Home ព័ត៌មានជាតិ សង្គម ​សប្បុរសជន​ខេ...

​សប្បុរសជន​ខេត្តកំពង់ចាម ចូលរួម​ជាមួយ​រដ្ឋាភិបាល ទិញ​វ៉ាក់សាំង​កូ​វីដ កើនឡើង​ដល់​ជាង ប្រាំ​ម៉ឺន​ដុល្លារ​

ដោយៈ គង់​ហេង / កំពង់ចាមៈ សប្បុរសជន ជា​ព្រះសង្ឃ ជា​មន្ត្រីរាជការ និង​កងកម្លាំងប្រដាប់អាវុធ ក្នុង​ខេត្តកំពង់ចាម បាន​ចូលរួម​សកម្មភាព មនុស្សធម៌​ជាមួយ រាជរដ្ឋាភិបាល ដើម្បី​ទិញ​វ៉ាក់សាំង ប្រឆាំងនឹង​ជំងឺ​កូ​វីដ​.១៩ បាន​កើន​ឡើងដល់​ជាង ២០០ លាន​រៀល គឺ​ប្រមាណ​ជាង ប្រាំ​ម៉ឺន ដុល្លារ​អាមេរិក រយ​:​ពេល​ប្រហែល ពីរ​សប្តាហ៍ កន្លងទៅនេះ​។​

​មន្ត្រី​សាលាខេត្ត​កំពង់ចាម បានឱ្យដឹង​នៅ​ថ្ងៃទី​២៤ ធ្នូ​នេះ​ថាៈ គិត​ត្រឹម​ថ្ងៃទី​២៣ ខែធ្នូ សប្បុរសជន តាម​បណ្តា​មន្ទីរ ស្រុក អង្គភាព​នានា បាន​បន្ត​នាំយក​ថវិកា មក​បរិច្ចាគ​ជាមួយ រាជរដ្ឋាភិបាល​កម្ពុជា តាមរយៈ រដ្ឋបាលខេត្ត​កំពង់ចាម ដោយមាន​លោក អ៊ុន ចាន់​ដា ជា​អភិបាលខេត្ត និង​ជា​ប្រធាន​គណៈកម្មការ​ខេត្ត ប្រយុទ្ធ​ប្រឆាំងនឹង​ជំងឺ​កូ​វីដ​.១៩ និង​អភិបាលរង​ខេត្ត រង់ចាំ​ទទួល នៅ​សាលាខេត្ត ជាប្រចាំ​។​

​ប្រភព បាន​បន្តថាៈ សប្បុរសជន​ច្រើន​អង្គភាព របស់​ខេត្តកំពង់ចាម បាន​ជួយឧបត្ថម្ភ​ផ្ទាល់ ទៅ​សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​។ ប៉ុន្តែ​ភាគច្រើន បាន​ឧបត្ថម្ភ តាមរយៈ​រដ្ឋបាល ខេត្តកំពង់ចាម ចាប់ពី​ថ្ងៃទី​១៤ ដល់ ២៣ ខែធ្នូ ឆ្នាំ​២០២០ សរុប​ចំនួន​ជាង ២០០​លាន រៀល គឺ​ស្មើនឹង​ប្រមាណ ប្រាំ​ម៉ឺន ដុល្លារ​អាមេរិក​៕/V


​ ​

ទីតាំងផ្សាយពាណិជ្ជកម្ម

- Advertisment -

Most Popular