Home ព័ត៌មានជាតិ សន្តិសុខ សព​ជនរងគ្រោះ ...

សព​ជនរងគ្រោះ ទាំង ៨ នាក់ នៅក្នុង​គ្រោះថ្នាក់​ចរាចរណ៍ នៅ​ថ្មគោល បាន​ស្គាល់ឈ្មោះ អស់ហើយ​

ដោយៈ ស​រិ​ទ្ធ​-​ភ្នំ​ខៀវ​/​បាត់ដំបងៈ សាកសព​ជនរងគ្រោះ ទាំង ៨ នាក់ នៅក្នុង​ហេតុការណ៍ គ្រោះថ្នាក់​ចរាចរណ៍ កាលពី​ម៉ោង ៩ និង​២០​នាទី យប់​ថ្ងៃទី​២៤ ខែធ្នូ ឆ្នាំ​២០២០ លើផ្លូវ​ជាតិ​លេខ​៥ កំពុង​ស្ថាបនា ត្រង់ចំណុច​ក្រុមទី​១ ភូមិ​ពពាលខែ ឃុំ​អូរ​តា​គី ស្រុក​ថ្មគោល ខេត្តបាត់ដំបង បាន​ស្គាល់​អត្តសញ្ញាណ​អស់ហើយ​។ ក្រុមគ្រួសារ ក៏បាន​យក​សព ទៅ​ស្រុកកំណើត ដើម្បី​ធ្វើបុណ្យ តាម​ប្រពៃណី តាម​ផ្ទះ​រៀងៗ​ខ្លួន​។ នេះ​បើតាម​ការបញ្ជាក់ របស់លោក ផង់ សុភាព អធិការនគរបាល ស្រុក​ថ្មគោល បាន​ឲ្យ​ដឹង នៅ​ព្រឹក​ថ្ងៃទី​២៥ ខែធ្នូ ឆ្នាំ​២០២០ នេះ​។​

​លោក ផង់ សុភាព បានឱ្យ​យ​ដឹងថាៈ ជនរងគ្រោះ​ទាំង ៨ នាក់​នោះ រួមមានៈ ១. អ្នកបើក បររថ​យន្ត ហ៊ីយ៉ាន់ដាយ ឈ្មោះ ឡេង សុ​ភ័​ក្រ ភេទ​ប្រុស អាយុ​២៨​ឆ្នាំ រស់នៅ​ភូមិ​អូរ​ពងមាន់ ឃុំ​តា​គ្រាម ស្រុក​បាណន់ ខេត្តបាត់ដំបង (​ស្លាប់​) និង​អ្នករួមដំណើរ​ជាមួយ ឈ្មោះ ហ៊រ ហាន ភេទ​ប្រុស អាយុ​១៨​ឆ្នាំ រស់នៅ​ភូមិ​អូរ​ពងមាន់ ឃុំ​តា​គ្រាម ស្រុក​បាណន់ ខេត្តបាត់ដំបង (​របួសស្រាល​)​។

​ចំណែក​អ្នកបើកបរ​រថយន្ត តូយ៉ូតា កាមរី (​គូថ​ហើម​) ឈ្មោះ ឆន អុល ភេទ​ប្រុស អាយុ​៥៤​ឆ្នាំ រស់នៅ​ភូមិ​ថ្មី ឃុំ​ត្រពាំង​ជង ស្រុក​បាកាន ខេត្តពោធិ៍សាត់ (​របួសធ្ងន់​) ព្រមទាំង​អ្នករួមដំណើរ ជាមួយ រួមមានៈ ១. ឈ្មោះ យឿន សុខ ភេទ​ប្រុស អាយុ​៣៩​ឆ្នាំ (​ស្លាប់​)​។ ២. ឈ្មោះ រស់ ពៅ ភេទ​ស្រី អាយុ​៣៨​ឆ្នាំ (​ស្លាប់​)​។ ៣. ឈ្មោះ រស់ មី ភេទ​ស្រី អាយុ​៥៧​ឆ្នាំ (​ស្លាប់​)​។ ៤. ឈ្មោះ យឿន ចាន់នី ភេទ​ស្រី អាយុ​១៤​ឆ្នាំ (​ស្លាប់​)​។ ៥. ឈ្មោះ យឿន ចាន់ណា ភេទ​ប្រុស អាយុ​១៦​ឆ្នាំ (​ស្លាប់​)​។ ៦. ឈ្មោះ យឿន សាន់ ភេទ​ប្រុស អាយុ​១២​ឆ្នាំ (​ស្លាប់​)​។ ៧. ឈ្មោះ យឿន វណ្ណ​ឆាយ ភេទ​ប្រុស អាយុ​១​ឆ្នាំ (​របួសស្រាល​) ។ ទាំង ៧​នាក់​នេះ មាន​លំនៅ នៅ​ភូមិ​ព្រៃ​ដំរី ឃុំ​បឹង​ខ្នារ ស្រុក​បាកាន ខេត្តពោធិ៍សាត់ ។ ៨. ឈ្មោះ ឃុ​ត គឹម​សាន ភេទ​ស្រី អាយុ​៣៩​ឆ្នាំ រស់នៅ​ភូមិ​អន្លង់​កូប ឃុំ​របស់​មង្គល ស្រុក​មោងឫស្សី ខេត្តបាត់ដំបង (​ស្លាប់​)​។​

​ចំពោះ​អ្នករងរបួស បាន​ត្រូវ​សមត្ថកិច្ច បញ្ជូនទៅ​សម្រាក​ព្យាបាល នៅ​មន្ទីរពេទ្យបង្អែក​ស្រុក ។ ចំណែក​រថយន្ត​ទាំងពីរ​គ្រឿង ខូចខាត​យ៉ាងដំណំ ក៏​ត្រូវបាន​កម្លាំង​ការិយាល័យ ចរាចរណ៍​ផ្លូវគោក ខេត្តបាត់ដំបង យកទៅ​រក្សាទុក ដើម្បី​ចាត់ការ តាម​នីតិវិធី​នៅពេល ក្រោយ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular