Home ព័ត៌មានជាតិ សន្តិសុខ ប៉េអឹម ឃាត់ខ្...

ប៉េអឹម ឃាត់ខ្លួន​ចាងហ្វាង​គេហទំព័រ អឹម​អេស​អឹម ពាក់ព័ន្ធ​ករណី​កេណ្ឌ​ពលរដ្ឋ​ឲ្យ​ចាប់យក ដី​ស្របច្បាប់​របស់គេ​

ដោយៈ ទេ​ពក​ង្រី/កំពង់ឆ្នាំងៈ កងរាជអាវុធហត្ថ​ខេត្ត បាន​ឃាត់ខ្លួន​ចាងហ្វាង គេហទំព័រ អឹម​អេស​អឹម (MSM) នៅ​ព្រឹក ថ្ងៃទី​២៣ ខែធ្នូ ឆ្នាំ​២០២០ នៅតាម​ផ្លូវជាតិ​លេខ​៥ ខាងមុខ ផ្សារ​ទួល​ក្រឡាញ់ ស្ថិតក្នុង​ភូមិ​ទួល​ក្រឡាញ់ សង្កាត់​កំពង់ឆ្នាំង ក្រុង​កំពង់ឆ្នាំង ពាក់ព័ន្ធ នឹង​ករណី ដើរ​កេណ្ឌ​ប្រជាពលរដ្ឋ ឲ្យ​ទៅ​ចាប់យក​ដី​មាន​ប្លង់ ស្របច្បាប់​របស់គេ ។​

​លោក​វរសេនីយ៍ទោ ហង្ស សុជាតិ មេបញ្ជាការរង កងរាជអាវុធហត្ថ ខេត្តកំពង់ឆ្នាំង ដែលជា​អ្នកដឹកនាំ​ការបង្ក្រាប​នេះ ដោយមាន​ការសម្របសម្រួល ពី​លោក អ៊ិត សុធា ព្រះរាជអាជ្ញា អម​សាលាដំបូង​ខេត្ត បានឱ្យដឹងថាៈ ជនសង្ស័យ​ដែល​សមត្ថកិច្ច​កង​រាជ​អាវុធ ហត្ថ​ខេត្ត ឃាត់ខ្លួន​មានឈ្មោះ អេង ណា​រ៉ុង ភេទ​ប្រុស អាយុ ៤៣ ឆ្នាំ មានមុខ​របរ ជា​ចាងហ្វាង​សារព័ត៌មាន គេហទំព័រ អឹម​អេស​អឹម (MSM) មាន​លំនៅ នៅក្នុង​ភូមិ អូរសណ្តាន់ ឃុំ​ទឹក​ហូត ស្រុក​រលាប្អៀរ ខេត្តកំពង់ឆ្នាំង​។ ទន្ទឹមនឹងនេះ សមត្ថកិច្ច​បាន​ដក ហូត​រថយន្ត ម៉ាក Lexus RX300 ពាក់​ស្លាក​លេខ ព្រះសីហនុ 2A6300 ពណ៌​សូកូឡា ទូរស័ព្ទដៃ ២ គ្រឿង ម៉ាក OPPO កាត​សម្គាល់​ខ្លួន​អ្នកសារព័ត៌មាន មួយ​សន្លឹក​។​

​លោក​បានឱ្យដឹង​ទៀតថាៈ ករណី​ឃាត់ខ្លួន​ជនសង្ស័យ ខាងលើនេះ ពាក់ព័ន្ធ​ពីបទ ញុះញង់​អោយ​ប្រព្រឹត្ត​បទ​ឧុ​ក្រិ​ដ្ឋ​ជាអាទិ៍ និង​កំហែង​យក និង​គំរាមថា នឹង​សម្លាប់ កាលពី ថ្ងៃទី​១៩ ខែធ្នូ ឆ្នាំ​២០២០ កន្លងទៅ នៅក្នុង​ភូមិ​ក្រាំង​ស្គារ ឃុំ​ក្រាំ​ស្គារ ស្រុក​ទឹកផុស​.​ខេត្ត កំពង់ឆ្នាំង​។​

​ព្រះរាជអាជ្ញា អម​សាលាដំបូង ខេត្តកំពង់ឆ្នាំង លោក អ៊ិត សុធា បាន​ឲ្យ​ដឹង តាម​ទូរស័ព្ទ នៅវេលា​ម៉ោង​ជិត ១១ ថ្ងៃទី​២៤ ធ្នូ​នេះ​ថាៈ ការឃាត់ខ្លួន​ចាងហ្វាង សារព័ត៌មាន​រូបនេះ ពាក់ព័ន្ធ​នឹង​ការ​ញុះញង់​ប្រជាពលរដ្ឋ អោយចូល​កាន់កាប់​ដី​គេ ដែលមាន​ប្លង់​ត្រឹមត្រូវ និង​ជំរិត​ទារប្រាក់ ពី​ប្រជាពលរដ្ឋ និង​មិនមាន​ចុះបញ្ជី​ការ នៅ​មន្ទី​សារព័ត៌មាន​ក្នុង​ខេត្ត នោះឡើយ ។ បច្ចុប្បន្ន ជនសង្ស័យ ត្រូវបាន​សមត្ថកិច្ច កងរាជអាវុធហត្ថ​ខេត្ត​កសាង សំណុំរឿង បញ្ជូនទៅ​សាលាដំបូង​ខេត្ត ហើយ​លោក បាន​បញ្ជូនទៅឱ្យ​ចៅក្រម​ស៊ើបសួរ ដើម្បី​អនុវត្ត​បន្ត តាម​នីតិវិធី នៅថ្ងៃនេះ​ដែរ ៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular