Home ព័ត៌មានសំខាន់ៗ ថ្ងៃនេះ​ថៃ​រក...

ថ្ងៃនេះ​ថៃ​រកឃើញ​អ្នក​ឆ្លងកូវី​ដ​បន្ថែម​ចំនួ​ន​៦៧​នាក់ ម្នាក់​ជា​ពលករ​កម្ពុជា​ខុសច្បាប់​

ប្រែ​សម្រួលៈ​វាសនា​/​បាងកក​៖​រដ្ឋាភិបាល​ថៃ​កាលពី​ថ្ងៃ​ព្រហស្បតិ៍​បាន​រាយការណ៍​ករណី​ឆ្លងកូវី​ដ​១៩​ថ្មី​ចំនួន​៦៧​នាក់​ទៀត ក្នុងនេះ​៥៨​នាក់​ជា​ករណី​ឆ្លង​ក្នុងស្រុក និង​៨​នាក់​ជា​អ្នក​ធ្វើ​ចត្តា​ឡីស័​ក​ក្រោយ​​មក​ដល់​ពី​ក្រៅ​ប្រទេស ។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩ បាន​និយាយថា ៥៥​នាក់​ក្នុងចំណោម​អ្នក​ឆ្លង​ក្នុងស្រុក​៥៨​នាក់ ជាប់​ពាក់ព័ន្ធ​នឹង​ការផ្ទុះកូ​វីដ​១៩​នៅ​ខេត្ត​សាមុត សា​ខន ហើយ​អ្នក​ឆ្លង​ភាគច្រើន​​ជា​អ្នកលក់ដូរ​និង​ពលករ​ថៃ​។​

​សារព័ត៌មាន​បាងកក​ប៉ុស្តិ៍​បាន​និយាយទៀតថា អ្នក​ឆ្លង​ទី​៦៧ ជា​មនុស្ស​ឆ្លង​ព្រំដែន​ខុសច្បាប់​ទៅ​ពី​កម្ពុជា​។​

​អ្នកនាំពាក្យ​បាន​បន្ថែមថា តាំង​ពី​ផ្ទុះ​កូវី​ដ​១៩​នៅ​ខេត្ត​សាមុត សា​ខន​មក កម្មករ​ពលករ​ចំណាកស្រុក​មកពី​ប្រទេស​ជិតខាង​ចំនួន​១.២៧៣​នាក់​ត្រូវបាន​ធ្វើតេស្តិ៍​ឃើញកូ​វីដ​១៩​។​

​នៅ​ទូទាំង​ពិភពលោក​នៅ​២៤​ម៉ោង​មក​នេះ ការ​ឆ្លងកូវី​ដ​១៩​បាន​កើន​៦៨៣.០០៨​នាក់​ទៀត រហូត​ដល់​ចំនួន​៧៩,០៥​លាន​នាក់ និង​ជាង​១,៧៤​លាន​នាក់​បាន​ស្លាប់ បន្ទាប់​ពី​អ្នកជំងឺ​១៣.៤២៣​នាក់​​ទៀត​ស្លាប់​។​អាម៉េរិក​មាន​អ្នក​ឆ្លង​ឡើងដល់​១៨,៩២​លាន​នាក់ និង​៣៣៤.២១៨​ស្លាប់ ក្រោយ​៣.៤០១​នាក់​ទៀត​បាន​ស្លាប់​ដោយកូវី​ដ​១៩​នៅ​២៤​ម៉ោង​កន្លងទៅ​។​

​មាន​ព័ត៌មាន​មួយទៀត​ពាក់ព័ន្ធ​នឹង​កូវី​ដ​១៩​នៅ​ថៃ​នេះដែរ គឺថា​ថៃ​នឹង​មិន​បិទ​ប្រទេស​ដោយសារតែ​ការផ្ទុះ​វីរុស​កូរ៉ូ​ណា​នៅ​មួយ​រយៈពេល​ចុង​ក្រោយនេះ​ទេ​តែ​អាជ្ញាធរ​កំណត់​តំបន់​គ្រប់គ្រង​កូវី​ដ​១៩​ដោយ​ផ្អែក​លើ​ចំនួន​និង​ទំហំ​នៃ​ការឆ្លង​ដូច្នេះ​ការអបអរ​បុណ្យ​ណូអែល និង​ឆ្លង​ឆ្នាំ​នឹង​ត្រូវ​អនុញ្ញាត​ក្រោម​ការ​រឹតត្បិត​ដ៏​តឹងរឹង​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩ បាន​និយាយថា មាន​តំបន់​អនុវត្ត​វិធានការកូ​វីដ​១៩​ចំនួន​៤ គឺ​តំបន់​ក្រហម ទឹកក្រូច លឿង​និង​បៃតង​។​

​តំបន់​ក្រហម ត្រូវ​ធ្វើ​ការត្រួតពិនិត្យ​អតិបរមា ដោយសារ​ចំនួន​ឆ្លង​ច្រើន​ដូចជា​នៅ​ខេត្ត​សាមុត សា​ខន រី​ឯ​តំបន់​បៃតង​ជា​កន្លែង​ដែល​មិន​មាន​ការឆ្លង​។​ការអបអរ​ពិធី​ជួបជុំ​សប្បាយ​អាច​អនុញ្ញាត​អោយ​​ធ្វើ​នៅ​តំបន់​២​ចុងក្រោយ តែ​បន្ថយ​ទំហំ​និង​មិន​អោយមាន​ការជួបជុំ​មនុស្ស​ជា​ហ្វូង​ធំៗ​ទេ​៕

​កម្មករ​បន្ត​សម្អាត​ផ្សារ​នៅ​ខេត្ត​សាមុត សា​ខន កន្លែង​ដែល​ស្ថិតនៅ​តំបន់​ក្រហម

 

 

 

 

 

ទីតាំងផ្សាយពាណិជ្ជកម្ម

- Advertisment -

Most Popular