Home ព័ត៌មានជាតិ សង្គម ក្មេងប្រុស​ដែ...

ក្មេងប្រុស​ដែល​ធ្លាក់ចូល​ឆ្នាំង​បបរ ពិការ​រយៈពេល ២​ឆ្នាំ នឹងត្រូវ​វះកាត់ ឆាប់ៗ​នេះ​

ដោយៈ សុខុម / ស្ទឹងត្រែងៈ ក្មេងប្រុស​ម្នាក់​ដែល​បាន​វារ​ធ្លាក់​ចូលក្នុង​ឆ្នាំង​បបរ​តាំងពី​នៅ អាយុ ៥ ទៅ ៦​ខែ បណ្ដាលឱ្យ​ពិការ​រហូតដល់​អាយុ ២ ខួប នៅក្នុង​គ្រួសារ​ក្រីក្រ​តំបន់​ដាច់ ស្រយាល​មួយ ស្ថិតក្នុង​ភូមិ​កោះ​ហិប ឃុំ​អូរ​ស្វាយ ស្រុក​បុរី​អូរ​ស្វាយ​សែន​ជ័យ ឥឡូវនេះ មានសង្ឃឹម​ហើយ ដោយសារ​ក្រុមគ្រូពេទ្យ មកពី​ភ្នំពេញ គ្រោង​នឹង​យក​ក្មេង ដ៏​អភ័ព្វ​នេះ ជួយ​វះកាត់ តាម​ស្ថានភាព​ជាក់ស្ដែង​។​

​លោក លី មីនា អភិបាលស្រុក​បុរី​អូរ​ស្វាយ​សែន​ជ័យ បាន​ប្រាប់​ឲ្យ​ដឹង នៅ​ថ្ងៃទី​២៤ ខែធ្នូ ឆ្នាំ​២០២០​ថា ក្មេងប្រុស​ម្នាក់ ដែល​ពិការ ដោយ​ជួប​ឧបទ្ទវហេតុ តាំងពី​នៅ​តូច​នោះ លោក ក៏បាន​ស្នើសុំ​ទៅ​ថ្នាក់​ខេត្ត ខាង​ក្រុមគ្រូពេទ្យ នៅ​ភ្នំពេញ ដើម្បី​ជួយ​វះកាត់​ដល់​ក្មេងប្រុស នោះ​។ ក្រុមគ្រូពេទ្យ គ្រោង​នឹង​ចុះមក​ទទួល យក​ក្មេង ទៅ​វះកាត់ ក្នុង​កំឡុង​ខែធ្នូ នេះ ប៉ុន្តែ​ដោយសារ​ស្ថានភាព​កូ​វីដ ១៩ ទើប​មាន​ការលើក​ពេល​។ ក៏ប៉ុន្តែ​ក្រុមគ្រូពេទ្យ​មកពី ភ្នំពេញ គ្រោង​នឹង​យក​ក្មេង ដ៏​អភ័ព្វ​នេះ ជួយ​វះកាត់ តាម​ស្ថានភាព​ជាក់ស្ដែង​។​

​សូម​រំលឹកថា គ្រួសារ​របស់​ក្មេង ដ៏​អភ័ព្វ​នេះ មាន​ជីវភាព​ខ្វះខាត​ខ្លាំង​រស់នៅ​លើដី​កោះ ដាច់ស្រយាល ស្ថិតក្នុង​ភូមិ​កោះ​ហិប ឃុំ​អូរ​ស្វាយ ស្រុក​បុរី​អូរ​ស្វាយ សែន​ជ័យ ខេត្តស្ទឹងត្រែង ក្មេងប្រុស​ម្នាក់នេះ បាន​ពិការ​តាំងពី​នៅ​តូច​ដោយសារតែ​វារ​ធ្លាក់ចូល ឆ្នាំង​បបរ​ក្តៅ​។ ឪពុក​ក្មេង​នោះ ឈ្មោះ លិ​ប វាសនា ម្ដាយ​ឈ្មោះ សារឿន តូច មានកូន​ចំនួន ២​នាក់ គឺ​ស្រី​ម្នាក់ ប្រុស​ម្នាក់​។ កូនស្រី គឺជា​កូនច្បង រីឯ​ក្មេង​ដែល​រលាក​ទឹក​បបរ​ពិការ គឺជា​កូនប្រុស​ពៅ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular