ក្រុមប្រឹក្សា​ខេត្ត ប្រជុំ​អនុម័ត​លើ​សេចក្តីព្រាង ស្តីពី​កម្មវិធី វិនិយោគ ៣ ឆ្នាំ រំកិល ២០២១-២០២៣

ដោយៈ សៅ វ៉ាន់ឌី / ព្រះ​វិហារៈ នា​ព្រឹក​ថ្ងៃទី​២៥ ខែធ្នូ ឆ្នាំ​២០២០ រដ្ឋបាលខេត្ត​ព្រះវិហារ បានរៀបចំ​ប្រជុំ​ពិនិត្យ ផ្តល់យោបល់ និង​អនុម័ត លើ​សេចក្តីព្រាង ស្តីពី​កម្មវិធី វិនិយោគ ៣ ឆ្នាំ រំកិល ២០២១ និង ២០២៣ ។​

​លោក សេង ប៊ុន​រឿន ប្រធាន​មន្ទីរ​ផែនការ​ខេត្ត បានឱ្យដឹងថាៈ សេចក្តីព្រាង​កម្មវិធី វិនិយោគ ៣ ឆ្នាំ រំកិល ខេត្ត ២០២១ និង ២០២៣ លើក​នេះ ត្រូវបាន​រៀបចំឡើង​ដោយមាន​ការគិតគូរ ដល់​កត្តា​ចម្បង និង​ស្ថានភាព​ជាក់ស្តែង ពីរ​សំខាន់ៗ គឺ​ការបង្ហាញ​គម្រោង​ទិន្នន័យ​ដែលមាន អាទិភាព​ខ្ពស់ របស់​មន្ទីរ​វិស័យ អង្គភាព​ជុំវិញ​ខេត្ត ដែល​មានចែង​ក្នុង គោលនយោបាយ នៃ​ផែនការអភិវឌ្ឍន៍​ខេត្ត រយៈពេល​ប្រាំ​ឆ្នាំ ២០២០-២០២៤ ។

​លោក ប្រាក់ សុវណ្ណ អភិបាលខេត្ត បាន​ជំរុញ​ដល់​គ្រប់​ស្ថាប័ន ត្រូវ​រៀបចំ​គោលនយោបាយ ប្រកបដោយ​ការយកចិត្តទុកដាក់ និង​រៀបចំ​ឱ្យបាន​សព្វ​ជ្រុងជ្រោយ មុននឹង​ដាក់ជូន ដើម្បី​ធ្វើការ​អនុម័ត ក្នុង​កិច្ចប្រជុំ ៕/V-PC

ទីតាំងផ្សាយពាណិជ្ជកម្ម

- Advertisment -

Most Popular