Home ព័ត៌មានជាតិ សេដ្ឋកិច្ច ក្រសួងកសិកម្ម...

ក្រសួងកសិកម្ម​ជំរុញ​ឱ្យ​ម្ចាស់​គម្រោង​ដាំ​ដុះ​គួរ​គិត​ទីផ្សារ​របស់​កសិករ​តាំងពី​ការដាំ​រហូត ដល់​ការលក់​

ដោយ​: ពៅ​និមល​/​ភ្នំពេញ​: ដើម្បី​ធ្វើឱ្យ​ប្រសើរឡើង​ថែមទៀត​អំពី​ការផ្គត់ផ្គង់​ក៏ដូចជា​តម្លៃ លក់​លើ​ទីផ្សារ​សព្វថ្ងៃ លោក​រដ្ឋមន្ត្រី​ក្រសួងកសិកម្ម រុក្ខា​ប្រ​ម៉ាញ់ និង​នេសាទ​អំពាវនាវ ដល់​អ្នកអនុវត្ត​គម្រោង​ត្រូវតែ​គិតគូរ​ពី​ទីផ្សារ​របស់​កសិករ ពោលគឺ​ត្រូវ​រៀបចំ​បណ្តាញ ឬ​បណ្តុំ​នៃ​ការដាំដុះ​បណ្តាក់​គ្នា និង​ត្រូវមាន​កិច្ចសន្យា​ប្រមូល​ទិញ​ឱ្យបាន​ច្បាស់លាស់​។​

​ក្នុងឱកាស​ចុះ​ពិនិត្យ​ជលផល​នេសាទ កាលពី​ថ្មីៗ​កន្លងទៅនេះ​នៅ​ស្រុក​ពញាឮ ខេត្តកណ្តាល លោក វ៉េង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ បាន​បញ្ជាក់ថា សម្រាប់​ប្រទេស​កម្ពុជា ការដាំដុះ​បន្លែ នៅ​ចុងរដូវ​នេះ​ជា​រដូវ​ធ្លាក់​ខ្យល់ ត្រជាក់ ហើយ​ការដាំដុះ​របស់​កសិករ​គ្រប់​ទីកន្លែង គឺ​ទទួលបាន​ផល​សម្រាប់​ផ្គត់ផ្គង់ ការហូបចុក​ស្ទើរ​គ្រប់ៗ​គ្នា ក្នុងនោះ​ចំពោះ​កសិករ នឹង​ជួប​បញ្ហា​អំពីរ​ការធ្លាក់​ថ្លៃ​នៅតាម ទីផ្សារ​ផងដែរ​។ ដើម្បី​ឱ្យជួយ​កសិករ និង​ចៀសវាង​បញ្ហា​ធ្លាក់​ថ្លៃ​នៅតាម​ទីផ្សារ​ដូច​ពេល កន្លងមកនេះ លោក​រដ្ឋមន្ត្រី បាន​ណែនាំ​ដល់​អ្នកអនុវត្ត​គម្រោង​នៃ​ការដាំដុះ​ទាំងអស់ ក្នុងនោះ​បើ​បណ្តុះបណ្តាល​បង្កើត​គម្រោង​ជួយ​កសិករ គឺ​ត្រូវ​គិតគូរ​អំពី​ទីផ្សារ​ជូន​ដល់ ពួកគាត់ ដូចជា​ការបង្កើត​ជាប​ណ្តា​ញ ឬ​ជា​បណ្តុំ​នៃ​ការដាំដុះ​បន្ទា​ក់តៗ​គ្នា នឹងត្រូវ​មាន កិច្ចសន្យា​ជាមួយ​កសិករ​ក្នុង​ការប្រមូលទិញ​មកវិញ ដើម្បី​ចៀសវាង​ការ​ជន់​ជោរ​បន្លែ ផ្លែឈើរ​នៅតាម​ទីផ្សារ ដែល​អាចធ្វើ​ឲ្យ​ប៉ះពាល់​ប្រាក់ចំណូល​របស់​ប្រជាកសិករ​។​

​ទាក់ទិន​នឹង​ការដាំដុះ​ខាងលើ​នេះដែរ លោក​រដ្ឋមន្ត្រី​កសិករ​មានប្រសាសន៍ថា​ឥឡូវនេះ មាន​ក្រុមហ៊ុន ប្រមាណ ២​ទៅ​៣​ហើយ បាន​កំពុង​ចាប់ផ្តើម​បោះទុន​វិនិយោគ ដើម្បី​ផលិត ចេញ​ជា​ផលិតផល​ល្អ ផលិតផល​ស្អាត ឈានទៅ​តាម​សេចក្តីត្រូវការ​របស់​ប្រជាជន ពោល​គឺជា​បន្លែ​មិន​ប្រើប្រាស់​ថ្នាំពុល និង​ជាប​ន្លៃ​ដើម្បី​សុខភាព​នឹងត្រូវ​ធ្វើឡើង​ទៅតាម ទំហំ​នៃ​សេដ្ឋកិច្ច​របស់​កម្ពុជា ក្នុងនោះ​យើង​មិនអាច​ពង្រីក​ក្នុង​ទ្រង់ទ្រាយ​ធំ​ហើយ​មិនទាន់ បាន​ពង្រីក​ទីផ្សារ​នោះឡើយ ព្រោះ​បច្ចុប្បន្ន​ប្រជាជន​យើង​ភាគតិច​ណាស់ ដែល​គិតថា របស់​ស្អាត​គួរ​ពិសារ ឬ​មិន​ពិសារ ចំណែក​ប្រជាជន​មួយចំនួនធំ​ច្រើន​ទិញ​របស់​ដែល មានតម្លៃ​ទាប ដូច្នេះ​យើង​ត្រូវ​បែងចែក​តំបន់​នៃ​ដាំ​ដុះ ដើម្បី​ជម្រុះ​ការផ្គត់ផ្គង់​ឲ្យ​ចំ​គោលដៅ​។​

សូមបញ្ជាក់ថា ប្រជាពលរដ្ឋ​ដាំ​ដុះ​បន្លែ​នៅ​ស្រុក​ស្អាង ខេត្តកណ្តាល​កាលពីពេល​កន្លង ទៅនេះ បាន​ត្អូញត្អែរ​អំពី​តម្លៃ​លក់​ចេញ​បន្លែ​នៅតាម​ទីផ្សារ ជាពិសេស​ទីផ្សារ​លក់ដុំ នៅ​រាជធានី​ភ្នំពេញ​មានការ​ធ្លាក់ចុះ ដែល​ធ្វើ​ឲ្យ​ពួកគាត់​បាត់បង់​ចំណូល​ក្រោយពី​ការទូទាត់ ចំណាយ​ថ្លៃដើម​នៃ​ការដាំដុះ​ក្នុង​មួយ​រដូវៗ ៕​/PC

ទីតាំងផ្សាយពាណិជ្ជកម្ម

- Advertisment -

Most Popular