Home ព័ត៌មានជាតិ សន្តិសុខ ចាប់ខ្លួន​ជនជ...

ចាប់ខ្លួន​ជនជាតិ​ចិន​ម្នាក់ ពាក់ព័ន្ធ​ការកាន់កាប់​អាវុធ​ដោយ​ខុសច្បាប់​

​ដោយៈ​ វ​ណ្ណះ​-​ស​រិ​ទ្ធ​/​ព្រះសីហនុៈ ស្នងការ​នគរបាល​ខេត្ត​ព្រះសីហនុ លោក​ឧ​ត្ត​ម​សេនីយ៍​ទោ ជួន ណា​រិន្ទ បាន​ឲ្យ​ដឹងថា សមត្ថកិច្ច​ជំនាញ​បាន​បង្ក​សំណុំរឿង​បញ្ជូន បុរស​ជនជាតិ​ចិន​ម្នាក់ ទៅ​សាលាដំបូង​ខេត្ត​នៅ​ថ្ងៃទី​២៤ ខែធ្នូ ឆ្នាំ​២០២០​នេះ បន្ទាប់ពី ចាប់ខ្លួន​ពាក់ព័ន្ធ​ការកាន់កាប់​អាវុធ​ដោយ​ខុសច្បាប់ នៅ​ចំណុច​ផ្លូវ​ពយ​កំ​ពេញ​ចាស់ ស្ថិតនៅ​ភូមិ​១ សង្កាត់​៣ ក្រុងព្រះសីហនុ កាលពី​រសៀល​ថ្ងៃទី​២២ ខែធ្នូ ឆ្នាំ​២០២០ កន្លងមក​។​

​ស្នងការដ្ឋាន​នគរបាល​ខេត្ត​ព្រះសីហនុ​បាន​បន្តថា ប្រជាពលរដ្ឋ​រាយការណ៍​ថា ឃើញ​ជនជាតិ​ចិន​ម្នាក់​ពាក់អាវ​ខ្មៅ មាន​កាបូប​សង្ស័យ​មាន​អាវុធខ្លី បាន​ឡើង​ជិះ​រថយន្ត​១​គ្រឿង ម៉ាក LEXUS RX300 ពណ៌​ស​ស្លាក​លេខ ភ្នំពេញ 2AT-6732 នៅ​ចំណុច​ចាប់ខ្លួន​ខាងលើ​។​

​បន្ទាប់ពី​ទទួលបាន​ព័ត៌មាន កម្លាំង​ជំនាញ​ផែន​ការងារ​នគរបាល​ព្រហ្មទណ្ឌ បាន​សហការ​ជាមួយ​កម្លាំង​ប៉ុស្តិ៍នគរបាល​រដ្ឋបាល​ស​ង្កា​ត់​៣ ចុះ​ទៅដល់​កន្លែង​ទីតាំង​ខាងលើ រួច​ធ្វើការ​ត្រួតពិនិត្យ​រថយន្ត ជា​លទ្ធផល​ឃើញ​មាន​ជនជាតិ​ចិន​ម្នាក់ និង​រកឃើញ​មាន​អាវុធខ្លី​១​ដើម ម៉ាក SIGSAUER ពណ៌​ខ្មៅ បង់​កាំភ្លើង​១ មាន​គ្រាប់​៩​គ្រាប់ ។

​ជនសង្ស័យ​ឈ្មោះ Wu Hai Zhu អាយុ​៣១​ឆ្នាំ មុខរបរ​មិន​ពិតប្រាកដ ពុំមាន​លិខិតឆ្លងដែន​ជាប់​ខ្លួន ស្នាក់នៅ​ភូមិ​១ សង្កាត់​៣ ក្រុងព្រះសីហនុ​។

​វត្ថុតាង​ចាប់យក​បាន អាវុធខ្លី​១​ដើម ម៉ាក SIGSAUER ពណ៌​ខ្មៅ​, ទូរស័ព្ទដៃ​៣​គ្រឿង​, រថយន្ត​១​គ្រឿង ពាក់​ស្លាក​លេខ ភ្នំពេញ 2AT-6732 ។

​បច្ចុប្បន្ន​ជនសង្ស័យ និង​វត្ថុតាង កំពុងស្ថិត​ក្នុង​កណ្តាប់​ដៃ​តុលាការ​បន្ត​និតិ​ច្បាប់​៕​

ទីតាំងផ្សាយពាណិជ្ជកម្ម

- Advertisment -

Most Popular