បន្ថែមទៀត​គឺ​សម្រាប់ ខែមករា ខែកុម្ភៈ និង​ខែមីនា ឆ្នាំ​២០២១​។​

​សម្តេច​តេ​ជោ​នាយករដ្ឋមន្ត្រី​បានសម្រេច​បន្ត​ផ្តល់​ការឧបត្ថម្ភ​ពីព្រោះ​ដោយ​មើលឃើញថា​កម្មវិធី​នេះ​ពិតជា​កំពុង​បាន​ចូលរួមចំណែក​ក្នុង​លើកស្ទួយ​និង​រក្សា​លំនឹង​ជីវភាព របស់​បងប្អូន​ប្អូន​ប្រជាពលរដ្ឋ​និង​កូនក្មួយ​នៅក្នុង​អំឡុ ងពេល​ដ៏​លំបាក​នេះ​ហើយក៏​ដោយសារតែ​ជំងឺ​កូ​វីដ​-១៩ នៅ​មិនទាន់​ទៅណា​ឆ្ងាយ​ពី​យើង​នៅឡើយ​។​សម្តេច​តេ​ជោ បន្តថា​ចាប់តាំងពី​ការចាប់ផ្តើម​បើកប្រាក់​ឧបត្ថម្ភលើកដំបូង​មក​ការធ្វើ​បច្ចុប្បន្នភាព​គ្រួសារ​ក្រីក្រ​ដើម្បី​ទទួលបាន​ប្រាក់ឧបត្ថម្ភ​នេះ​គឺ​ពិត​ជាមាន​សារៈសំខាន់​ខ្លាំងណាស់ ព្រោះ​សម្តេច​តេ​ជោ​ចង់​ផ្តល់​សាច់ប្រាក់​នេះ​ឱ្យ​ដល់ដៃ​គ្រួសារ​ក្រីក្រ​និង​មានការ​លំបាក​ពិតប្រាកដ ។​ទន្ទឹមនេះ​ការងារ​បច្ចុប្បន្នភាព​គ្រួសារ​ក្រីក្រ​នេះ​ត្រូវ​ពឹងផ្អែក​ស្ទើរតែ​ទាំង ស្រុង​លើ​អាជ្ញាធរ​មូលដ្ឋាន​ជាពិសេស​មេភូមិ​និង​ក្រុមប្រឹក្សាឃុំ​-​សង្កាត់ដូច្នេះហើយ​សម្តេច​តេ​ជោ ហ៊ុន សែន នាយករដ្ឋមន្ត្រី​បានចេញ​បទបញ្ជា​ជាថ្មី​ម្តងទៀត​ដល់​អាជ្ញាធរ មូលដ្ឋាន​និង​អ្នកពាក់ព័ន្ធ​ទាំងអស់​ត្រូវខិតខំ​បំពេញការងារ​នេះ​ឱ្យបាន​ត្រឹមត្រូវ​ច្បាស់លាស់​មាន​តម្លាភាព គណនេយ្យភាព​និង​ប្រកាន់ខ្ជាប់​នូវ​យុត្តិធម៌​បំផុត ហើយ​ត្រូវ​ចៀស វាង​ឱ្យ​ខាន​តែ​បាន​នូវ​ការយោគយល់​និង​ឃុបឃិត​គ្នា​ដើម្បី​ដាក់បញ្ចូល​ក្រុមគ្រួសារ សាច់ញាតិ​មិត្ត​ភ័​ក្ត​ឬ​អ្នក​ស្គាល់គ្នា​ដែល​មិនមែនជា​គ្រួសារ​ក្រីក្រ និង ងាយ​រងគ្រោះ​ពិតប្រាកដ​ដើម្បី​ទទួលបាន​ប្រាក់ឧបត្ថម្ភ​នេះ ផ្ទុយ​ពី​នីតិវិធី​នៃ​ការកំណត់​អត្តសញ្ញាណ​កម្ម​គ្រួសារ​ក្រីក្រ​តាម​ការស្នើសុំ​។​ដើម្បីឱ្យ​ការងារ​ធ្វើ​បច្ចុប្បន្នភាព​គ្រួសារ​ក្រីក្រ​នេះ​កាន់ តែធានាបាន​នូវ​ប្រសិទ្ធភាព​ខ្ពស់​បន្ថែមទៀត​នោះ​,​សម្តេច​តេ​ជោ​នាយករដ្ឋមន្ត្រី​បាន​ស្នើឱ្យ​ក្រសួងមហាផ្ទៃ​ត្រូវ​សហ ការ​ជាមួយ​ក្រសួងផែនការនិង​ក្រសួង​-​ស្ថាប័ន​ពាក់ព័ន្ធ​នានាទាំង​ថ្នាក់ជាតិ និង​ថ្នាក់ក្រោម​ជាតិ​ក្នុងការ​ពិនិត្យ​តាមដាន​ការអនុវត្ត​ការងារ​នេះ​ឱ្យមាន​ប្រសិទ្ធភាព​ខ្ពស់​និង​ត្រូវ​រាយការណ៍​មកកាន់,​សម្តេច​តេ​ជោ​នាយករដ្ឋមន្ត្រី​ជាបន្ទាន់ ប្រសិនបើ​រកឃើញថា​មាន​បញ្ហា​មិន​ប្រក្រតី​ណាមួយ​កើតឡើង ។

​សម្តេច​តេ​ជោ ហ៊ុន សែន នឹង​ចាត់​វិធានការណ៍​ក្តៅ​និង​មិន​លើកលែង​ជាដាច់ខាត​ចំពោះ​អ្នកពាក់ព័ន្ធ​ទាំងអស់​ប្រសិនបើ​រកឃើញថា​មាន​បញ្ហា​មិន​ប្រក្រតី​កើតមានឡើង​នៅក្នុងភូមិ ឬ ឃុំ​-​សង្កាត់ ណាមួយ​។​សូម​ជូនពរ​បងប្អូន​ប្រជាពលរដ្ឋ​ទូទាំងប្រទេស​បាន​ចៀសផុត​ពី​ជំងឺឆ្លង​កូ​វីដ​១៩​គ្រប់ៗ​គ្នា ៕

​បើតាម​យោងតាម​សេចក្ដីប្រកាស​ព័ត៌មាន​របស់​ក្រសួង​សេដ្ឋកិច្ច និង​ហិរញ្ញវត្ថុ បានឱ្យដឹងថា បើ​គិត​ចាប់ពី​ការដាក់ឱ្យ​ដំណើរការ​កម្មវិធី​ឧបត្ថម្ភ​សាច់ប្រាក់ ជូន​គ្រួសារ​ក្រីក្រ និង​ងាយ​រងគ្រោះ ក្នុងអំឡុងពេល​ប្រយុទ្ធ​នឹង​ជំងឺ​កូ​វីដ​-១៩ ក្នុង​ខែមិថុនា​មកទល់នឹង​ដំណាច់ខែ​វិច្ឆិកា (​ខែ​ទី​៦) ឆ្នាំ​២០២០ មានគ្រួសារ​សរុប​ចំនួន៧០៤ ១៣៥ នៅ​ទូទាំងប្រទេសបានទទួល​ការឧបត្ថម្ភ​សាច់ប្រាក់​ពី​រាជរដ្ឋាភិបាលដែលមាន​ថវិកា​សរុប​ចំនួន ៧១២ ១២៩ ០៥៣ ២០០​រៀល ស្មើនឹង​ប្រមាណ​១៧៥​លាន​ដុល្លារ​អាម៉េរិក​៕

ទីតាំងផ្សាយពាណិជ្ជកម្ម

- Advertisment -

Most Popular