Home ព័ត៌មានជាតិ សន្តិសុខ មន្ត្រីនគរបាល...

មន្ត្រីនគរបាល ខេត្តរតនគិរី ប្តឹង​អធិការរង នគរបាល​ស្រុក​អូរ​ជុំ ពីបទ ប៉ុនប៉ង​មនុស្សឃាត ដោយ​ចេតនា​

ដោយៈ ស​រិ​ទ្ធ/រតនគិរីៈ មន្ត្រីនគរបាល​ព្រហ្មទណ្ឌកំ​រិត​ស្រាល នៃ​ស្នងការដ្ឋាន​នគ​បាល ខេត្តរតនគិរី​ម្នាក់ បានដាក់​ពាក្យ​បណ្តឹងផ្ទាល់ មក​អយ្យការ អម​សាលាដំបូង​ខេត្ត ដែលមាន កម្មវត្ថុ ប្តឹង​អធិការរង នគរបាល​ស្រុក​អូរ​ជុំ នៃ​ស្នងការដ្ឋាន​នគ​បាល​ខេត្ត ម្នាក់ ពីបទ ប៉ុនប៉ង​មនុស្សឃាត ដោយ​ចេតនា​។​

​ហេតុការណ៍​នេះ បានកើត​ឡើង តាំងពី​ម៉ោង ១១​និង​៣០ នាទី យប់​ថ្ងៃ​២០ ខែធ្នូ ឆ្នាំ​២០២០ នៅ​ចំណុច​ភូមិ​អភិវឌ្ឍន៍ សង្កាត់​ឡា​បាន​សៀក ក្រុង​បាន​លុង ខេត្តរតនគិរី​។ តែ​ពាក្យបណ្តឹង បានដាក់​ចូលមក អយ្យការ​អម​សាលាដំបូង ខេត្តរតនគិរី នៅ​រសៀល ថ្ងៃទី​២២ ខែធ្នូ ឆ្នាំ​២០២០​។​

​ពាក់ព័ន្ធ​នឹង​បញ្ហា​នេះ លោក ងិន ពេ​ជ ព្រះរាជអាជ្ញា អម​សាលាដំបូង​ខេត្តរតនគិរី បានបញ្ជាក់​ប្រាប់​រស្មី​កម្ពុជា នៅ​ព្រឹក​ថ្ងៃទី​២៥ ខែធ្នូ ឆ្នាំ​២០២០ នេះ​ថាៈ ចំពោះ​ពាក្យបណ្តឹង នេះ តុលាការ កំពុង​ចាត់ការ តាម​នីតិវិធី​។​

​សំណុំ​រឿងនេះ មាន​ដើមបណ្តឹង​ឈ្មោះ ហេង គោរព ភេទ​ប្រុស អាយុ​៣៦​ឆ្នាំ រស់នៅ​ភូមិ​ជ្រី សង្កាត់​យក្ស​ឡោម ក្រុង​បាន​លុង ខេត្តរតនគិរី ជា​មន្ត្រីនគរបាល ព្រហ្មទណ្ឌកំ​រិត​ស្រាល នៃ​ស្នងការដ្ឋាន​នគ​បាល ខេត្ត​រតនគីរី​។ ចំណែក​ជនសង្ស័យ ឈ្មោះ រុំ សារិទ្ធ ភេទ​ប្រុស អាយុ​៤៥​ឆ្នាំ មាន​តួនាទី​ជា អធិការរង​នគរបាល ស្រុក​អូរ​ជុំ ខេត្តរតនគិរី មាន​លំនៅ ភូមិ​តា​ស៊ុយ សង្កាត់​កាចា​ញ ក្រុង​បាន​លុង ខេត្ត​រតនគីរី​។​

​ប្រភព​មួយ បាន​បង្ហើប​ឲ្យ​ដឹងថាៈ ក្នុង​ហេតុការណ៍​បង្កទំនាស់ ពាក្យសម្តី រហូត​ឈានដល់ ហិង្សា ដោយ​ចេតនា​នោះ គឺ​ផ្តើមចេញពី​ផឹកស៊ី​ជុំគ្នា នៅផ្ទះ​មិត្តភក្តិ និយាយ​រឿង​គំនុំ យូរ​មកហើយ នាំឱ្យ​ជនដៃដល់ មាន​កំហឹង ឈាន​ទៅយក​កំប៉ុង​ស្រា​បៀរ មិនទាន់​គាស់ មក​គប់​ទៅលើ​ជនរងគ្រោះ មួយ​ទំហឹង​។​

​ពេលនោះ ជនរងគ្រោះ ស្ទុះ​ហក់​ទៅ​បំណង​តប ត តែ​ត្រូវ​ជនដៃដល់ ចាប់បាន​កូនកាំបិត ស្ទុះ​ចាក់​ចំ​សៀត​ថ្កា​ខាងឆ្វេង បណ្តាលឱ្យ​បាក់​ចុង ជាប់​កប់​ក្នុង​សាច់ ហើយ​ដួល​ទៅនឹង​ដី បាត់មាត់បាត់ក រួច​ក៏​ត្រូវគេ​ជួយ​ឃាត់ ទាញ​ចេញ​រៀងៗ​ខ្លួន នឹង​បញ្ជូនទៅ​សង្គ្រោះ​ភ្លាមៗ​ដែរ ។ បន្ទាប់មក ជនរងគ្រោះ ត្រូវបាន​បញ្ជូនបន្ត ដល់​មន្ទីរពេទ្យ​កាល់ម៉ែត ហើយ​ត្រូវបាន​ក្រុម គ្រូពេទ្យ វះកាត់​រួចរាល់ នៅ​ថ្ងៃទី​២៣ ខែធ្នូ ឆ្នាំ​២០២០ កន្លងទៅនេះ​៕/V​-PC

ទីតាំងផ្សាយពាណិជ្ជកម្ម

- Advertisment -



Most Popular